23 Սեպտեմբեր, 2019 23:11

«Ամեն ինչ պետք է լինի զուսպ, չափի մեջ ու հասարակ»․ հայկական շոու բիզնեսի ամենաոճային 3 կանայք՝ ըստ Սիսիան Սեփանյանի. ՖՈՏՈ

Tert.am Life–ը շարունակում է ներկայացնել հայկական շոու բիզնեսի ամենաոճային կանանց ու տղամարդկանց` ըստ հակառակ սեռի գործընկերների։ Այս անգամ մեր զրուցակիցը դերասան Սիսիան Սեփանյանն է, որը բավականին դժվարությամբ ընտրեց շոու բիզնեսի ամենաոճային կանանց:

Սիսիանն ունի ոճային լինելու իր բանաձևը․ «Կարծում եմ՝ նորաձևության հետևելն այնքան էլ կարևոր չէ, ամենակարևորն արտաքնին համապատասխան, ճիշտ հագուստ ընտրելն է: Ամեն ինչ պետք է լինի զուսպ, չափի մեջ ու հասարակ: Հասարակությունն ու պարզությունն արդեն շքեղ են»:

Դերասանը խոստովանում է՝ կարևորում է արտաքին տեսքը, հատկապես, առաջին հայացքից դա է գրավում, սակայն աղջկա արտաքնի մասին նրա պատկերացումներն ընդունված «չափանիշներով» չեն որոշվում: Օրինակ, փոքր քիթը չէ, որ աղջկան գեղեցիկ է դարձնում:

«Ես շատ եմ կարևորում հարմոնյան: Աղջիկը կարող է ընդգծված սիրուն չլինել, օրինակ, քիթը մեծ լինի, բայց դեմքի վրա ամեն ինչ ներդաշնակ լինի: Արտաքինը կարևոր է, որովհետև բնավորության ու արտաքնի միջև ուղիղ կապ կա:

Խոսքս ոչ թե սիրուն, այլ հետաքրքիր լինելու մասին է: Երբ մարդը հասկացել է իր իդեալոգիան և ֆիզիոլոգիան ինչու են այդպիսին, ինչ կապ ունեն բնավորոթյան հետ, մի քայլ առաջ է և կարող է շատ հետաքրքիր լինել»,- շեշտեց Սիսիանն ու ներկայացրեց իր եռյակը:

Իվետա Մուկուչյանը թե՛ երաժշտական, թե՛ ոճային ճաշակով, կարծում եմ, բոլորին գերազանցում է:

Նազենի Հովհաննիսյանին առանձնացնում եմ ոչ միայն իր հագուստի, այլև ապրելակերպի, հասարակության շրջանում ստեղծած կերպարի համար: Այլ մարդու չեմ էլ մտաբերում:

Սիրուշոն, որպես հայտնի մարդ, միշտ ունեցել է որակն ու ոճը: Նույնիսկ ստեղծեց իր բրենդը՝ փորձելով տարածել ու մոդայիկ դարձնել հայկական զարդերը: