ՀԱՂԹԱՆԱԿ. Հայաստանը 2 շաաատ գեղեցիկ գոլերի շնորհիվ հաղթեց Իսլանդիային. ԲՐԱՎՈ. ՏԵՍԱՆՅՈՒԹ

News.am-ը գրում է. Ֆուտբոլի Հայաստանի ազգային հավաքականն աշխարհի առաջնության ընտրական մրցաշարի երկրորդ տուրում Երեւանի Վազգեն Սարգսյանի անվան «Հանրապետական» ստադիոնում հյուրընկալեց Իսլանդիայի հավաքականին եւ գեղեցիկ հաղթանակ տարավ 2։0 հաշվով։

2-րդ խաղակեսում մեկական անգամ աչքի ընկան ղազախական «Աստանայի» հարձակվող Տիգրան Բարսեղյանն ու ռուսական «Ռոստովի» կիսապաշտպան Խորեն Բայրամյանը: Հայաստանի հավաքականի գլխավոր մարզիչ Խոակին Կապառոսը Լիխտենշտեյնի դեմ երեք օր առաջ կայացած խաղի համեմատ մեկնարկային կազմում կատարել էր 2 փոփոխություն՝ Խորեն Բայրամյանի ու Անդրե Կալիսիրի փոխարեն

դաշտ դուրս բերելով Հայաստանի առաջնությունում հանդես եկող Հակոբ Հակոբյանին ու Տարոն Ոսկանյանին և դարձյալ ընտրել էր 4-4-2 տակտիկական սխեման: Հայաստանի հավաքականն ակտիվ սկսեց խաղը, իսկ իներորդ րոպեին առաջին հարվածը կատարեց մրցակցի դարպասի ուղղությամբ:

Սարգիս Ադամյանի հարվածը շեղ ստացվեց: Իսլանդացիները պատասխանեցին տասներորդ րոպեին, երբ անկյունային հարվածի խաղարկման արդյունքում հետևեց շատ վտանավոր հարված Դավիդ Յուչենկոյի պաշտպանած դարպասի ուղղությամբ, ու գնդակը անդրադարձի շնորհիվ չհայտնվեց դարպասում: Քիչ անց հեռվից հարված կատարեց Հայաստանի հավաքականի կիսապաշտպան Սոլոմոն Ուդոն, բայց դարպասապահը տեղում էր:

Սկզբնամասում դաշտի տերերը հիմնականում փորձում էին մրցակցի դարպասին սպառնալ հակագրոհներով, իսկ Իսլանդիայի հավաքականն ավելի շատ էր վերահսկում գնդակը և անցկացնում էր նաև դիրքային գրոհներ: Երկու թիմերն էլ բավական հաջող էին գործում պաշտպանությունում:

18-րդ րոպեին Կամո Հովհաննիսյանը փորձեց հեռվից գրավել մրցակցի դարպասը, բայց հարվածը թույլ ստացվեց: 26-րդ ու 27-րդ րոպեիներին հեռվից հարվածելու հերթը Տիգրան Բարսեղյանինն էր: 2 դեպքում էլ գնդակը չհայտնվեց դարպասում: Դրանից հետո հայկական թիմն ավելի լավ տեսք ուներ և հաճախ էր գրոհում, նաև անցկանցում էր դիրքային գրոհներ, սակայն գործն իրական գոլային պահերի չէր հասնում: Խաղակեսի վերջնամասում խաղադաշտում հետաքրքիր ոչինչ տեղի չէր ունենում: 0:0՝ 1-ին խաղակեսում:

Հայաստանի հավաքականն ընդմիջման գնաց խաղային առավելության պայամններում: Երկրորդ խաղակեսն ավելի ակտիվ սկսեցին իսլանդացի ֆուտբոլիստները, որոնք սկզբնամասում անցկացրին մի քանի վտանգավոր գրոհներ: 50-րդ րոպեին Սարգիս Ադամյանը հարվածային դիրքում հայտնվեց հյուրերի պաշտպանների սխալից հետո, բայց հապաղեց և կորցրեց գոլային պահը: Այն, ինչ չստացվեց Ադամյանի մոտ, ստացվեց Տիգրան Բարսեղյանի մոտ: Ղազախական «Աստանայի» հարձակվողը 53-րդ րոպեին աջ եզրից կատարեց անկրկնելի հարված և գնդակը դարպասաձողից անդրադարձով հայտնվեց դարպասում՝ 1:0:

58-րդ րոպեին Իսլանդիայի հավաքականն ունեցավ այս խաղի ամենաիրական գոլային պահը, որն ավաչտվեց Դավիդ Յուրչենկոյի հրաշալի սեյվով: Խաղն անցնում էր փոխնիփոխ գրոհներով: 60-րդ րոպեին մրցակցի դարպասին սպառնաց փոխարինման դուրս եկած Խորեն Բայրամյանը, քիչ անց՝ Սարգիս Ադամյանը: Երկու դեպքում էլ հարվածները հաջող չստացվեցին: Չորս րոպե հետո իսլանդացիները դարձյալ անցկացրին վտանգավոր գրոհ, որն ավարտվեց շեղ հարվածով:

Իսլանդիայի հավաքականն աստիճանաբար մեծացնում էր ճնշումը դաշտի տերերի դարպասի մոտ: Հյուրերն անցկացնում էին տարբեր գրոհներ, իսկ տանտերերն աչքի էին ընկնում վստահ հապշտպանությամբ և երբեմն-երբեմն անցկացնում հակագրոհներ: Դրանցիցի մեկը 74-րդ րոպեին ավարտվեց դարպասի գրավումով: Խորեն Բայրամյանը ձախ եզրում ազատվեց պաշտպանից և ձախ ոտքով գրավեց հեռավոր անկյունը՝ 2:0:

