Թիմային և առաջադեմ Team Telecom Armenia․ նոր շունչ հայկական տելեկոմում

Team Telecom Armenia-ն այսօր Հյուսիսային պողոտայում գտնվող գլխավոր սպասարկման կենտրոնի վերաբացմամբ պաշտոնապես հայտարարեց վերաբրենդավորման ավարտը, որը մեկնարկել էր «Վեոն Արմենիա»-ի (ապրանքանիշը՝ Beeline) 100% բաժնետոմսերը ձեռք բերելուց հետո։ Համադրելով Հայաստանում առաջին կապի օպերատորի հարուստ փորձը և ժամանակակից տեխնոլոգիաները՝ ընկերությունն այժմ առավել ակտիվ քայլերով մտնում է իր ռազմավարական ծրագրերի իրականացման փուլ։

1,5 տարվա թիմային ահռելի աշխատանքի ու նվիրվածության շնորհիվ այսօր Team-ը շուկա է մտնում նոր, համարձակ կոնցեպտով ու ծրագրերով։ Այս ընթացքում ամբողջովին փոփոխվել են ընկերության բոլոր 78 սպասարկման կենտրոնները հանրապետության ողջ տարածքում, ինչպես նաև արդիական լուծումներ են տրվել վաճառասրահներին։

«Ընկերության անվանումը մենք պատահական չենք ընտրել։ Team-ում են հավաքվել մարդիկ, որոնք կիսում են այն բոլոր արժեքներն ու նպատակները, որոնք դրված են ընկերության հիմքում։ Այս կարճ ժամանակահատվածում մենք կարողացանք իրականացնել ծրագրեր, որոնք ապագայում բեկումնային փոփոխություններ են բերելու տելեկոմ ոլորտ՝ նպաստելով ոչ միայն մեր ընկերության առաջխաղացմանը, այլ նաև Հայաստանում ՏՏ ոլորտի զարգացմանը»,- նշեց Team Telecom Armenia-ի գլխավոր տնօրեն Հայկ Եսայանը։

Որպես ռազմավարական ուղղություն Team-ը Հայաստանում սկսել է կառուցել տարածաշրջանում եզակի NGN (Next Generation Network) ցանցը, որը թույլ կտա յուրաքանչյուր բաժանորդի հասցնել 25 Գբ/վ արագությամբ ինտերնետ։ Ցանցն արդեն հասանելի է Երևանի Դավթաշեն համայնքի ավելի քան 10000 և Արաբկիրի մոտ 42000 բնակարաններում, իսկ մարզերում՝ Ջերմուկ, Քաջարան քաղաքներում ու Գնդեվազ գյուղում։ Հաջորդ ուղղությունը Երևանում Կենտրոն համայնքն է, իսկ մարզերում՝ Մեծամոր և Հրազդան քաղաքները։

«NGN ցանցն աշխարհի ամենաարագ ցանցերից մեկն է։ Այն հայկական տելեկոմի համար դառնալու է տասնամյակների հիմք։ Այս հուսալի ենթակառուցվածքին միանալու են մեր բջջային կայանները՝ էլ ավելի բարելավելով շարժական կապի որակը։ Team-ն ունի հստակ նպատակ՝ Հայաստանում յուրաքանչյուր բաժանորդի համար ստեղծել թվային աշխարհի հետ շփման լիարժեք հնարավորություն»,-շարունակելով ներկայացնել ընկերության ծրագրերը՝ ասաց Հայկ Եսայանը։

Ընկերությունը գործունեություն է ծավալում նաև ՀՀ սահմաններից դուրս․

«Տարածաշրջանում եզակի ցանցի կառուցման շնորհիվ մենք կարողացել ենք դուրս գալ տվյալների փոխանցման միջազգային շուկա՝ դառնալով ինտերնետ արտահանող երկիր։ Դիվերսիֆիկացնելով մեր միջազգային կապուղիները՝ մենք ինտերնետ ենք տրամադրում Մերձավոր Արևելքի մի շարք երկրների, որի արդյունքում բարձրանում է նաև Հայաստանի դերը՝ որպես տվյալների փոխանցման տարանցիկ երկիր»,- հավելեց ընկերության տնօրենը։

Բացի՝ ավանդական ծառայություններից Team-ն արդեն գործարկել է TeamTV թվային հեռուստատեսության հարթակը և մշակում է նոր TeamPay վճարային հավելվածը։


Հիշեցնենք, որ 2020 թվականի հոկտեմբերի 29-ին Team-ի հիմնադիրներ Հայկ և Ալեքսանդր Եսայանյանների և «Վեոն Արմենիա»-ի միջև գործարքի արդյունքում հեռահաղորդակցության ոլորտում ամենամեծ ընկերությունը կրկին հայկական է։

Չեմ զարմանա, եթե Փաշինյանը սա կարդա և իր հերթական տիկ-տոկյան լայվի ժամանակ հպարտությամբ պատմի երեխաներին, որպես «խաղաղության» մասին բարի հեքիաթ. Չալաբյան Ու՞մ է մեղադրում Անդրանիկ Քոչարյանը Գագիկ Սուրենյանը սպասված նորություն է հայտնել 2 զոհ, 7 վիրավոր. վթար Մարգարա-Վանաձոր-Տաշիր ճանապարհին Փաշինյան-Բլինկեն-Ֆոն դեր Լեյեն հանդիպումը չի կարող հանգեցնել էսկալացիայի. Պետքարտուղարությունը՝ Բաքվին Բաց դռների օր` ԶՊՄԿ-ում (տեսանյութ) «Կենսուրախ էր, խղճով, խելացի ու հայրենասեր». Արեն Մալաքյանն անմահացել է 2022 թ. սեպտեմբերի 13-ին Սոթքի զորամասի պայթյունի ժամանակ. «Փաստ» Վեցամյա ավերումներն ու «կկվի կանչելու» ժամանակը. «Փաստ» Գործող իշխանությունների դեմ արդյունավետ պայքար մղելու համար անհրաժեշտ է հանրության լայն շերտերի համախմբում. Արշակ Կարապետյան Ինչո՞ւ են հիմնավորում միշտ այն, ինչը վնասում է Հայաստանի անվտանգության շահերին. «Փաստ» «Կոռուպցիան այսօր իր սարդոստայնով տարածված է ամեն տեղ». «Փաստ» Նիկոլն ամեն ինչ հասցրել է ձախողման եզրին. Արտակ Զաքարյան Հասարակության վրա փորձում է վախ ծախել. «Փաստ» Ուղարկում է մարդկանց հետ «խոսելու». «Փաստ» Ինչո՞ւ չի կազմակերպվել Վրաստանի վարչապետի հանդիպումը Կաթողիկոսի հետ. «Փաստ» Էլ ճանապարհ սարքելն ո՞ւմ է պետք. «Փաստ» Արդեն կես տարի է՝ Ռուբեն Վարդանյանը ապօրինի բանտարկված է Բաքվի բանտում․ «Ապրելու երկիր» Գնել Սանոսյանը դժվարացավ պատասխանել ԱԺ պատգամավոր Դավիթ Դանիելյանի հարցին, թե երբ կավարտվի Շուռնուխ գյուղի տների շինարարությունը Մալաթիա Սեբաստիայում բացվել է 88 ցանցի հերթական սուպերմարկետը Քուչակ գյուղի վերջնամասում մեքենաներ են բախվել․ կա զոհ և 6 վիրավոր
website by Sargssyan