Նվիրիր Սեպետեմբերի 1. Սեփական երկրի կառուցումը բոլորիս պատասխանատվությունն է

Գիտակցելով իր մեծ պատասխանատվությունը սեփական երկրի հանդեպ, կարևորելով մարզերի զարգացումը՝
ԻԴԵԱԼ համակարգը ուրախ ու ամառային տոն էր կազմակերպել սահմանամերձ Ներքին Կարմիրաղբյուր գյուղի
դպրոցի երեխաների համար:

Օգոստոսի 17-ին #ԻԴԵԱԼիստները Տավուշի Ներքին Կարմիրաղբյուր գյուղում էին, գնացել էին տավուշցի
փոքրիկների հետ անցկացնելու մի ողջ, արկածներով լի ամառային օր: Արշավեցին, խաղացին հետաքրքիր խաղեր,
այցելեցին Բերդի պատմության թանգարան, վայելեցին #ԻԴԵԱԼական օրը՝ ձեռք բերելով նոր գիտելիքներ ու նոր
ընկերներ:

Առաջին հանդիպումից սկսած արդեն իսկ ընկերացել էին եւ իրար խոստացել, որ հաջորդ հանդիպումը չի ուշանա:
Եւ ահա եկավ երկար սպասված հանդիպման պահը:

Սեպտեմբերի 1-ին #ԻԴԵԱԼիստները կրկին այցելեցին իրենց փոքրիկ ընկերներին՝ տանելով բազմաթիվ գրենական
պիտույքներ, նվերներ ու դպրոցական պարագաներ՝ նվիրելով նրանց ամենաուրախ Սեպտեմբերի 1-ը:

Ուրախ մթնոլորտ, բազմաթիվ ժպտացող ու գոհունակ դեմքեր և, ամենակարևորը, փայլող բազմաթիվ փոքրիկ աչքեր՝
լի ուրախությամբ և երջանկությամբ:

Օրը իսկապես երջանիկ էր՝ լի բազմաթիվ երջանիկ հիշողություններով ու ակնթարթներով: Հաջորդ օրը
փոքրիկներին ուղեկցեցին դպրոց:

-Հաճելի է գիտակցել, որ մենք մեր փոքրիկ ներդրումն ունենք յուրաքանչյուր երեխայի անհոգ մանկության
ապահովման գործում,- նշեց ԻԴԵԱԼ համակարգի աշխատակիցը:

դիտվել է 4 անգամ
Լրահոս
Ամենաընթերցված