Եթե Ադրբեջանը նոր պատերազմ է ուզում, կանի ամեն ինչ, որ այն լինի
Ադրբեջանին անկլավների վերադարձի (Տավուշի մարզում գտնվող 7 անկլավները և Տիգրանաշենը) և այլ հարցերը պետք է լուծվեն Հայաստանի հետ սահմանազատման գործընթացի համատեքստում: Այս մասին ասել է Ադրբեջանի փոխարտգործնախարար Խալաֆ Խալաֆովը:
«Այդ հողերն Ադրբեջանի տարածքներն են: Այդ տարածքների վերադարձն Ադրբեջանի վերահսկողության տակ պահանջում է սահմանազատման գործընթաց, ուստի հարցը կքննարկվի այդ շրջանակում: Այդ հարցերը կքննարկվեն և կլուծվեն»,- ասել է Խալաֆովը:
Ադրբեջանագետ Գրիգորի Այվազյանի կարծիքով՝ այդ տարածքները ՀՀ-ի համար ռազմավարական նշանակություն ունեն և պետք է հիշել նաև իրավական հիմքերը, թե երբ և ինչ հանգամանքներում են այդ անկլավներն ընդհանրապես առաջացել.
«Եթե մենք հայացք նետենք, օրինակ, 20-ական թվականների Խորհրդային միության քարտեզներին, մենք չենք տեսնի, այդ անկլավները Հայաստանի տարածքի մեջ: Մենք պետք է հասկանանք, որ դա ադրբեջանական՝ մեր սողացող հողերը գողանալու քաղաքականության արդյունք է: Այն ժամանակ տարբեր պատճառաբանություններով, իրենց արոտավայրերի անվան տակ նրանք կտոր-կտոր Հայաստանից տարածքներ են առանձնացրել: Մենք նաև ունենք այն փաստը, որ այդ տարածքները գտնվում են Հայաստանի համար ռազմավարական նշանակություն ունեցող ճանապարհների վրա՝ Արարատի մարզը Վայոց Ձորին ու Սյունիքին և Հայաստանը Վրաստանին կապող ճանապարհները: ՀՀ շահերի տեսանկյունից անհանդուրժելի է այդ ճանապարհների վրա այսպես կոչված «ադրբեջանական պոստեր»-ի հայտնվելը»,- 1or.am-ի հետ զրույցում ասաց ադրբեջանագետը:
Անդրադառնալով այս հարցում հայկական կողմի դիրքորոշման վերաբերյալ մեր հարցադրմանը՝ Այվազյանը նշեց.
«Մեր անվտանգության քարտուղարը մոտավորապես հնչեցրեց հայկական կողմի մոտեցումը, որ անկլավները, որոնք գրավել է Ադրբեջանը, մնում է ադրբեջանական կողմի վերահսկողության ներքո, իսկ մեր ազատագրած անկլավները՝ մեր վերահսկողության: Հարկ եմ համարում շեշտել նաև, որ Ադրբեջանն Արծվաշենը կամ, ինչպես իրենք են կոչում Բաշքյանդ ենթաշրջանը, վերադարձնելու մտադրություն չունի: Այնպես որ սահմանագծում և սահմանազատում ադրբեջանական 18 թվականի քարտեզներով, որոնք իրենք հորինել են, որ Երևանն էլ է ադրբեջանական, կարծում եմ՝ հայ ժողովրդի մեծամասնության համար անընդունելի է: Եթե Ադրբեջանը նոր պատերազմ է ուզում, կանի ամեն ինչ, որ այն լինի: Մեզնից կախված է միայն առավելագույն չափով պատրաստ լինել դրան»:
Մարիամ Նալբանդյան
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Սիցիլիա դարձած երկիր․ մեկ շաբաթում՝ երեք աղմկահարույց հրաձգություն, զոհ և վիրավորներ․ Մարիաննա Ղահրա...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...