Հորդանանի անապատում հնագետները 9000 տարեկան սրբավայր են հայտնաբերել
Հորդանանի անապատում հնագետների միջազգային խումբը 9000 տարեկան սրբավայր են հայտնաբերել։ Ըստ գիտնականների՝ այս գտածոն նրանց թույլ է տվել վերաիմաստավորել այն քիչ ուսումնասիրված ժողովուրդների մշակույթը, ովքեր բնակեցրել են այս տարածքը նեոլիթյան դարաշրջանում: Գտածոյի մասին լրացուցիչ տեղեկություններ է հաղորդում Haaretz պորտալը։
Գտածոն իրենից տաճարային համալիր է ներկայացնում, որը գտնվում էր հին նեոլիթյան կառույցներից քիչ հեռու, որոնք օգտագործվում էին վայրի գազելներին սպանդանոց քշելու համար: Այդ փարախները մի զույգ երկար քարե պատեր են, որոնք միանում են ցանկապատի մոտ: Դրանք «անապատի ուրուրներ» են կոչվում եւ մինչ այսօր մեծ քանակությամբ կարելի է գտնել Մերձավոր Արեւելքի անապատների տարբեր հատվածներում, հայտնում է Planet Today-ը։ https://planet-today.ru/
Տաճարի ներսում, որը աներեւակայելի լավ է պահպանված, գիտնականները մի զույգ փորագրված արձաններ են հայտնաբերել, որոնցից մեկին պատկերված էր գազելների համար այն նույն փարախը: Այստեղ նաեւ հնագույն զոհասեղան, գազելների թակարդի մակետ եւ ծովային կակղամորթիների խեցիների բեկորներ են հայտնաբերվել:
Այն փաստը, որ տաճարը գտնվում էր կենդանիների համար թակարդների մոտ, հուշում է, որ վայրի գազելների որսը եւ սպանդը տեղի ցեղերի մշակութային, տնտեսական եւ կրոնական կյանքի կենտրոնն է եղել: