«Ուզում էի թռչել Վլադի նման». 8-ամյա տղան ցատկել է 4-րդ հարկի պատուհանից

Համացանցում տարածված պատուհանից թռչելու հոլովակով տպավորված՝ Գյումրիում 8-ամյա Ռոբերտը թռչել է 4-րդ հարկի պատուհանից։ Բարեբախտաբար երեխայի մոտ արձանագրվել է միայն կոնքի կոտրվածք, սալջարդ ու քերծվածքներ:

Sputnik Արմենիայի հետ զրույցում տղայի մայրը` Մետաքսյա Գալստյանը, պատմում է, որ դեպքը տեղի է ունեցել փետրվարի 19-ին երեկոյան, երբ ինքը  դուրս է եկել մոտակա խանութից փոքր որդու համար տակդիրներ գնելու: «Փոքր որդիս քնեց, Ռոբերտին զգուշացրի՝ գնամ խանութ եղբորդ պամպերս առնեմ ու շուտ գամ: Դուրս գալուց դուռը բանալիով փակեցի: Ապահով էի այնքանով, որ Ռոբերտը մեծ է, իսկ փոքր տղայիս ապահովության համար էլ բոլոր պատուհանների բռնակները հանել ու պահել էի»,- պատմում է մայրը:  

Ռոբերտի համար մայրիկի բացակայությունը հնարավորություն էր իր սիրած հերոսի նման պատուհանից ցատկելու։ Նա հագնում է կոշիկները, վերարկուն,  գտնում է մայրիկի պահած պատուհանի բռնակը, ամրացնում իր տեղը ու ցատկում: Բարեբախտաբար տղան գլխով ո՛չ սառած գետնին, ո՛չ աստիճաններին, ո՛չ էլ պատուհանի տակ կայանված մեքենաներին չի հարվածել: Հայտնվելով ներքևում ու զգալով, որ չի կարողանում 2 ոտքերի վրա կանգնել`անցորդներից օգնության է խնդրել:

«Արդեն տուն էի վերադառնում, երբ ծանոթներիցս մեկը զանգեց և ասաց,որ որդիս դրսում է։ Վազելով հասա բակ, տեսա Ռոբերտիկին ու աչքս ընկավ բաց պատուհանին. հասկացա՝ պատուհանից է թռել: Ասաց՝ մա՛, պատշգամբից էի ուզում, բայց հասկացա, որ այդ ժամանակ փողոց կընկնեմ, ասի էս պատուհանից թռնեմ՝ մարդ չտեսնի»,-որդու խոսքերն է փոխանցում մայրը` Մետաքսյան:

Որդու՝ 4-րդ հարկից ընկնելն ու կյանքի համար ոչ վտանգավոր վնասվածքներ ստանալը մայրը հրաշք է համարում: Ասում է` Ռոբերտս 2 ծննդյան օր ունի մեկը իրականը՝ Հայոց բանակի օրը՝ հունվարի 28-ին, մյուսը հրաշքով փրկվելու օրը՝ փետրվարի 19-ին:

Դեպքից հետո մայրն արգելել է Ռոբերտին հետևել այդպիսի հոլովակների, իսկ ամենակարևոր քայլը, որ անելու է հիվանդանոցից տուն վերադառնալուց հետո, պատուհաններին բանալի փականներ կամ ճաղավանդակներ ամրացնելն է:

Ի զարմանս մեզ, փոքրիկ Ռոբերտը  նույնիսկ այսքանից հետո չի վախենում թռչելուց: Մեզ խոստովանեց, որ թռչել էլի ուզում է, բայց օդապարիկով, խոստացավ՝ այլևս պատուհանից չի ցատկի ու ընկերներին էլ կպատմի, որ չի կարելի դա անել: Մայրիկին ասել է՝ ափսոսում է, որ ցատկելուց առաջ  սավանը` որպես օդապարիկ հետը չի վերցրել:

Նմանատիպ դեպքերից խուսափելու համար Ռոբերտի դասվարը խոստանում է ոչ թե կտրականապես արգելել երեխաներին հետևել նմանօրինակ վլոգներին, այլ հասկացնել, որ չի կարելի ամեն տեսածն ընդօրինակել:

Ավելացնենք, որ Ռոբերտը հիմա գտնվում է Գյումրու «Մոր և մանկան ավստրիական հիվանդանոցում՝  բժիշկների հսկողության տակ: «Նման բարձրությունից ընկնելիս հատկապես երեխաների մոտ հիմնականում գանգուղեղային վնասվածքներ են արձանագրվում, բայց Ռոբերտի մոտ, փառք Աստծո, նման վնասվածք չկա, վիրահատության կարիք ևս չկա»,- նշեց «Գյումրու մոր ու մանկան ավստրիական հիվանդանոցի տնօրեն Ժորա Սերոբյանը:

Հիվանդանոցում  անհրաժեշտ բոլոր հետազոտությունները կազմակերպվել են, այժմ  Ռոբերտը ստանում է համապատասխան բուժումներն ու դեռևս կմնա բժիշկների հսկողության տակ:

 

Ավելին՝ այստեղ

Когда российская военная база будет выведена, Армения никому не будет интересна: Аршак Карапетян Для эффективной борьбы с действующими властями необходима консолидация широких слоев общества։ Аршак Карапетян Ucom запускает процесс переоснащения сетей в ряде регионов Армении Сострадание и осознание личной ответственности к Родине и судьбе нашей страны создают основу для создания партии։ Аршак Карапетян Ucom запускает процесс переоснащения сетей в регионах Армении Говорю, потому что знаю: обращение Аршака Карапетяна Бонус в размере 5 000 драмов от IDBank для владельцев пенсионных карт Пашиняновская власть вступила в опасную игру։ Аршак Карапетян Волонтеры общенационального движения «Единство» предлагают свою помощь Москве Соболезнуем Правительство Пашиняна не понимает последствий своих шагов: Аршак Карапетян IDBank - участник конференции общественной организации Мой лес Армения Пашинян уничтожает историю, культуру и делает это запрограммированно: Аршак Карапетян Движение «Всеармянский фронт» сохранит суть и деятельность движения: Аршак Карапетян Премьер пугает войной, чиновники дистанцируются: политтехнолог о ситуации в Армении IDBank выпускает 1-й транш долларовых облигаций 2024 года Никол Пашинян спрашивал, почему мы воюем, почему не отступаем? Новые раскрытия Аршака Карапетяна В 2023г. кредитный портфель МСБ Америабанка вырос более чем на 30% Цифровые карты Amio с безграничными возможностями и кэшбэком 5% Горнодобывающая промышленность играет важную роль в обеспечении материалов для энергетического перехода и зеленой экономики: Роман Худоли
website by Sargssyan