Բրիտանուհին ազատվել է 63 կգ ավելորդ քաշից իր՝ ավելի նիհար ու բարեկազմ մայրիկին նմանվելու համար

Մեծ Բրիտանիայի 27-ամյա բնակչուհի Կառլին Օ՝Դոնհյուն ազատվել է 63 կգ ավելորդ քաշից, որպեսզի նմանվի իր ավելի նիհար ու բարեկազմ մայրիկին: Բրիտանուհու պատմությունը ներկայացրել է Daily Mail պարբերականը:


Երիտասարդ կինը կշռում էր շուրջ 140 կգ, մինչդեռ նրա մայրիկին հաջողվել էր ազատվել 53 կգ ավելորդ քաշից, ինչի պատճառով նրանց անդադար համեմատում էին: Կառլինի խոսքով՝ ինքը պարբերաբար իր հասցեին վիրավորական խոսքեր էր լսում, ինչի հետևանքով մեկուսացված էր ապրում: Նիհարելուց հետո Կառլինի մայրիկը դարձել է շատ ավելի ակտիվ ու կենսուրախ, սկսել է արժանանալ հակառակ սեռի ներկայացուցիչների ուշադրությայնն ու հաճախ ճամփորդել, և հենց սա էլ ոգեշնչել է երիտասարդ կնոջն ու ստիպել քայլեր ձեռնարկել:

«Ես հասկացա, թե որքան երջանիկ է դարձել մայրիկն ավելորդ քաշից ազատվելուց հետո, և դա էլ խթանեց ինձ, որպեսզի անեմ նույնը», - պատմում է բրիտանուհին:

Կառլինն առաջին հերթին ազատվել է իր սիրելի արագ սննդից, կարգավորել է սննդակարգն ու սկսել հաճախել մարզասրահ: Առաջին արդյունքները նա նկատել է ընդամենը երեք շաբաթ անց, ինչն էլ ավելի է ոգեշնչել նրան: 2019 թվականի սկզբին կինը կշռում էր արդեն 78 կգ: Ցանկալի արդյունքին հասնելուց հետո նա նաև ազատվել է ավելորդ մաշկից:

Այժմ Կառլինը հաճույքով լուսանկարվում է իր մայրիկի հետ: Կանայք հպարտանում են իրենց արդյունքով: Նրանց խոսքով՝ նիհարելը ոչ միայն վերականգնել է իրենց ինքնավստահությունը, այլև օգնել է ազատվել առողջական խնդիրներից: «Ես երկար տարիներ ինձ դժբախտ էի զգում, իսկ այժմ վերականգնել եմ հոգեկան հավասարակշռությունս: Անկասկած, արժեր սա անել», - նշում է բրիտանուհին:

դիտվել է 18 անգամ
Լրահոս
Հայաստանը և Ուկրաինան պայմանավորվել են համատեղ աշխատել իրավապահ ոլորտում Սուրեն Ասատրյանը՝ Արտաշատի ավագանու թեկնածու Վլադիմիր Կարապետյանը մեկնաբանել է Արթուր Վանեցյանի հայտարարությունը Նիկոլ Փաշինյանի գլխավորությամբ Անվտանգության խորհրդի նիստ է հրավիրվել 850 վկայից միայն 3-4 մարդ է ինձ տեսել կամ ինձ հետ շփվել. Քոչարյանի խոսքը դատարանում Երեկվա տոտալ ճնշումները ՍԴ–ի հանդեպ ուղիղ մեսիջ էր այսօրվա դատավորին. Լեւոն Քոչարյան Որեւէ մեկը չփորձի ինձ կապել Միքայել Մինասյանի հետ․Վանեցյանը հրաժարականից հետո առաջին անգամ խոսեց (Տեսանյութ) Լևոն Գալստյանը դեմքի լուրջ արտահայտությամբ գիտակցաբար զրպարտում է պետականամեդներին ԲՀԿ պատգամավորները Լեռնանիստում մասնակցել են 11 մետրանոց մետաղական խաչի օծման արարողությանը Արմեն Սարգսյանի տիկնոջ հրավերով Հայաստան է ժամանել Քուվեյթի շեյխուհին
Ամենաընթերցված