«Ապրում ենք տոտալ դիկտատուրայի պայմաններում». ինչո՞ւ է Ն. Փաշինյանը կոնկրետ անձերի վրա սևեռվում, որոնց մեջ է նաև Ավետիք Չալաբյանը

«Արար» հիմնադրամի համահիմնադիր, հասարակական-քաղաքական գործիչ Ավետիք Չալաբյանը շարունակում է կալանավորված մնալ: Ինչպես նշում է վերջինիս պաշտպանական թիմը` կալանավորման պայմանն ու հիմքերն իսպառ բացակայում են:

Նաիրա Զոհրաբյանն ասում է` այն, ինչ կատարվում է Ավ. Չալաբյանի շուրջ, հստակ քաղաքական պատվեր է` ուղղակի, անձնապես հրահանգված Նիկոլ Փաշինյանի կողմից:

«Դատարանը ոչինչ չի որոշում, այնտեղ հավաքված են կամակատարներ, որոնք մի օր անպայմանորեն պատասխան են տալու բոլոր իշխանությունների ժամանակ քաղաքական «քյարփիչ»՝ քաղաքական աղյուս լինելու համար: Անհեթեթագույն մեղադրանք է, մոնտաժված ձայնագրություն, քրեական հոդվածը, որով մեղադրանք է առաջադրվել Ավետիքին, կատարյալ աբսուրդ է: Ապրում ենք տոտալ դիկտատուրայի պայմաններում: Հիշում եք` Ն. Փաշինյանը ժամանակին ասում էր` կա՞ որևէ դատավոր, որին ինչ-որ բան ասեմ, ինքը չանի: Հիմա ինքն ամեն օր ապացուցում է, որ, ցավոք, շատ քիչ են Հայաստանում մնացել դատավորներ, որոնք հաշվետու են ոչ թե գործող իշխանությանը, այլ օրենքին ու օրինականությանը: Ինքը հերթական անգամ ճիշտ է դուրս գալիս, որովհետև իրեն հաջողվեց Հայաստանում բոլոր ինստիտուտները, այդ թվում`դատական իշխանությունը, ճմռթել, սարքել պոլի շոր և գցել իր ոտքերի տակ: Կարող եմ հասկանալ, թե ինչու է Ն. Փաշինյանը կոնկրետ անձերի վրա սևեռվում, որոնց մեջ է նաև Ավ. Չալաբյանը: Նա սովորաբար կենդանական բնազդ ունի զգալու վտանգն իր իշխանության համար: Կարող է իրեն ամեն օր «մարդասպան», «դավաճան» ասողին արհամարհել, չնկատել: Շատ լավ գիտի, թե որտեղից իրեն կարող է վտանգ սպառնալ: Բոլոր նրանց, ում նա հետևողականորեն հետապնդում է, և շատերը փորձում են տրամաբանություն հասկանալ, տրամաբանությունը մեկն է` ինքն այդտեղից զգում է վտանգ, և քանի դեռ նա դա զգում է, մինչև վերջ փորձելու է այդ մարդկանց հետապնդել: Եթե շարունակենք լռել, ամեն մեկս շարունակենք մտածել, որ քանի դեռ մեզ չեն կալանավորել, մենք քաղաքական հետապնդման զոհ չենք, կարող են ֆեյսբուքյան մի ստատուս գրել և դրանով մեր պարտքը մեր ընկերոջ, մեր գործընկերոջ, մեր հայրենակցի համար ավարտել, Ն. Փաշինյանը շարունակելու է իր դատական դիկտատուրան»,- Past.am-ի հետ զրույցում ասում է մեր զրուցակիցը:

Ավելի վաղ տիկին Զոհրաբյանը տեղեկացրել էր, որ որպես «Անվտանգություն և ժողովրդավարություն» իրավապաշտպան կազմակերպության նախագահ, դիմել է ԵԽԽՎ մոնիտորինգի հանձնաժողովին, ԵԽ մարդու իրավունքների հանձնակատարին՝ Ավետիք Չալաբյանի հանդեպ իրականացվող քաղաքական հետապնդման խնդրով։ Հետաքրքրվում ենք, թե ինչ արձագանքներ կան այս առումով:

