Գագիկ Ծառուկյանի առաջարկները միանգանից մի քանի հարց կլուծեն, բայց՝ լսող չկա

«Բարգավաճ Հայաստան» կուսակցության հիմնադիր և առաջնորդ, «Մուլտի Գրուպ» կոնցեռնի հիմնադիր Գագիկ Ծառուկյանի կարծիքով կառավարության մոտեցումն այնքան էլ ընդունելի չէ, քանի որ այդկերպ հնարավոր չի լինի ֆորմաժորային պայմաններում արդյունավետ լուծումներ իրականացնել: Նրա կարծիքով, եթե իշխանությունները երկրում արտակարգ դրություն են սահմանում, ապա նախ պետք է հասարակության խնդիրները չեզոքացնելու մասին մտածեն: Եվ այն գումարները, որոնք կառավարությունը պատրաստ է տրամադրել բիզնեսին, պետք է առաջին հերթին ուղղվեն սոցիալական ծրագրերի իրականցմանը: Նրա կարծիքով, բացի այդ, հարկավոր է թե՛ բնակիչների և թե՛ բիզնեսի կոմունալ ծախսերն ու բանկային պարտավորությունները սառեցնել, որպեսզի վաղը, մյուս օրը ո՛չ տեսուչները մարդկանց լույսը, ջուրն ու գազը կտրեն, ո՛չ էլ բանկերն էլ այս ամիսների ընթացքում կուտակված տոկոսագումարները պահանջեն: Ինչ վերաբերում է բիզնեսներին, ապա, Ծառուկյանի կարծիքով, վստահաբար, դրանց սեփականատերերը մի քանի ամսվա պահուստային գումարներ կունենան, բայց խնդիրը ոչ թե նրանք են, այլ օրավարձով աշխատող քաղաքացները, որոնք հարկադիր պարապուրդի պատճառով օր-օրի տուժում են: Սա, թերևս, ամենաշատն է մտահոգում կուսակցության առաջնորդին, որի մասին նա բարձրաձայնել է դեռ ամիսներ առաջ: Բայց, արի ու տես, որ դեռ համաճարակից առաջ Ծառուկյանի կողմից հնչեցրած բոլոր կանխատեսումներն ու ահազանգերն այդպես էլ մնացին անարձագանք: Հիմա, երբ ողջ աշխարհում իրավիճակը գնալով սրվում է, երբ սպասվում են նոր մարտահրավերներ, հարկավոր է մի կողմից ժամանակ տալ, որպեսզի բիզնեսը ինքնակազմակերպվի ու պահպանի իր կողմից ստեղծած աշխատատեղերը, մյուս կողմից հոգալ հարկադիր պարապուրդի պատճառով անգործ ու անեկամուտ մնացած մարդկանց կարիքները: Իրավիճակը մեղմելու միակ ճանապարհը դա է, որը թույլ կտա թե՛ մարդկանց, թե՛ բիզնեսի խնդիրները կարգավորել: Ընդգծենք նաև, որ իր գործունեության ողջ ընթացքում ճգնաժամային պայմանների հետևանքով առաջացած ֆորսմաժորային հետևանքները հաղթահարելը Գագիկ Ծառուկյանի համար առաջին փորձությունը չէ: Այլ ճգնաժամերի պայմաններում ևս նա կարողացել է պահպանել թե՛ իր կողմից հիմնած աշխատատեղերը, թե՛ հոգ տանել աշխատողների մասին: Եվ այն, ինչ Ծառուկյանի կողմից առաջարկվում է, նախկին փորձի նորովի կիրառմանն է վերաբերում, որը կրկին կա՛մ չի ընկալվում, կա՛մ փորձ է արվում ցույց տալ, թե չեն ցանկանում ընկալել և ընդունել: Նման դեպքերում, ինչպես ասում են, մնում է սպասել ու հուսալ, որ վաղ թե ուշ իշխանությունները կընդունեն Ծառուկյանի առաջարկը և եթե ի վիճակի չլինեն բոլոր առաջարկներն իրականացնել, ապա, նվազագույնը, կզրոյացնեն հասարակության բանկերի ու կոմունալ վարձավճարների դիմաց ունեցած պարտավորությունները և հնարավորություն կտան, որ մարդիկ ոչ թե սեփական ապրուստը հայթայթելու և կուտակվող պարտքերը մարելու անհնարինության մասին մտածեն ու դրա պատճառով կրկնակի ընկճախտի մեջ ընկնեն, այլ սեփական առողջությունը պահպանելու մասին հոգ տանեն և օգնեն իշխանություններին, որպեսզի համաշխարհային համաճարակի հետևանքով ստեղծված իրավիճակից բոլորը միահամուռ կերպով և օր առաջ դուրս գան:

դիտվել է 0 անգամ
Լրահոս
«Բարի Սամարացի» ընկերության մոտեցումը բարձրացրել է վստահությունը Շուտով ամեն ինչ տեղը կընկնի և քաղաքական դաշտը դուրս կգա այս ճգնաժամից Ընդլայնվել է օգնության տրամադրման աշխարհագրությունը Ծառուկյանը ճիշտ էր ասում, որ մարտի 3-ից պետք էր կարանտին սահմանել ու մարդկանց մեկուսացնել, իսկ ինշխանությունն էդ ժամանակ ասում էր «Սևերի» ու «սպիտակների» դաշինքն՝ ընդդեմ Ծառուկյանի Արտաշատի վերապրոֆիլավորված ԲԿ-ին Արգամ Աբրահամյանը 4 միլիոն դրամ ֆինանսական աջակցություն է տրամադրել Արտաշատի բժշկական կենտրոնը վերապրոֆիլավորվել և սպասարկում է միայն կորոնավիրուսային հիվանդությամբ հաստատված պացիենտներինԳյումրիում հազարավոր ընտանիքներ «Գ.Ծառուկյան» հիմնադրամից ստացել են սննդով լի կապոցներ Արթուր Վանեցյանը մտահոգ է ոչ միայն այսօրվա, այլև՝ ապագայի համար Կարևորը սրտացավ վերաբերմունքն է և ուշադրությունը
Ամենաընթերցված