«Սերժ Սարգսյանն Արցախում եղել է, այս պահին Հայաստանում է՝ ամենօրյա կապի մեջ է Արցախի մարտական ընկերների հետ». Էդուարդ Շարմազանով

Վարչապետ Նիկոլ Փաշինյանի խոսնակ Մանե Գևորգյանը հոկտեմբերի 30-ին ֆեյսբուքյան իր էջում գրել էր, որ ԼՂՀ երկրորդ և երրորդ նախագահներ Արկադի  Ղուկասյանը և Բակո Սահակյանը հոկտեմբերի 20-ին վարչապետ Նիկոլ Փաշինյանի հետ ունեցած հանդիպման ժամանակ տեղեկացրել են, որ ՀՀ առաջին և երկրորդ նախագահներ Լևոն Տեր-Պետրոսյանը և Ռոբերտ Քոչարյանը ցանկանում են մեկնել Մոսկվա՝ ռուսական էլիտայի ներկայացուցիչների հետ ԼՂ շուրջ ստեղծված իրավիճակը քննարկելու և քննարկումների արդյունքում Հայաստանի կառավարությանը ստեղծված իրավիճակից կոնկրետ լուծումներ առաջարկելու համար:

«ԼՂՀ պաշտոնաթող նախագահները առաջարկել են, որ հնարավոր այցի արդյունքները քննարկվեն Հայաստանի և ԼՂՀ նախկին և ներկա ղեկավարների հանդիպման ժամանակ: Վարչապետ Փաշինյանը, ընդգծելով, որ չի կարող խոչընդոտ հանդիսանալ ի նպաստ Հայաստանի և Արցախի հնարավոր որևէ քայլի՝ համաձայնել է առաջարկությանը:

Մեր տեղեկություններով՝ պաշտոնաթող նախագահները դեռևս Հայաստանից չեն մեկնել: Ամեն դեպքում, վարչապետը և կառավարությունը բաց են ստեղծված իրավիճակի հանգուցալուծման առաջարկների համար և երբեք չեն հրաժարվել նման առաջարկների քննարկումից»,- գրել էր վարչապետի խոսնակը։

Այս հայտարարությունից ժամեր անց Երկրորդ նախագահի գրասենյակը հաղորդագրություն տարածեց, որ Ռոբերտ Քոչարյանը Մոսկվա մեկնելուց առաջ հանձնել է կորոնավիրուսի թեստ, քանի որ սահմանը հատելիս դա պարտադիր պայման է, և պարզվել է, որ թեստի պատասխանը դրական է։

«Ցավոք, ստեղծված իրավիճակում մեկնումը Մոսկվա և տարբեր հանդիպումների կազմակերպումը ժամանակավորապես անհնար է դարձել։

Այժմ Նախագահ Քոչարյանը գտնվում է ինքնամեկուսացման մեջ, սակայն անում է իրենից կախված ամեն ինչ, որպեսզի նպաստի Արցախում պատերազմի դադարեցմանը»,- նշված էր հաղորդագրության մեջ։

168.am ՀՀԿ խոսնակ, ՀՀԿ ԳՄ անդամ Էդուարդ Շարմազանովից հետաքրքրվեց, թե արդյո՞ք Երրորդ նախագահ Սերժ Սարգսյանին ևս առաջարկ եղել է Մոսկվա մեկնելու, և առհասարակ այդ գործընթացում որքանո՞վ է նա ընդգրկված։

«Հայաստանի նախկին երեք և Արցախի նախկին երկու նախագահների հանդիպումը եղել է փակ, տեղեկատվությանն ամբողջությամբ տիրապետում են հինգ նախկին նախագահները, սա ակնհայտ է։ Ակնհայտ է  նաև, որ Սերժ Սարգսյանը մասնակցել է այդ հանդիպմանը, որի մասին հաջորդ օրը մենք հայտարարել ենք։ Ինչո՞ւ են այդպես որոշել, սա բացարձակապես նրանց որոշելիքն է, և ես այժմ չեմ կարող գաղտնազերծել, թե ինչ են քննարկել։ Այո, այդ գործընթացներում ընդգրկված է եղել Երրորդ նախագահ Սերժ Սարգսյանը, և հրապարակային ասվել է նաև, որ հանդիպում է տեղի ունեցել  Սերժ Սարգսյանի, Ռոբերտ Քոչարյանի, Բակո Սահակյանի և Արկադի Ղուկասյանի միջև։ Այս համատեքստում ես ձեռնպահ կմնամ  որևէ մեկնաբանությունից, թե ինչու այդպես որոշվեց, կրկնում եմ՝ հանդիպման մանրամասներին տիրապետում են բացառապես հինգ նախագահները։ Նույնիսկ, եթե ես որոշակի տեղեկատվություն իմանայի, կոռեկտ չէի համարի դա հրապարակելու»,- ասաց Էդուարդ Շարմազանովը։

Հարցին՝ այս պահին Սերժ Սարգսյանն Արցախո՞ւմ է, թե՞ Հայաստանում, ՀՀԿ խոսնակը պատասխանեց. «Սերժ Սարգսյանն Արցախում եղել է, այս պահին նա Հայաստանում է։ Սերժ Սարգսյանն ամենօրյա կապի մեջ է Արցախի մարտական ընկերների հետ, ավելին՝ պատերազմի առաջին օրվանից ՀՀԿ-ն հայտարարել է, որ կանգնած է բանակի ու հայ զինվորի կողքին՝ հումանիտար, դիվանագիտական, ռազմական, կամավորական քաղաքական առումներով»։

Նա նաև տեղեկացրեց, որ արդեն մոտ 2 հազար հանրապետականներ կամավորագրվել են, նրանց շրջանում կան զոհեր ու վիրավորներ։

«Բոլոր ուղղություններով ՀՀԿ-ն՝ առանց հրապարակայնացնելու, փորձում է աջակցել  ի փառս Հայաստանի ու Արցախի, և, բնականաբար, այս ամենն իրականացվում է կուսակցության նախագահի անմիջական ղեկավարությամբ»,- եզրափակեց Էդուարդ Շարմազանովը։

Հիշեցնենք, որ հոկտեմբերի 20-ին Կառավարությունում տեղի էր ունեցել ՀՀ վարչապետի և Արցախի նախկին նախագահներ Արկադի Ղուկասյանի և Բակո Սահակյանի հանդիպումը։ Իսկ հաջորդ օրը տեղի էր ունեցել ՀՀ երեք պաշտոնաթող նախագահների և Արցախի երկու նախկին նախագահների հանդիպումը:

 
 

 

Fastex-ը վիրտուալ համերգներ է կազմակերպում «Ցերեբրում» վիրտուալ Երևանում Ջուր չի լինի Այսօր Ավագ Ուրբաթ է, տեղի կունենա Խաչելության կարգ Անկում տարադրամի շուկայում․ փոխարժեքն՝ այսօր Մայիսին կամ հունիսին սպասվում է Ռուսաստանի կողմից լայնածավալ հшրձակում, բայց մենք պատրաստ չենք․ մենք հիմա օգնության կարիք ունենք․ Զելենսկի Ալիևը կարող է հանգիստ լինել՝ Նիկոլը թույլ չի տա, որպեսզի Արցախի վտարանդի կառավարություն լինի «Պետք է մեկտեղել ջանքերը Հայաստան-Սփյուռք միասնական օրակարգ ձևավորելու հարցում». կայացավ Արման Վարդանյանի և Ամրամ Պետրոսյանի հանդիպումը Ինձ մոտ ձևավորված կարծիք կա, որ վերջնակետն Ալեքսանդրապոլի պայմանագիրն է. Նաիրի Սարգսյան Փաշինյանը խմբեր է գործուղում Տավուշի մարզ Մենք խնդիր ունենք երկիրն այս վիճակին հասցրածի հետ, մնացածին` ձեռք ենք մեկնում. Միհրան Պողոսյան Ղրղզստանի մայրաքաղաքում ավազամրրիկից շենքեր և ավտոմեքենաներ են վնասվել Պարզվել է 20-ամյա հղի կնոջ մահվան պատճառը. մեղադրանք է ներկայացվել բժշկական կենտրոնի երեք բժշկի Հայկ Մարությանն առաջիկայում կուսակցություն կհիմնի Գործող իշխանությունները գիտակցաբար ստանձնում են զիջողի, հանձնողի կերպարը. Մենուա Սողոմոնյան «Գագիկ Ծառուկյան» բարեգործական հիմնադրամի հովանու ներքո իրականացվել է 23-րդ «Արտավազդ» ամենամյա մրցանակաբաշխությունը . Տոնոյան Չտրվե´լ թշնամական հերթական սադրանքին. «Հայաքվե» Իտալիան կառուցում է լողացող հիբրիդային էլեկտրակայան Գրիգոր Դանիելյանի որդուն հիվանդանոց են տեղափոխել Հետքա՞յլ՝ ԵՄ անդամության դիմումի հարցում Կրոկուսի վրա հարձակում գործած ահաբեկիչները գտնվել են թմրանյութի ազդեցության տակ
website by Sargssyan