Կոտայքի մարզպետի հիստերիան պայմանավորված է պարտությունից հետո նրա հետագա պաշտոնավարման անորոշությամբ

Մարգո Կոստանդյանը ֆեյսբուքյան իր էջում գրում է

Շատ ցավալի է, որ Կոտայքի մարզը ղեկավարում է Ռոմանոս Պետրոսյանի նման կլյաուզնիկը, ով ոչ մի կերպ չի կարողանում ընդունել իր կրած պարտությունը։ Խոսքը Աբովյանի ՏԻՄ ընտրությունների մասին է, որտեղ Ռոմանոսի ներկայացրած թեկնածուն պարտվեց գործող քաղաքապետին։ Արդյունքների հայտարարությունից հետո Ռոմանոսը գնաց ամեն քայլի, ընդհուպ մինչև հաղթանակի ուժը այլ քաղաքական գործչին վերագրելը, բայց ոչ մի կերպ չընդունեց, որ պարտության առաջնային պատճառները իր թեկնածուի անհայտ լինելն ու իր հանդեպ ՀՀ քաղաքացու անվստահությունն էր։
Ռոմանոսն իր գործունեության 1 տարվա ընթացքում հասցրել է իր վրա վերցնել «գործ տվողի» պիտակ, և հասկանալով, որ ոչ մի կերպ չի կարողանում ազատվել դրանից, որոշել է «գործ տալ» հասկացողությունը կոծկել օրինականության ամրապնդման անվան տակ, մինչ դեռ, գործ տալ ասելով ՀՀ քաղաքացիները նկատի ունեն «շառ անել»։ Դրա պարզ օրինակներն այն է, որ իր պաշտոնավարման առաջին իսկ օրերից նա գործ տալով և ահաբեկելով աշխատանքից ազատեց հարյուրավոր մարդկանց և նրանց տեղը «նստացրեց» իր հարազատներին և ընկերներին։ Ասում են, որ անգամ իրավապահ մարմիններն են հոգնել Ռոմանոսի կապրիզներից, քանզի ամեն անգամ պարզվում է, որ ներկայացված դիմումները զուտ Ռոմանոսի հիվանդ երևակայության արդյունքն է։
Մարզպետը խոսեց նաև քրեաօլիգարխիայի առկայության մասին , ինչից հետո հարց առաջացավ ՝ արդյոք նա նկատի ունի իր հարազատ եղբորը, ով օրը ցերեկով իրեն թույլ է տալիս խոշտանգել քաղաքացիների, ով ռեստորանում հաց ուտելուց հետո հրաժարվում է հաշիվ պագել , պատճառաբանելով «ես հաշիվ չունեմ փագելու»։ Այստեղ են ասում ՝ սեփական աչքի գերանը թողած ուրիշի մատից փուշ մի հանիր։
Ըստ իս մարզպետի նման հիվանդագին հիստերիայի պատճառը հետագա պաշտոնավորման անորոշությունն է, քանզի նա իր քայլերով նույնիսկ հասցրել է հիասթափեցնել վարչապետին։ Ընտրությունների հաջորդ օրը, երբ վարչապետ Փաշինյանը հանդես եկավ շնորհավորական ուղղերձով և շեշտեց, որ դա ժողովրդավարության հաղթանակն է, Ռոմանոսը շարունակեց աշխատեցնել իր հիվանդ երևակայությունը, և հերթական աբսուրդը՝ «Մուլտի գրուպ» կոնցեռնի աշխատակիցները, իբրև հրահանգվել են ընտրել Վահագն Գևորգյանին։ Մինչդեռ շատերի հավաստմամբ հենց մարզպետն է գնացել նմանատիպ քաղաքականության և սպառնալիքի լեզվով ստիպել պետական կառույցների աշխատակիցներին իրենց վստահության քվեն տալ Գրիգոր Գուլյանին։
Հուսով եմ, որ Ռոմանոսի հետագա պաշտոնավարման հարցը կլուծվի հօգուտ ՀՀ քաղաքացու և Կոտայքի բնակիչը ստիպված չի լինի հանդուրժել նման երևույթի ներկայությունը պետական համակարգում։

դիտվել է 28 անգամ
Լրահոս
«Իրավական ուղի» ՀԿ համահիմնադիրը Ժնևում խոսել է Հայաստանում տիրող իրավական խնդիրների մասինԿուզեի տղամարդու «ժամանակակից տեսակ»-ը մրցակցության մեջ չլիներ կնոջ հետ. Լիլի Հովեր Թուղթը աղբ չէ, պլաստիկը՝ նույնպես Չեչնիայի նախագահ Ռամզան Կադիրովի շնորհավորական ուղերձը Արթուր Վանեցյանի ծննդյան առթիվ «Հանրային շահ» հասարակական կազմակերպության հայտարարությունը Հայաստանում «սխոդկա» նախատեսված չէ. լուրերը կեղծ են Աբրահամ Դանագյոզյանը մանրամասներ է ներկայացրել ԱՄԷ-ից ժամանած պատվիրակության եւ այցի նպատակի մասին Պատերազմող երկրում ծառայությունը պարտադիր է, սակայն 18 տարեկաններին առաջնագծում պետք է փոխարինեն պրոֆեսիոնալները. Արման Վարդանյան Կայացել է Քեն Քիզիի «Թռիչք կկվի բնի վրայով» վեպի համանուն ներկայացումը Գարի Քյոսայանի հեղինակային երաժշտությամբ Աֆան­դյանն ընդ­դեմ «Անե­լի­քի». գոր­ծար­քի ման­րա­մաս­նե­րը՝ առա­ջին ձեռ­քից
Ամենաընթերցված