Քարոզարշավ՝ առանց ինտրիգների

Երեկ պաշտոնապես մեկնարկեց նախընտրական քարոզարշավը: Ոչ պաշտոնապես այն մեկնարկել էր ավելի վաղ: Հետհեղափոխականությունից զատ, որը, բնականաբար, կրկնապատկում է քարոզարշավի բովանդակությունը, շարունակում է գործել ռեյտինգային ընտրակարգը, ինչը նշանակում է մոտ 1500 պատգամավորության թեկնածու: Այս հանգամանքն էլ իր հերթին նշանակում է 1500 ֆեյսբուքյան նորաբաց էջեր՝ «քաղաքական գործիչ» վերամբարձ նկարագրությամբ, 1500 կարգախոս, 1500 բուկլետ, 1500 «ծնվել եմ, ավարտել եմ, անդամագրվել եմ» բովանդակությամբ տեքստեր:

Մեծ հաշվով, իհարկե, քարոզարշավը որևէ էական ազդեցություն չի կարող ունենալ ընտրության հիմնական արդյունքի վրա: Սովորաբար հետհեղափոխական ընտրություններում հաղթում է հեղափոխության թիմը՝ իշխանությունը: Որոշակի ինտրիգ կա խորհրդարան անցնող ուժերի և ընդդիմության դաշտում թիվ 1–ը լինելու շուրջ ծավալվող մրցակցության շուրջ: Այս իմաստով քարոզարշավը գուցե նշանակություն ստանա՝ կախված այն հանգամանքից, թե որ ուժն այս ընթացքում կկարողանա իր կողմը քաշել չկողմնորոշված էլեկտորատին: Իսկ չկողմնորոշված էլեկտորատը այս պահին սակավ է: Այս իմաստով ամենահեշտը իշխանության և ՀՀԿ–ի գործն է՝ երկուսի էլեկտորատն էլ, ըստ էության, պարզ է:

Ամեն դեպքում, քարոզարշավն ինքնին շատ կարևոր ազդակ է նրա, թե ինչպիսին է քաղաքական հաղորդակցության լեզուն, քաղաքականության բովանդակությունը: Հատկապես հիմա, երբ քարոզարշավի դերակատարությունը զրոյական է ընտրության հաղթողին որոշելու հարցում, իշխանություններն ունեն ռեալ շանս հասարակության հետ նոր որակի զրույցի բռնվելու, հետընտրական իրենց անելիքներն առավել հստակ ու առարկայական ներկայացնելու առումով: Թեպետ, վերջին հաշվով, մեծամասամբ առաջնային է լինելու «մեր տղեն ա» կամ «մեր աղջիկն ա» «քարոզչամիջոցը»:

դիտվել է 2 անգամ
loading...
Լրահոս
Գ. Ծառուկյանի աջակցությամբ՝ «Մուլտի Արմյանե» թիմը կմասնակցի «Լիգա սմեխա» հումորային փառատոնին Ռոբերտ Քոչարյանի խափանման միջոցի վերաբերյալ նյութերը դեռևս չեն ուղարկվել Վերաքննիչ դատարան. պաշտպանական խումբՀովիկ Աբրահամյան. «Մատնանշված տարածքում հողակտոր չունեմ» Չարորակ հիվանդությունների վիրահատման ամբողջ գումարը կվճարի պետությունըԿա Փաշինյան-Ալիև հանդիպման վերաբերյալ տեղեկատվության սղություն, որոշակի չակերտներ պետք է բացվենՎանեցյանը ժամանել է Բագրատաշենի մաքսատուն. ցուցարարները բացել են ճանապարհը2018-ի վերջին պետական պարտքը կազմել է 6,923 մլրդ դոլար. աճը՝ 148 մլն դոլար. մանրամասներԳագիկ Ծառուկյանը մշտապես հայտարարել է՝ այն մարդիկ, որոնք կապ ունեն մարտի 1-ի դեպքերի հետ, պետք է խստագույնս պատժվեն. Իվետա Տոնոյան Կարեն Մաթևոսյանը՝ Երևանի առողջապահության վարչության պե՞տ Միհրան Հարությունյանի խոստովանությունը Ռուբեն Թաթուլյանին
Ամենաընթերցված