Արմեն Սարգսյանի տիկնոջ հրավերով Հայաստան է ժամանել Քուվեյթի շեյխուհին

Հայաստանի նախագահի տիկին Նունե Սարգսյանի հրավերով Հայաստան է ժամանել Քուվեյթի շեյխուհի, Քուվեյթի Իսլամական հնությունների թանգարանի (DAI) գլխավոր տնօրեն, Ալ-Սաբահ հավաքածուի համասեփականատեր Հուսա Սաբահ Ալ-Սալեմ Ալ-Սաբահը: Այս մասին NEWS.am-ին հայտնում են Հայաստանի Հանրապետության նախագահի աշխատակազմի հասարակայնության հետ կապերի վարչությունից։

Ճանաչողական այցի շրջանակում շեյխուհի Հուսա Սաբահ Ալ-Սալեմ Ալ-Սաբահը կայցելի մի շարք տեսարժան վայրեր եւ մշակութային հաստատություններ, այդ թվում՝ Մեսրոպ Մաշտոցի անվան հին ձեռագրերի գիտահետազոտական ինստիտուտ՝ Մատենադարան, Գաֆեսճյան արվեստի կենտրոն, Հայաստանի ազգային պատկերասրահ եւ պատմության թանգարան, կծանոթանա մեր ժողովրդի պատմամշակութային ժառանգությանը։ Կքննարկվի նաեւ հանրահայտ Ալ-Սաբահ հավաքածուի նմուշները Երեւանում ցուցադրելու հնարավորությունը։

Ալ-Սաբահ հավաքածուն ներառում է արվեստի արժեքավոր նմուշներ, այդ թվում՝ եզակի ձեռագրեր, գորգեր, թանկարժեք զարդեր, կերամիկական եւ մետաղական, փայտից ու ապակուց պատրաստված աշխատանքներ: Հավաքածուի ավելի քան 30 հազար նմուշները ներկայացնում են տարբեր երկրների մշակույթն ու արվեստը եւ աշխարհագրական ու ժամանակագրական տարբեր շրջանների են պատկանում։

Շեյխուհի Հուսա Սաբահ Ալ-Սալեմ Ալ-Սաբահը Մերձավոր Արեւելքի, Եվրոպայի եւ ԱՄՆ-ի համալսարաններում ու մշակութային ինստիտուտներում պարբերաբար հանդես է գալիս դասախոսություններով՝ նվիրված իսլամական մշակույթին եւ արվեստին: Նա ակտիվորեն ներգրավված է ճարտարապետական կոթողների պահպանության գործում, մասնավորապես, աշխատանքներ է իրականացնում Բահրեյնի, Սիրիայի եւ Եգիպտոսի պատմական շինությունները պահպանելու եւ վերականգնելու ուղղությամբ:

Քուվեյթի Իսլամական հնությունների թանգարանը (DAI) հիմնադրվել է շեյխ Նասեր Սաբահ Ալ-Ահմադ Ալ-Սաբահի եւ նրա տիկնոջ՝ շեյխուհի Հուսա Սաբահ Ալ-Սալեմ Ալ-Սաբահի հավաքածուի հիման վրա ։ DAI- ի հիմնական գործառույցներից են դասախոսությունների, համերգաշարերի, ֆորումների, ցուցադրությունների, թրեյնինգների կազմակերպումը, հետազոտությունների իրականացումը, գրքերի հրատարակումը: DAI-ն ունի նաեւ երկու գրադարան, որոնցից մեկում ներկայացված է իսլամական արվեստի ու մշակույթի մասին գրքերի հարուստ հավաքածուն, իսկ մյուսում պահվում են հազվագյուտ գրքեր: Ընդ որում, այդ հավաքածուի գրքերն այժմ թվայնացվում են՝ հասանելի դառնալով գիտնականների ու հետաքրքրված անձանց ավելի լայն շրջանակի համար:

դիտվել է 9 անգամ
Լրահոս
Երբ անհաջողակները «վնգստում» են այլոց բերաններով 30-ամյա այս ալբանացին առանձնահատուկ մոլուցք ունի Versace բրենդի նկատմամբ. տեսեք, թե դրա պատճառով վերջին 7 տարիներին ինչի է վերածել իր տունը. լուսանկարներ Զապորոժյեի հայ համայնքի նախաձեռնությամբ նշվել է Հայաստանի Անկախության օրը (տեսանյութեր, լուսանկարներ) Արտաշատի համաչափ զարգացման հստակ քայլեր է հարկավոր մշակել և իրականացնել Խոնարհվում եմ մեր անկախությունը նվաճած ու սահմաններն ամուր պահող հերոսների առջև. Արման Վարդանյան All.me թվային հարթակը ՝ WCIT 2019 հատուկ գործընկերԲաբկեն Սեդրակյանը ոստիկանության պրոֆեսիոնալ կադրերից է Գ.Ծառուկյանի առաջարկով՝ խաղողի մթերումն իրականացվում է արագ և առանց հերթերի Սեփական երկրի կառուցումը բոլորիս պատասխանատվությունն է. ԻԴԵԱԼ-ը արդեն Արարատ քաղաքում է «Գ.Ծառուկյան» հիմնադրամի նոր բարեգործական ծրագրերը Գեղարքունիքի մարզի համայնքներում
Ամենաընթերցված