«Այո, դիմել եմ թե՛ Ավետիքի, թե՛ դաշնակցական գործիչների մասով, որոնց մուտքն արգելվել է Հայաստան: Վստահ եմ մեկ բանում, որ Դաշնակցությանը հայտարարված այս «սրբազան պատերազմն» ուղղորդված է Թուրքիայից: Սփյուռքի դաշնակցական կառույցները Հայոց ցեղասպանության գործում այսօր լրջագույն ֆունկցիա են կատարում: Չեմ բացառում, որ մի օր էլ, ինչպես մի ժամանակ եղավ, Դաշնակցություն կուսակցությունը որպես տեռորիսստական կուսակցություն փակվի Հայաստանում Նիկոլի օրոք: Սա արվում է ուղղակի Թուրքիայի հրահանգով Ցեղասպանության հարցն ընդհանրապես թաղելու համար: Եվրոպացի մեր գործընկերները, որոնց հոգեզավակն է Ն. Փաշինյանը, ընդամենն ի գիտություն են ընդունում իմ և, վստահ եմ, նաև մյուս կառույցների ուղարկած պարզաբանումները, տեղեկությունը: Ցավոք, այսօր Հայաստանի ժողովուրդը, ընդդիմությունը չունի միջազգային կառույցներում այն ձայնը, որն ունեինք նախկինում՝ այն պարզ պատճառով, որ Փաշինյանն իրենց համար ամենահարմար գործիչն է Հայաստանի կործանումն ավարտին հասցնելու համար»,- եզրափակում է Նաիրա Զոհրաբյանը:


Լուսինե Առաքելյան

Հոլանդացի գիտնականների նոր գյուտը՝ խթան արևային էներգիայի արտադրության համար Ավետիք Չալաբյանի դատական նիստը. ՈՒՂԻՂ Ոչ մի խաղաղության պայմանագիր չի փրկի Հայաստանը, եթե իշխանության մնա Փաշինյանը, իսկ Ադրբեջանում՝ Ալիևը. Չալաբյան Միայն զենքո՛վ է հնարավոր վերականգնել և պաշտպանել Հայաստանի տարածքային ամբողջականությունը. ստեղծել 100.000-անոց ԱԶԳ-ԲԱՆԱԿ Այցելելու եմ Աջափնյակ վարչական շրջան՝ բնակիչների հետ ծանոթանալու, նրանց կարիքները հասկանալու ու լուծումներ քննարկելու համար. Տիգրան Ավինյան Ռուս գիտնականները նոր բաղադրիչով ավելի արդյունավետ են դարձնում արևային մարտկոցները «Սեփական ռեսուրսների շուրջ 34 տոկոսը պետք է 50 տոկոսի հասցնել. արևային էներգիայի պոտենցիալը շատ մեծ է»․ «Փաստ» Ելքը Հայաստանի դեպքում ռազմականացումն է, ասածս, ցավոք, ուշացումով է տեղ հասնում. Ավետիք Չալաբյան Մեր փոքրիկ ու վտանգված հայրենիքի ապագան հերթական անգամ կախված է կրկին փոփոխվող աշխարհակարգի դաժան սցենարներից. Արտակ Զաքարյան Բելգիայում արևային մարտկոցների շնորհիվ վարձավճարների խնայելու միջոց են գտել Եթե հույսդ սանկցիաներն են հարևան երկրի նկատմամբ, ապա դա ոչ մի արդյունք, բացի «բարոյական հաղթանակից» չի տալու. Կարեն Քոչարյան Հնդկաստանի հետ գործարքը դիվերսիֆիկացնում է Հայաստան զենքի մատակարարումների աշխարհագրությունը. Ավետիք Չալաբյան Հայաստանում հիմնվել է խխունջաբուծության առաջին ֆերման Արա Աբրահամյանը՝ Լևոն Տեր-Պետրոսյանի մասին Զանգեզուրի պղնձամոլիբդենային կոմբինատի պաշարները կարող են օգտագործվել մինչև 100 տարի և ավելի. փոխտնօրենի հարցազրույցը Սգում և խոնարհվում ենք կործանարար պատերազմի հետևանքով անմահացած մեր հերոս եղբայրների հիշատակի առաջ․ Հենրիխ Դանիելյան Անհապաղ պետք է բանակցողին փոխենք. Վահե Հակոբյան 2020-ի սեպտեմբերի 27-ին Ադրբեջանը սանձազերծեց արցախյան երրորդ պատերազմը՝ 44 օր տևած արյունալի արհավիրքը Նիժնի Նովգորոդում գործարկվել է արևային էներգիայով աշխատող առաջին լուսացույցը Կոմիտաս Վարդապետի 153-ամյակի առթիվ այսօր Հայր Ասողիկ աբեղա Կարապետյանը հոգեհանգստյան կարգ անցկացրեց Կոմիտասի պանթեոնում
website by Sargssyan