Վարկերի համաներման վերաբերյալ Գագիկ Ծառուկյանի հայտարարությունը քննադատողները հենց իրենք պոպուլիզմի մարմնավորում են․ Իվետա Տոնոյան

Արտահերթ խորհրդարանական ընտրություններին ընդառաջ ԲՀԿ ղեկավար Գագիկ Ծառուկյանը հանդես է եկել աննախադեպ ծարագրով, որով առաջարկվում է մինչև 3 միլիոն դրամ վարկերի համաներում իրականացնել։ Որոշ շրջանակների կողմից առաջարկվող ծրագիրը որակվել է ոչ իրատեսական ու պոպուլիստական: Քննադատությունների և ծրագրի իրականացման մասին Slaq.am-ը զրուցել է ԲՀԿ խմբակցության պատգամավոր Իվետա Տոնոյանի հետ։
 
-Տիկին Տոնոյան, այս օրերին ԲՀԿ համակիրների հետ հանդիպումների ընթացքում Գագիկ Ծառուկյանը հայտարարում է, որ ձեր նախընտրական ծրագրով առաջարկվում է մինչև 3 միլիոն դրամ վարկերի համաներում իրականացնել, որը տարբեր շրջանակների կողմից որակվում է ոչ իրատեսական ու պոպուլիստական: Ինչպես կմեկնաբանեք դրանք:
 
-Մեկ բան հստակ է՝ Գագիկ Ծառուկյանի թիրախային առաջարկը փաստորեն դիպել է ճիշտ նշանակետին, որ ոմանք արդեն օրեր շարունակ քուն ու դադար կորցրած խոսում են այդ մասին: Պոպուլիզմի ու ոչ իրատեսական ծրագրերի մասին խոսում են հենց այն մարդիկ, ովքեր ոտքից գլուխ պոպուլիզմի մարմնացում ու մարդկանց խաբելու գործում իրենց հավասարը չունեցող են: Մեր այդ առաջարկի հիմքում ընկած են տնտեսագետների ու ֆինանսական ոլորտի առաջատար մասնագետների հետ տևական քննարկումների արդյունքում կատարված վերլուծություններն ու ամբողջապես մշակված է նաև ճանապարհային քարտեզը, թե ինչպես է հնարավոր դա իրականացնել: Ես իհարկե հասկանում եմ, որ մեր այս առաջարկը քննադատողները բացարձակապես թքած ունեն, որ մեր շուրջ 2.2 միլիոն հայրենակիցներ պարզապես խեղդվում են վարկային բեռի տակ, որ տարիներ շարունակ արդեն խճճվել են վարկային շրջապտույտի մեջ և ցնցումների մեջ են ընկել այն բանից, որ հենց Գագիկ Ծառուկյանն է առաջարկում ստեղծված իրավիճակից դուրս գալու տարբերակը:
 
Բայց այս առաջարկից ցնցակաթվածի ենթարկված բոլոր մտահոգ անձանց և շահագրգիռ շրջանակներին կոչ եմ անում հանդարտվել, փորձել հետևելով Գագիկ Ծառուկյանի օրինակին գոնե մի կառուցողական առաջարկ էլ իրենց կողմից ներկայացնել, որը մեր հայրենակիցների հոգսերը կթոթափի, այլ ոչ թե մտածել բացառապես սեփական կաշվի ու սեփական բարեկեցության մասին: Այո, ԲՀԿ նախընտարական ծրագրով վարկային բեռի տակ կքած մեր շուրջ 2.2 միլիոն հայրենակիցներ, ովքեր ունեն մինչև 3 միլիոն դրամի վարկային պարտավորություններ, ազատվելու են դրանցից, կարողանալու են ազատ շունչ քաշել, ամեն վայրկյան չեն վախենալու կորցնել գրավադրած գույքն ու կարողությունը, դուրս են գալու ճահճից: Այն, որ Գագիկ Ծառուկյանի առաջարկն իրատեսական է, հնարավոր է կյանքի կոչել անմիջապես և մեր հայրենակիցներին ազատել վարկային գերությունից, դրանում որևէ մեկը թող չկասկածի: Երբեք, կրկնում եմ երբեք Գագիկ Ծառուկյանը չի ներկայացրել այնպիսի առաջարկը, որը ի զորու չէ իրականացնել:
 
