- Հունվարի 18-ին Հայաստանի ֆուտբոլի ֆեդերացիան նշում է իր հիմնադրման 30-րդ տարեդարձը։ Սա նշանակալի իրադարձություն է հայաստանյան ֆուտբոլային հանրության համար։ 30 տարին մի ժամանակահատված է, երբ արդեն կարելի է գիտակցված գնահատականներ տալ անցած ուղուն և, հիմնվելով այս տարիների ընթացքում ստեղծվածի վրա, փորձել կանխագուշակել, թե ինչ ճանապարհով է զարգանալու հայկական ֆուտբոլը։
Գիտակցում ենք՝ ճանապարհը հեշտ չէ, սակայն մենք միասին՝ ֆուտբոլիստները, պաշտոնյաները, երկրպագուները, պատրաստ ենք առաջ գնալ՝ հաղթահարելով դժվարությունները և խոչընդոտները։
Դժվարությունները և խոչընդոտները հաղթահարելու համար ամենակարևոր բաղադրիչներն են միասնականությունն ու ներառականությունը։ Համատեղ ջանքերն ու նվիրվածությունն անխուսափելիորեն հաջողություն կբերեն, և այդ գործընթացում մենք պարտավոր ենք ներառել հայկական ֆուտբոլի բոլոր տարրերը։ Այսօր ևս մեկ անգամ ցանկանում եմ ընդգծել՝ հայկական ֆուտբոլը ոչ միայն պրոֆեսիոնալ ֆուտբոլի մակարդակն է, այլ նաև մեծ բուրգի բոլոր մասնակիցներն են, որոնք հավասարաչափ կարևոր են և առանց որոնց չի կարող կերտվել իրական հաջողությունը։ Եվ այդ հաջողությունը ոչ միայն մեր ազգային հավաքականի անցյալի և ապագայի հաղթանակներն են, այլև մասսայական և սիրողական ֆուտբոլը, կանանց ֆուտբոլն ու ֆուտզալը, սիրողական մրցաշարերի անցկացումը, ենթակառուցվածքների բարելավումը։
Այս ամենի համընթաց զարգացումը միայն կարող է բերել իսկական հաղթանակների, որոնք չեն չափվում լոկ խաղավերջում արձանագրված հաշվով, այլ ներառում են բազմաթիվ այլ գործոններ, օրինակ, ֆուտբոլ խաղի բերկրանքը վայելող մարդկանց թիվը, նրանց առողջությունը, թիմային աշխատանքի կարևորության գիտակցումը, երեխաների սոցիալականացումը։
Այս տարվա ընթացքում Հայաստանի ֆուտբոլի ֆեդերացիան մի շարք միջոցառումներ է նախանշել, որոնք, վստահ եմ, դուր կգան ֆուտբոլային հանրության ներկայացուցիչներին։ Տարվա ընթացքում մենք կհիշենք հայկական ֆուտբոլի վետերաններին, կփորձենք լրացնել հայկական ֆուտբոլի բաց էջերը և տարեգիրք ստեղծել, որպեսզի ապագա սերունդները չմոռանան ֆուտբոլում ամբողջական կյանքեր ապրած և այս խաղին նվիրված մարդկանց, նրանց, ովքեր ապահովել են հայկական ֆուտբոլի շարունակականությունը։
Ես ցանկանում եմ սրտանց շնորհավորել բոլոր այն մարդկանց, ովքեր անցած 30 տարիների ընթացքում ազնվորեն աշխատել են հայկական ֆուտբոլում, աջակցել են դրա զարգացմանը, անմնացորդ նվիրվել են սիրելի խաղին։ Առանց ձեզ մենք չէինք կարողանա աշխատել այսօր և ապագայի ծրագրեր մշակել՝ ի շահ հայկական ֆուտբոլի զարգացման։
Հատուկ շնորհակալություն եմ հայտնում Հայաստանի ֆուտբոլի ֆեդերացիայի հիմնադրման ակունքներում կանգնած մարդկանց, որոնք երկրի համար բարդ ժամանակահատվածում ստանձնել են այդ կարևոր առաքելությունը։
Եվս մեկ անգամ շնորհավորում եմ բոլորիս այս նշանակալի տարեդարձի կապակցությամբ և հաջողություն մաղթում գալիք ֆուտբոլային տարում։
Գլոբալ իրողությունների և տարածաշրջանային գործընթացների միահյուսումը. «Փաստ»
«Արվում են քայլեր, տեղի են ունենում գործընթացներ, որտեղ դժվար է գտնել Հայաստանի ազգային և պետական շահը». «Փաստ»
Ո՞վ կդառնա պատգամավոր. «Փաստ»
Սեփական սխալներն ուրիշների վրա բարդելու հերթական «շուստրիություն». «Փաստ»
Ընթացք կտա՞ «թղթապանակներին», թե՞ կբավարարվի պաշտոնազրկումով. «Փաստ»
Գործարարների նկատմամբ քրեական հետապնդումները շարունակվում են. «Փաստ»
Արևմուտքի ամոթն ու Բաքվի համաժողովի նրբերանգները. «Փաստ»
Արդյո՞ք դիվանագիտությունն առաջ կանցնի ռազմական թատերաբեմից․ «Փաստ»
Երիտասարդ ֆերմերն իր աշխատանքով զարգացնում է սեփական գյուղը
Ո՞րն է մեր գերիների ազատ արձակման գինը. Մենուա Սողոմոնյան
Ինչ է կատարվել Շիրակի մարզի Դատախազության շենքի մոտ․ հայհոյանքներ, անպարկեշտ վերաբերմունք (տեսանյութ)
Մալթայում կայացել է ftNFT YoCerebrum Awards-ը. հայտնի են հաղթողները
Եթե Նեթանյահուն գա Կանադա, կձերբակալվի․ Թրյուդո
Սուսաննա Բունիաթյանը որոնվում է որպես անհետ կորած
Կարմիր կամուրջը վերականգնվում է․ Տիգրան Ավինյան
Մայթով քայլում ես, տեսնում 61 թվի «ԳԱԶ 66»-ի «ռամա» է դրված պապուց հիշատակ, տարե՛ք ձեր տուն, պատից կախեք. Նիկոլ Փաշինյան...