Հայաստանի հավաքականն առանձնանում էր թիմային լավ պաշտպանությամբ, իսկ կենտրոնում պարզապես փայլում էր Վարազդատ Հարոյանը, որը երկրորդ հարկում շանս չէր տալիս մրցակցին: 81-րդ րոպեին Խոակին Կապառոսը կատարեց կրկնակի փոխարինում՝ դաշտ դուրս բերելով նաև ԲԿՄԱ-ի 19-ամյա կիսապաշտպան Ժիրայր Շաղոյանին, որը նորամուտը նշեց Հայաստանի հավաքականում: Երկրորդ գոլից հետո իսլանդացիների գրոնհներն արդեն այնքան էլ վտանգավոր չէին ստացվում: Հայաստանի հավաքականը, ոչ առանց դժվարության, բայց վստահորեն պահպանեց հաղթական հաշիվը և տարավ երկրորդ անընդմեջ հաղթանակը:

Հիշեցնենք, որ ԱԱ-2022-ի ընտրական փուլի առաջին տուրում Խոակին Կապառոսի գլխավորած թիմը նվազագույն հաշվով արտագնա հաղթանակ էր տարել Լիխտենշտեյնի հավաքականի նկատմամբ, իսկ իսլանդացիները հյուրընկալվելիս 0:3 հաշվով պարտվել էին Գերմանիայի հավաքականին:
Հայաստանի հավաքականը հաջորդ ընտրական հանդիպումը կանցկացնի մարտի 31-ին՝ Երևանում մրցելով Ռումինիայի հավաքականի հետ:

ԱԱ-2022, ընտրական մրցաշար, երկրորդ տուր J խումբ Հայաստան — Իսլանդիա՝ 2:0 (տեսանյութ)
Տիգրան Բարսեղյան, 53, Խորեն Բայրամյան, 74
Հայաստան. Դավիդ Յուրչենկո, Հովհաննես Համբարձումյան, Վարազդատ Հարոյան, Տարոն Ոսկանյան, Կամո Հովհաննիսյան, Արտակ Գրիգորյան, Սոլոմոն Ուդո (Կարեն Մուրադյան, 81), Հակոբ Հակոբյան (Խորեն Բայրամյան, 55), Տիգրան Բարսեղյան, Սարգիս Ադամյան (Ժիրայր Շաղոյան, 81), Նորբերտո Բրիասկո Բալեկյան (Ալեքսանդր Կարապետյան 64):

 

Ավելին՝ այստեղ

«Երրորդ ուժը» հանդիպում-քննարկման է հրավիրել Բաբկեն Թունյանին Լոռին հանքացու չի, դո‘ւրս մեր մարզից...․ Անահիտ Կարապետյան Տեսանյութ. «Հայոց Արծիվներ» քաջերի ջոկատը բարեկամ Ռուսաստանի Զինված Ուժերի կազմում պատրաստ է կռվել ՆԱՏՕ-ի դեմ` պաշտպանելով Հայաստանի ռազմավարական միակ դաշնակից Ռուսաստանի տարածքային ամբողջականությունը Դրսում հլու, ներսում նազար «Քայլոները» պառլամենտի Գերիները մեր երեխաներն են, ես չեմ տարբերում նրանց իմ երեխաներից. Արտակ Թովմասյան (տեսանյութ) Մի կողմ քաշվեք ու մենք թույլ չենք տա այս ազգակործան պատուհասներին վերարտադրվել Վանեցյանի «վտանգավոր» լռությունը Լուսավոր Հայաստանի պատգամավորները հանդիպել են ուսանողների հետ «Հայոց Արծիվներ» քաջերի ջոկատը բարեկամ Ռուսաստանի Զինված Ուժերի կազմում պատրաստ է կռվել ՆԱՏՕ-ի դեմ` պաշտպանելով Հայաստանի ռազմավարական միակ դաշնակից Ռուսաստանի տարածքային ամբողջականությունը Հայաստանում տեղի կունենա Լոս Անջելեսի ամենահայտնի խմբի մեներգիչի համերգը «Ես ճանաչում եմ Հայոց ցեղասպանությունը». Ձախ Հարութը միացել է Ցեղասպանության ճանաչմանն ուղղված ֆլեշմոբին Տեսանյութ․ Նախկին բարձրաստիճան պաշտոնյան՝ «Հայոց Արծիվների» ցուցակում Վերջը ի՞նչ եղան Զինծառայողների հիմնադրամի փողերը Ոստիկանները տեղում ձերբակալեցին. սարսափելի հանցանք, որը քայքայում է պետությունը (տեսանյութ) Ադրբեջանցիներն արդեն իրենց երեխաներին զբոսանքի են տանում հայտնի պուրակում (լուսանկար) Մահացել է Արա Արթյանը Ինչու դահլիճ չի տրամադրվել ՀԱԿ-ին. պարզաբանում է Արտակ Թովմասյանը (տեսանյութ) Քարվաճառում Ադրբեջանի ԶՈՒ ուղղաթիռ է կործանվել. ՏԵՍԱՆՅՈՒԹ 10 ժամ գազ չի լինելու Դոլարի փոխարժեքը կրկին աճել է. եվրոն ևս թանկացել է
website by Sargssyan