Եվ սա ԲՀԿ նախընտրական ծրագրի 30 կետերից մեկն է միայն: Առաջարկված մյուս կետերով ևս ԲՀԿ-ն հեղափոխական բարեփոխումներ է առաջարկում սոցիալական, տնտեսական, կրթական, առողջապահական, գյուղատնտեսական և բազմաթիվ այլ ոլորտներում, որոնց իրականացման դեպքում մեր յոււրաքանչյուր հայրենակից սեղմ ժամկետներում տեսնելու է իր կյանքի որակի բարելավումը:
 
Ես շատ լավ հասկանում եմ, որ մանիպուլյացիաներն ու կեղտոտ տեխնոլոգիաների կիրառումը, ոմանց համար սովորական երևույթ են և իրենց նպատակներին հասնելու համար ընդունակ են ցանկացած ստորության, սակայն հորդորում եմ գեթ մեկ անգամ վեր կանգնել սեփական մորթապաշտությունից ու մտածել ժողովրդի մասին: Հակառակ պարագայում, եթե մենք որոշենք այդ հրապարակումների թիկունքում կանգնածների բացահայտմամբ ու դիմակների պատռմամբ զբաղվել, ապա ամենևին լավ ճակատագիր իրենց չի սպասվելու: Սա, հորդորում եմ ընդունել որպես բարի խորհուրդ…
 
Ալիևը կարող է հանգիստ լինել՝ Նիկոլը թույլ չի տա, որպեսզի Արցախի վտարանդի կառավարություն լինի «Պետք է մեկտեղել ջանքերը Հայաստան-Սփյուռք միասնական օրակարգ ձևավորելու հարցում». կայացավ Արման Վարդանյանի և Ամրամ Պետրոսյանի հանդիպումը Ինձ մոտ ձևավորված կարծիք կա, որ վերջնակետն Ալեքսանդրապոլի պայմանագիրն է. Նաիրի Սարգսյան Փաշինյանը խմբեր է գործուղում Տավուշի մարզ Մենք խնդիր ունենք երկիրն այս վիճակին հասցրածի հետ, մնացածին` ձեռք ենք մեկնում. Միհրան Պողոսյան Ղրղզստանի մայրաքաղաքում ավազամրրիկից շենքեր և ավտոմեքենաներ են վնասվել Պարզվել է 20-ամյա հղի կնոջ մահվան պատճառը. մեղադրանք է ներկայացվել բժշկական կենտրոնի երեք բժշկի Հայկ Մարությանն առաջիկայում կուսակցություն կհիմնի Գործող իշխանությունները գիտակցաբար ստանձնում են զիջողի, հանձնողի կերպարը. Մենուա Սողոմոնյան «Գագիկ Ծառուկյան» բարեգործական հիմնադրամի հովանու ներքո իրականացվել է 23-րդ «Արտավազդ» ամենամյա մրցանակաբաշխությունը . Տոնոյան Չտրվե´լ թշնամական հերթական սադրանքին. «Հայաքվե» Իտալիան կառուցում է լողացող հիբրիդային էլեկտրակայան Գրիգոր Դանիելյանի որդուն հիվանդանոց են տեղափոխել Հետքա՞յլ՝ ԵՄ անդամության դիմումի հարցում Կրոկուսի վրա հարձակում գործած ահաբեկիչները գտնվել են թմրանյութի ազդեցության տակ Հայտնի է՝ ով է ճանաչվել Լա Լիգայի՝ մարտ ամսվա լավագույն մարզիչ Շղթայական ավտոմեքենաների ջարդ Երևանում. 12-ամյա երեխան ու նրա մայրը տեղափոխվել են հիվանդանոց Երբ ռուսական ռազմաբազան դուրս գա, Հայաստանը չի հետաքրքրի ոչ մեկին. Արշակ Կարապետյան Վարչախմբի թիրախում հաջորդը ռուսական ռազմակայանն է Չեմ զարմանա, եթե Փաշինյանը սա կարդա և իր հերթական տիկ-տոկյան լայվի ժամանակ հպարտությամբ պատմի երեխաներին, որպես «խաղաղության» մասին բարի հեքիաթ. Չալաբյան
website by Sargssyan