Երբ հաղթողներ և պարտվողներ չկան. մեկ ընտանիքի գաղափարը՝ ՀԷՑ-ի՝ Առաջին Հանրապետության 101-րդ ամյակին նվիրված մրցաշարում



Երբ հաղթողներ և պարտվողներ չկան. մեկ ընտանիքի գաղափարը՝ ՀԷՑ-ի՝ Առաջին Հանրապետության 101-րդ ամյակին նվիրված մրցաշարում

«Մեզ համար հաղթողներ և պարտվողներ չկան, այստեղ մի մեծ ընտանիք է, որի գաղափարը մեկն է՝ հաղթում ենք բոլորս»: Կարգախոսը Հայաստանի առաջին Հանրապետության տոնին նվիրված ֆուտզալի մրցաշարի մասնակիցներինն է:

 

«Հայաստանի էլեկտրական ցանցեր» ՓԲԸ-ի ավանդական դարձած մրցաշարն այս տարի երկու օր շարունակ հավաքել է Երևանի, ՀՀ մարզերի և «Արցախէներգո» ընկերության գործընկերներին:

«Մեր ընկերությունում շատ մեծ ուշադրություն են դարձնում առողջ ապրելակերպին: Արդեն 12 տարի է՝ մենք Անկախության տոնին նվիրված մեծ սպարտակիադաներ ենք կազմակերպում՝ ընդգրկելով 9 սպորտաձև: Բացի այդ, մեծ ուշադրություն ենք դարձնում ֆուտզալի մրցաշարերին: Այս տարի մրցաշարը նվիրված է Հայաստանի առաջին Հանրապետության 101-ամյակին»,-լրագրողների հետ զրույցում ասաց «Հայաստանի էլետրական ցանցեր» ՓԲԸ արհմիության նախագահ, կազմկոմիտեի նախագահ Արտյոմ Մուրադյանը:

 

 

Մրցաշարն անցկացվել է մայիսի 25-27-ը: Մայիսի 27-ին մրցաշարի եզրափակիչ փուլն էր: Մինչ եզրափակիչ անցած երկու թիմերին անցնելը՝ Արտյոմ Մուրադյանը հավաստիացնում է՝ խաղերը բարձր են սիրողական մակարդակից. «Բարձր են, որովհետև մեր ընկերությունում ֆուտզալին մեծ ուշադրություն ենք դարձնում: Մենք միջազգային մի քանի մրցաշարերի հաղթող ենք դարձել: Առաջիկայում այս մրցաշարի հիման վրա հավաքական թիմ կձևավորվի, որը Հայաստանում և Հայաստանից դուրս անցկացվող ֆուտզալի սիրողական մրցաշարերին կմասնակցի: Կարծում եմ՝ նախաձեռնությունը շատ մեծ խթան կդառնա սիրողական ֆուտզալի համար: Որախ կլինենք, որ մյուս անձնակազմերի համար այն ևս վարակիչ կլինի, իսկ հաջորդ փուլերում մենք մրցենք ոչ թե ներքին առաջնություններում, այլ տարբեր կազմակերպությունների հետ»:

 

 

«Հայաստանի էլետրական ցանցեր» ՓԲԸ արհմիության նախագահն ընդգծեց նաև այն կարևոր գաղափարի մասին, որի շուրջ հավաքվել են. «Ամենակարևորը հաղթելը կամ պարտվելը չէ: Ամենակարևորն այն է, որ նույն ընկերության տարբեր աշխատակիցներ նման մրցաշարերում և՛ փոխանակվում են փորձով, և՛ ձեռք են բերում ընկերություն: Սա մեկ ընտանիքի գաղափարն է, որը գործում է մեր ընկերությունում»: Նշենք, որ երկու օրերի ընթացքում միմյանց հետ մրցել էին բոլոր 13 թիմերը, ինչի արդյունքում եզրափակիչ էին դուրս եկել ՀԷՑ կենտրոնական ապարատի («Վարչապարատ») և «Կենտրոն» տարածքային համակարգման թիմերը:

 

Արդեն եզրափակչում հաղթեց «Կենտրոն» տարածքային համակարգման տնօրինության թիմը:

 

