Փաշինյանի ամբարտավանությունը․ իշխանությունն անցնում է մի վտանգավոր գիծ որից անդին ինքնաոչնչացումն է
Սուրեն Սուրենյանց-ը գրում է
Գագիկ Ծառուկյանն ու նրա քաղաքական թիմը 2018-ի ճակատագրական թվին մի քանի անգամ բառի իսկական իմաստով փրկեցին հեղափոխությունը, համենայն դեպս՝ արեցին հնարավոր ամեն բան, որպեսզի դրամատիկ իրադարձությունները բռնություններով ու արյունով չուղեկցվեն և ունենան լեգալ, լեգիտիմ հանգուցալուծում՝ խորհրդարանում։
Ծառուկյանն այդպես վարվեց, որովհետև կարևորեց հանրության կարծիքը, ժողովրդի կամքը։
Նիկոլ Փաշինյանը 2018-ի մայիսին երբեք օրինական ճանապարհով վարչապետ չէր ընտրվի, եթե չլինեին «Ծառուկյան դաշինքի» գործուն աջակցությունը, քվեները, նույնը վերաբերում է նաև խորհրդարանական արտահերթ ընտրությունների սահուն և օրինական կազմակերպմանը։ Համարձակվում եմ պնդել, որ մինչև հեղափոխության արդյունքների կապիտալիզացիան, այսինքն՝ խորհրդարանական ընտրությունների անկացումը, Ծառուկյանն ու ԲՀԿ-ն իշխանության համար կատարել են հեղափոխության բարձիկի անփոխարինելի դերը՝ մասնակցություն ունենալով նաև Փաշինյանի անցումային կոլաիցիոն կառավարությանը։
Պատահական չէ, որ 2018-ի խորհրդարանական ընտրություններից առաջ Փաշինյանի և Գագիկ Ծառուկյանի միջև ստորագրված Հուշագրում Փաշինյանը ԲՀԿ-ն համարում է «հեղափոխության աջակից ուժ»(մեջբերումը հայտնի Հուշագրից է)։
Ի դեպ, այսօրվա իշխանության ներկայացուցիչներն ու անձամբ վարչապետը ցինիկորեն ստում են, երբ Հուշագիրը կապում են միայն արտահերթ ընտրությունների հետ, որովհետև այն շատ ավելի ընդգրկուն փաստատթուղթ է, որով անդրադարձ է կատարվում նաև մարդու իրավունքների, անվտանգության, Հայաստան-Սփյուռք հարաբերություններին վերաբերող, ներդրումներին առնչվող խնդիրներին(տե՛ս Հուշագրի 4-րդ կետը )։
Երբ այսօր Նիկոլ Փաշինյանի անձնական նախաձեռնությամբ ու պատվերով քրեական հետապնդում է սանձազերծվել Գագիկ Ծառուկյանի դեմ՝ նպատակ ունենալով ամեն գնով մեկուսացնել նրան, դա առաջին հերթին վկայում է Փաշինյանի քաղաքական ամբարտավանության մասին․ գործող վարչապետը թքած ունի ցանկացած պայմանավորվածության, նույնիսկ գրավոր փաստաթղթի, անգամ՝ իր պարտավորությունների վրա։ Եթե նույն տրամաբանությամբ ու ամբարտավանությամբ Փաշինյանը վերաբերում է իր արտաքին պայմանավորվածություններին, ապա տխուր հետևանքները երկար սպասեցնել չեն տալու։ Նիկոլ Փաշինյանը մի մարդ է, որի հետ երկրի ներսում և դրսում որևէ մեկը չի ցանկանում պայմանավորվել․ նրա խոսքը կորցրել է սոլիդությունը։
Հիմա գանք Ծառուկյանի դեմ հարուցված գործի իրավական բաղադրիչին՝ չնայած դրա ակնհայտ բացակայությանը։ Խորհրդարանական ընդդիմության ղեկավարի դեմ քրգործ է հարուցված ու կալանքի միջնորդություն է ներկայացված մի գործով, որտեղ նրա դեմ գոյություն չունի որևէ ցուցմունք։ Բացի այդ՝ գործ ունենք ակնհայտ ընտրողական արդարադատության հետ, երբ իշխանության կողմից սուբյեկտիվ պատճառներով թիրախավորվում է օրվա ընդդիմության առաջնորդը, որի կալանքի թեման արդիական դարձավ մեծ հանրահավաք նախաձեռնելուց անմիջապես հետո։ Այսինքն, Ծառուկյանը, համաձայն ԵԽԽՎ հայտնի բանաձևի, ենթարկվում է քաղաքական հետապնդման՝ չորս հատկանիշներից առնվազն մեկով։
