Բռնցքամարտի հավաքականի գլխավոր մարզիչը նեղ անձնական շահեր է սպասարկում

Սոնա Սեդրակյանն իր ֆեյսբուքյան էջում գրում է.

Հայկական բռնցքամարտը շարունակում է ալեկոծությունների ենթարկվել բռնցքամարտի ֆեդերացիայի ապաշնորհ որոշումների պատճառով: Եվրոպական խաղեղրին մասնակցելու համար ընտրված մարզիկների կազմը, ինչպես վայել է ներկայիս ֆեդերացիայի ղեկավարությանը, կազմվել է անարդար կերպով և մի քանի ուժեղագույն մարզիկներ տեղ չեն գտել հավաքականում: Այս խնդիրը կարգավորելու համար ՀԱՕԿ – ը միջամտել է հավաքականի կազմի ընտրությանը, որպեսզի Հայասատնը լավագույն կազմով կարողանա ներկայանալ սպասվելիք մրցաշարին և պատվով ներկայացնի երկիրը: Սակայն, հավաքականի գլխավոր մարզիչ Ռուբիկ Մկրտչյանը պնդում է, որ միայն իր կողմից ընտրված մարդիկ պետք է տեղ գտնեն հավաքականում, անկախ նրանից, թե ով ավելի լավ մարզավիճակ ունի և ով ավելի մեծ շանսեր ունի մեդալներ նվաճելու համար:Այս կերպ, մի քանի տաղանդավոր բռնցքամարտիկներ ովքեր միայն նրա համար որ ներկայացնում են Հայաստանի մյուս բռնցքամարտի ֆեդերացիան դուրս են մղվում: Փաստացի մարզիկների անձնական որոկաները ստորադասվում են մարզչի քմահաճույքների պատճառով: Արդեն որերոդ անգամն է, ինչ նմանտիպ խնդիրների ենք ականատես լինում: Հայստանի առաջնության ընթացքում ևս նմանատիպ դեպքեր արձանագրվեցին, երբ որոշ մարզիկներ մրցավարական և մարզչական կազմի հովանվորությունն են ստանում, իսկ որոշները անուշադրության մատնվում: Հավաքականի գլխավոր մարզիչը բավական չե նման վարքագիծ է դրսևորում,դրա հետ մեկտեղ մեղադրանքներ է հղում ՀԱՕԿ ին: Թե ինչպիսի գործունեությամբ է աչքի ընկել Հայաստանի օլիմպիական կոմիտեն հայտնի է բոլորին: Ներկայումս հայկական սպորտի ձեռքբերումների գերակշիռ մասը ուղիղ կերպով կապված է ՀԱՕԿ ի գործադրած ջանքերի հետ: Շատ ավելի տեղին կլինի զուր մեղադրանքների փոխարեն ՀԲՖ ներկայացուցիչները փոփոխության ենթարկեն իրենց գործելոճը և հայկական բռնցքամարտը հանեն այս ճահճից:

Нет описания фото.

դիտվել է 14 անգամ
Լրահոս
Ամենաընթերցված