Logos Expo 2022. ԱՏՁՄ-ն նորամուծություններ է ներկայացրել միջին մասնագիտական և բուհական կրթության ոլորտներում
Ապրիլի 27-29-ը Մերգելյան ինստիտուտի տարածքում՝ «Yerevan EXPO» ցուցահանդեսային համալիրում, տեղի ունեցավ 20-րդ միջազգային մասնագիտացված «Կրթություն և կարիերա EXPO 2022» ցուցահանդեսը։ Ցուցահանդեսին տաղավարներով ներկայացան ԱՏՁՄ «Կրթություն և աշխատուժ» ռազմավարական ուղղության ներկայացուցիչները, ի դեմս «Իրական դպրոց» կրթամշակութային հիմնադրամի, Գիտությունների ազգային ակադեմիայի և Եվրոպական համալսարանի հետ իրականացվող կրթական ծրագրերի։
Իրական դպրոցի տաղավարում ներկայացվեցին դպրոցի կատարած աշխատանքները և ընթացիկ նախագծերը: Ուսանողները ներկայացրին դպրոցի կրթական ծրագրի առանձնահատկությունները։ «Իրական Դպրոց» կրթամշակութային հիմնադրամը հիմնադրվել է 2016 թվականին: Հիմնադրամն իրականացնում է «Համակարգերի տեսություն» (Systems Theory) մասնագիտությամբ քառամյա ուսումնական ծրագիր՝ ավագ դպրոցական տարիքի աշակերտների համար։
Եվրոպական համալսարանի տաղավարում ներկայացվեցին ԱԹՍ սարքեր և անտառների մոնիթորինգով զբաղվող համակարգեր։ Եվրոպական համալսարանի Տեղեկատվական տեխնոլոգիաների ֆակուլտետում ԱՏՁՄ «Կրթություն և աշխատուժ» ուղղության աշխատանքային թիմի նախաձեռնությամբ ներդրվել է «Ռոբոտաշինություն և խելացի համակարգերի նախագծում» մասնագիտությամբ ամբիոն, որը կրթությունն ապահովում է քառամյա ծրագրով՝ բակալավրիատի համար։
Գիտությունների ազգային ակադեմիայի տաղավարում ցուցադրվեցին 3D տպիչների առավել կիրառելի տարբերակներ, իրավիճակային իրազեկման կենտրոններ և քարտեզներ կրող պլանշետներ և այլ նախագծեր։ Շուտով ստորագրվելու է Գիտությունների ազգային ակադեմիայում «Համակարգչագիտություն և խելացի համակարգեր» մասնագիտությամբ ամբիոնի ներդրման վերաբերյալ հուշագիր Գիտական հետազոտությունների զարգացման կենտրոնի (ԳՀԶԿ), ԱՏՁՄ-ի և Գիտությունների ազգային ակադեմիայի միջև։ Ամբիոնը կոչված է լինելու մագիստրոսական կրթություն տալ վերոնշյալ մասնագիտացմամբ։ Աշխատանքները մեկնարկելու են սեպտեմբեր ամսից։
Տվյալ ամբիոնների համագործակցությունը թույլ է տալիս ապահովել «Արմաթ» ճարտարագիտական աշխատանոցների և «Իրական Դպրոց» կրթամշակութային հիմնադրամի տված կրթության շարունակականությունը բարձրագույն կրթության ոլորտում։
Հավելենք, որ «Իրական Դպրոցի» և նշյալ երկու ամբիոնների ստեղծման հիմքերում է կանգնած «Ինստիգեյթ» ընկերությունը և Գիտական հետազոտությունների զարգացման կենտրոնը (ԳՀԶԿ)։ Ամբիոնների հիմնումը նախաձեռնվել է կազմակերպությունների՝ մի դեպքում Եվրոպական համալսարանի, մյուսում՝ Գիտությունների ազգային ակադեմիայի և Առաջատար տեխնոլոգիաների ձեռնարկությունների միության (ԱՏՁՄ) հետ համագործակցության արդյունքում։
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Երբ ակնկալիքների ու իրականության միջև խոր անդունդ է. «Փաստ»
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Չեխական ՀԿ-ի հերթական մանիպուլյացիան. ի՞նչ է թաքնված հետազոտության հետևում. «Փաստ»