Ես վստահ եմ, որ չի արվում այն, ինչ պետք է արվի գերիների հարցով. Աշոտ Ղուլյան
Ես չեմ կարող շատ կոնկրետ բացատրություններ տալ, թե ինչի մասին է վաշինգտոնյան փաստաթուղթը, բայց այն, որ այդ փաստաթուղթը նախապատրաստվել է շատ գաղտնի պայմաններում և միայն պատահական արտահոսք է եղել, որ մեկ շաբաթ հետո Վաշինգտոնում հանդիպում է սպասում Հայաստանի և Ադրբեջանի ղեկավարներին և ինչ-որ բաներ պետք է ստորագրեն, ինձ թույլ է տալիս ենթադրել, որ Վաշինգտոնում կայացած հանդիպման նախապատրաստության մոդերատորությունը Հայաստանում չի արվել։ Այս մասին NEWS.am–ի հետ զրույցում նշեց Արցախի Ազգային Ժողովի նախկին նախագահ Աշոտ Ղուլյանը։
«Պարզապես Հայաստանին ասվել է, որ դուք հանգիստ նստեք, մենք ամեն ինչ պատրաստելու ենք, և երբ որ պահը գա, մենք ասելու ենք՝ որտեղ գաք, ինչ անեք։ Դա է պատճառը, որ այսօր մեր հասարակությունը երկիմաստ տպավորության տակ է։ Խոսում են խաղաղության մասին, բայց այս խաղաղությունը չի կարող վերջնական լինել, որովհետև եթե սա խաղաղություն է հաստատում, ապա Ադրբեջանի բանտերում հայեր չպիտի մնային, Ադրբեջանը պետք է իր զորքերը դուրս բերեր գոնե Հայաստանի տարածքներից։ Եթե սա խաղաղություն է, Ադրբեջանի նախագահը չպիտի 10 օր հետո Քարվաճառում իր ելույթում մի քանի անգամ նշեր հայ ժողովրդի հիվանդ լինելու մասին։ Եթե այսպիսին է խաղաղությունը, ես դրան չեմ կարող հավատալ»,–ասաց նա։
Խոսելով ՀՀ իշխանությունների մասին, Ղուլյանն ասաց. «Այսօրվա իշխանությունները երկու կարևոր բաց ունեն, որ նման պայմաններում խոշոր, մեծ ողբերգությունից, պատերազմից հետո չեն փորձում միավորել մեր հասարակությանը և իր համար շատ ավելի ընդունելի է հանրային այս բաժանարար գծերը, սև-սպիտակները, նախկինները, ներկաները, որի պայմաններում անհնարին է նույնիսկ լավ բանը ներկայացնել ժողովրդին։ Այս չհավատալու իրողությունը հենց դրանից է գալիս։ Եվ երկրորդը այն անվստահության մեծ պատը, որ կա այսօրվա իշխանությունների որոշումների, նրանց կողմից ներկայացված հարցերի նկատմամբ։ Մենք այս վեց-յոթ տարիներին բազմաթիվ անգամ համոզվել ենք, որ իշխանության ասածն ու արածը որևէ կերպ իրար չի բռնում։
Այն իշխանությունը, որը մինչև 2020 թվականի սեպտեմբերը իրար գլուխ էր պատռում Արցախ գալու, Արցախի անկախության տոնը նշելու համար, այսօր խոսում է Արցախի անկախության տոն չլինելու մասին։ Տպավորություն է, որ մեզ փորձում են համոզել, որ այդ նախորդ տարիների կյանքը մեզ հետ չի եղել։
Շատ կասկածելի է նաև այն դրվագը, որ այսօր Հայաստանի իշխանությունները փորձում են ներկայացնել, որ չկա այդպիսի հանդիպում, որ գերիների մասին չխոսվի, պարզապես այդ թեման շատ նուրբ է և դրա մասին պետք չի խոսել մինչև կոնկրետ արդյունք ունենալը։ Այդ բացատրության մեջ ռացիոնալ հատիկներ կան, բայց ես վստահ եմ, որ չի արվում այն, ինչ պետք է արվի, չի արվում այն մասշտաբով, որը պետք է արվի։ Բոլոր այն մարդիկ, որ այսօր Բաքվի բանտերում են, և մեր ռազմագերիները, և Արցախի ռազմաքաղաքական ղեկավարները, որ այսօր շինծու դատավարության առաջ են կանգնած, նրանք արժանի են, որպեսզի օր առաջ վերադառնան իրենց ընտանիքներին»,– ընդգծեց Աշոտ Ղուլյանը։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Դոլարն էժանացել է, ռուբլին՝ թանկացել․ փոխարժեքն՝ այսօր