Աբովյանում տղամարդը կրակայրիչի բռնակով հարվածներ է հասցրել 31-ամյա տղամարդուն և վերջինիս մտերիմներին. հարուցվել է քրգործ

2020թ. սեպտեմբերի 16-ին՝ ժամը 20:40-ին, «Աբովյան» բժշկական կենտրոնից հաղորդում է ստացվել այն մասին, որ իրենց մոտ բուժօգնության է դիմել 31-ամյա տղամարդ՝ ձախ վերին ծնոտի բութ տրավմա, աջ անրակի կոտրվածք տեղաշարժով, ուղեղի ցնցում՝ հարցականով ախտորոշմամբ: Այս մասին հայտնում են ՀՀ քննչական կոմիտեի տեղեկատվության և հասարակայնության հետ կապերի բաժնից:

Նույն օրը ոստիկանության Կոտայքի բաժնի աշխատակիցներից մեկը զեկուցագիր է ներկայացրել այն մասին, որ Աբովյան քաղաքի Հանրապետության փողոցում ծեծկռտուք է տեղի ունեցել:

Դեպքի առթիվ նյութերի նախապատրաստման ընթացքում փաստական տվյալներ են ձեռք բերվել այն մասին, որ սեպտեմբերի 16-ին՝ ժամը 19:00-ի սահմաններում, Աբովյան քաղաքի բնակիչ, 31-ամյա տղամարդը մեքենան վարել է Աբովյան քաղաքի Հանրապետության փողոցում հետիոտնային անցումով անցնող 32-ամյա կնոջ ուղղությամբ, որի պատճառով վիճաբանություն է ծագել նրանց միջև, ինչին մասնակից են դարձել նաև կնոջ կանչով դեպքի վայր ժամանած վերջինիս ծանոթները և դեպքի պահին նշված վայրում գտնվող, 31-ամյա տղամարդու մտերիմները:

Վիճաբանության ընթացքում մասնակիցներից մեկը զենքի նմանվող առարկայով՝ ատրճանակի նմանվող կրակայրիչի բռնակով, անկանոն հարվածներ է հասցրել 31-ամյա տղամարդուն և վերջինիս մտերիմներին՝ պատճառելով մարմնական վնասվածքներ:

Դեպքի առթիվ ՀՀ ոստիկանության Կոտայքի բաժնում ՀՀ քրեական օրենսգրքի 258-րդ (խուլիգանություն) հոդվածի 4-րդ մասով հարուցվել է քրեական գործ, որն ստացվել է ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժին և ընդունվել վարույթ: Քրեական գործի նախաքննությունը հանձնարարվել է քննչական խմբին:

Նախաքննության ընթացքում կատարվել են մեծածավալ քննչական գործողություններ՝ հարցաքննվել են մի շարք վկաներ, դեպքին ականատես և մասնակից անձինք, կատարվել են առերես հարցաքննություններ, զննություններ, այլ քննչական և դատավարական գործողություններ:

Իրականացված մեծածավալ քննչական և օպերատիվ-հետախուզական միջոցառումների արդյունքում պարզվել է միջադեպին մասնակից անձանցից 9-ի ինքնությունը, որոնք բոլորն էլ Կոտայքի մարզի բնակիչներ են:

Նշված անձանցից երկուսն ինքնակամ ներկայացել են վարույթն իրականացնող մարմնին և տվել ինքնախոստովանական ցուցմունք: Նրանցից մեկի՝ 24-ամյա երիտասարդի նկատմամբ որպես խափանման միջոց է ընտրվել չհեռանալու մասին ստորագրությունը, իսկ մյուսի՝ 22-ամյա երիտասարդի նկատմամբ որպես խափանման միջոց կիրառվել է գրավը, և որոշում է կայացվել նրան արգելանքից ազատելու մասին:

Քրեական գործով էական նշանակություն ունեցող հանգամանքներ պարզելու համար նշանակվել է դատաբժշկական փորձաքննություն:

Ձեռնարկվում են միջոցառումներ` դեպքի բոլոր հանգամանքները, միջադեպին մասնակիցների ամբողջական շրջանակը պարզելու, նրանց հայտնաբերելու, նրանցից յուրաքանչյուրի գործողություններն անհատականացնելու և քրեաիրավական գնահատական տալու ուղղությամբ:

Նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով

Для эффективной борьбы с действующими властями необходима консолидация широких слоев общества։ Аршак Карапетян Ucom запускает процесс переоснащения сетей в ряде регионов Армении Сострадание и осознание личной ответственности к Родине и судьбе нашей страны создают основу для создания партии։ Аршак Карапетян Ucom запускает процесс переоснащения сетей в регионах Армении Говорю, потому что знаю: обращение Аршака Карапетяна Бонус в размере 5 000 драмов от IDBank для владельцев пенсионных карт Пашиняновская власть вступила в опасную игру։ Аршак Карапетян Волонтеры общенационального движения «Единство» предлагают свою помощь Москве Соболезнуем Правительство Пашиняна не понимает последствий своих шагов: Аршак Карапетян IDBank - участник конференции общественной организации Мой лес Армения Пашинян уничтожает историю, культуру и делает это запрограммированно: Аршак Карапетян Движение «Всеармянский фронт» сохранит суть и деятельность движения: Аршак Карапетян Премьер пугает войной, чиновники дистанцируются: политтехнолог о ситуации в Армении IDBank выпускает 1-й транш долларовых облигаций 2024 года Никол Пашинян спрашивал, почему мы воюем, почему не отступаем? Новые раскрытия Аршака Карапетяна В 2023г. кредитный портфель МСБ Америабанка вырос более чем на 30% Цифровые карты Amio с безграничными возможностями и кэшбэком 5% Горнодобывающая промышленность играет важную роль в обеспечении материалов для энергетического перехода и зеленой экономики: Роман Худоли Действующие власти больше не признают красных линий в антироссийской политике: Аршак Карапетян
website by Sargssyan