Իշխանության քաղաքական նպատակը հայտնի է․ նա փորձում է կազմաքանդել ինստիտուցիոնալ ընդդիմությունը՝ վերացնելով այլընտրանքը, կանխել քաղաքական գործընթացը, որը միտված է նոր որակի իշխանության ձևավորմանը։ Նման խոտոր ճանապարհով 2015-ին գնացել է Սերժ Սարգսյանն՝ ընդամենը մեկ տարի հետո հանրային ընդդիմադիր տրամադրությունները հասցնելով շատ վտանգավոր ռադիկալացման։
Նիկոլ Փաշիյանը հերթական անգամ սխալվում է․ նա, իհարկե, վարկաբեկված մի դատավորի միջոցով կարող է մի քանի շաբաթով կամ ամսով ազատազրկել Ծառուկյանին, սակայն դրանից իշխանության ապիկար կառավարումն ավելի որակյալ չի դառնալու, երկրի առջև ծառացած խնդիրները չեն վերանալու, հանրային դժգոհությունն ավելի արմատական ու ընդգրկուն է դառնալու։ Նպատակ ունենալով կազմաքանդել ԲՀԿ-ն՝ իշխանություն ակամայից ապալեգիտիմացնում է նաև 2018-ի խորհրդարանական ընտրությունների արդյունքները՝ անցնելով մի վտանգավոր գիծ, որից անդին ինքնաոչնչացումն է։
AraratBank places its 27th issue of dollar bonds
Ucom launches network modernization efforts in few regions of Armenia
Ucom Launches Network Modernization Efforts in Regions of Armenia
5 000 dram bonus from IDBank for pension card holders
World Bank Armenia has organized discussion on facilitating women’s wider engagement in sectors that have been traditionally male dominated in the country
IDBank as a Participant in the Conference of My Forest Armenia NGO
IDBank issues the 1st tranche of dollar bonds of 2024
In 2023, the SME Loan Portfolio of Ameriabank Reported More Than 30% Growth
Amio digital cards with unlimited opportunities and 5% cashback
Mining plays an important role in providing materials for energy transition and green economy: Roman Khudoli
International Client’s Day at IDBank
Termination of service of MIR cards. IDBank
Three Sad Stories about Fraudsters
Ucom showed high and stable growth in fixed and mobile communications in 2023
The number of Team mobile subscribers is over 1 million
On the occasion of International Women's Day ZCMC employees were awarded
3,780,052 Drams to the City of Smile Fund: The Power of One Dram Will Go to My forest Armenia in March
Global Finance Recognizes Ameriabank's Leadership in Sustainable Finance in Armenia
How AMIO succeeded in gathering its team, partners and customers around a common goal
What to Give on The Occasion of Women's Day? Idram and IDBank
Which Book to Choose as a Gift for the Book Giving Day? A Piece of Advice from Idram and IDBank
The Christmas gift from the Galaxy Group of Companies is the restoration of a song extricated by
Khrimian Hayrik
Galaxy Group of Companies replaced the traditional New Year's gifts with houses of kindness and peace crafted by the chi...
Ucom օffers combining mobile and fixed services in Unity packages and save up to 45%
I personally promised the greatest athlete that he will definitely witness the eternity of his own fame. Gagik Tsarukyan...
Donate blood, help to live
The Blessing and the handover of the Crosses of Ashot II the Iron under the sponsorship of Tovmasyan Foundation