Երկրորդ տեղում «Վարչապարատն» էր, երրորդում՝ «Ղարսը», իսկ չորրորդում՝ «Աղստև» մասնաճյուղը: Ժորա Նազարյանը հաղթող թիմից է, 18 գոլի հեղինակ է: «3 ամիս է՝ տրամադրվում էինք խաղին: Մրցակիցն ուժեղ էր, բայց պետք է հաղթեինք: Ամեն ինչ արեցինք հաղթելու համար»,-ասում է նա: Իսկ «Արցախէներգոյի» թիմն այս տարի առաջին անգամ էր մասնակցում մրցաշարին: Եզրափակից փուլ չանցան, բայց կարևորն, ըստ թիմի, մասնակցությունն էր: «Սա հերթական առիթն է, որ մեր մասնագետներն այս հարթակում ծանոթանան իրար հետ: Նման մրցաշարում հաղթողներ և պարտվողներ իրականում չկան:Թող մեր հաղթանակները միշտ նման տոների ժամանակլինեն, իսկ եթե պարտություն է՝ միայն մրցաշարերում»,-ասաց «Արցախէներգո» ընկերության գլխավոր տնօրենԱնդրանիկ Խաչատրյանը: Մրցաշարին ներկա էին նաև Արարատ-73-ի լեգենդար ֆուտբոլիստներ Խորեն Հովհաննիսյանը և Սերգեյ Պողոսյանը: Խորեն Հովհաննիսյանը շեշտեց՝ արդեն 4-րդ տարին է՝ միշտ ներկա է լինում: «Կցանկանայի, որ մյուս կազմակերպությունները ևս միանային, իրենք նույնպես օրինակ ծառայեին վաղվա մեր ֆուտզալի զարգացման համար: Բայց արդեն այսօր կարող եմ ասել, որ այս մարզաձևն օր-օրի զարգանում է»,-ընդգծեց նա:

 

 

 

 

 

Խոսելով մրցաշարի նպատակներից՝ ՀԷՑ գլխավոր տնօրեն Կարեն Հարությունյանն էլ լրագրողների հետ զրույցում շեշտեց այն առավելությունների մասին, որոնք տալիս է նախաձեռնությունը: «Նախ՝ ուզում եմ շնորհավորել Հայաստանի առաջին Հանրապետության տոնի առթիվ: Մեր անձնակազմի համար շատ նշանակալի է այն հանգամանքը, որ մենք Արցախի մեր գործընկների հետ անցկացրեցինք այս սպորտային գեղեցիկ միջոցառումը: Մենք մեծ նշանակություն ենք տալիս նման միջոցառումներին, որը նպաստում է ինչպես աշխատանքի արդյունավետության, այնպես էլ հայրենասիրական ոգու բարձրացմանը: Բացի այդ, վստահ եմ, որ բոլորի մոտ բարի հիշողություններ են մնում»,-շեշտեց. Կ.Հարությունյանը:

 

 

 

Ինչպես յուրաքանչյուր տարի՝ այս անգամ ևս մրցաշարն ամփոփվեց պարգևատրման արարողությամբ: Մինչ հերթը կհասներ հաղթող թիմերին՝ մրցանակներ ստացան «լավագույն հարձակվող», «լավագույն մարզիչ», «լավագույն դարպասապահ», «լավագույն ռմբարկու», «լավագույն ֆուտբոլասեր», «թիմի լավագույն ղեկավար» անվանակարգերում հաղթող ճանաչված մասնակիցները: Պարգևատրվեցին նաև «ամենակոռեկտ թիմ», «ամենատարեց մասնակից» և «ամենաերիտասարդ մասնակից» անվանակարգերում հաղթող ճանաչվածները: Մի շարք աշխատակիցներ մրցանակներ ստացան նաև ակտիվ մասնակցության համար:

Աննա Բադալյան

դիտվել է 13 անգամ
Լրահոս
Երբ անհաջողակները «վնգստում» են այլոց բերաններով 30-ամյա այս ալբանացին առանձնահատուկ մոլուցք ունի Versace բրենդի նկատմամբ. տեսեք, թե դրա պատճառով վերջին 7 տարիներին ինչի է վերածել իր տունը. լուսանկարներ Զապորոժյեի հայ համայնքի նախաձեռնությամբ նշվել է Հայաստանի Անկախության օրը (տեսանյութեր, լուսանկարներ) Արտաշատի համաչափ զարգացման հստակ քայլեր է հարկավոր մշակել և իրականացնել Խոնարհվում եմ մեր անկախությունը նվաճած ու սահմաններն ամուր պահող հերոսների առջև. Արման Վարդանյան All.me թվային հարթակը ՝ WCIT 2019 հատուկ գործընկերԲաբկեն Սեդրակյանը ոստիկանության պրոֆեսիոնալ կադրերից է Գ.Ծառուկյանի առաջարկով՝ խաղողի մթերումն իրականացվում է արագ և առանց հերթերի Սեփական երկրի կառուցումը բոլորիս պատասխանատվությունն է. ԻԴԵԱԼ-ը արդեն Արարատ քաղաքում է «Գ.Ծառուկյան» հիմնադրամի նոր բարեգործական ծրագրերը Գեղարքունիքի մարզի համայնքներում
Ամենաընթերցված