IQOS, թե սիգարետ. ո՞րն է ավելի վնասակար


IQOS-Q արտադրողի՝ «Ֆիլիպ Մորրիս Ինթերնեյշնլ» ընկերության տվյալների համաձայն, վերջինիս օգտագործման ընթացքում արտազատվում է շատ ավելի փոքր թվով վնասակար նյութեր, քան սիգարետի դեպքում: Եկեք պարզենք՝ դա ճի՞շտ է, թե ուղղակի փիար-քայլ:

Ի՞նչ է IQOS-ը, և ինչպե՞ս է այն աշխատում

IQOS –ը թութունի տաքացման համակարգ է՝ ծխողների համար ավելի քիչ վնասակար և ավելի հիգիենիկ այլընտրանք: Սարքը կազմված է 2 մասից՝ բռնիչից, որի մեջ տեղադրվում է գլանակը և լիցքավորման սարքից: Բռնիչի ներսում գտնվում է կերամիկ սայրը, որը տաքացնում է թութունը մինչև 300⁰С։ Այսպիսի ջերմաստիճանի դեպքում սկսվում է գոլորշիացումը՝ նիկոտինով և թութունի բույրով հագեցած, սակայն այրում տեղի չի ունենում:


Ճի՞շտ է, որ IQOS-ն ավելի քիչ վնաս է հասցնում, քան սիգարետը
Ավանդական սիգարետից IQOS-ի ամենամեծ տարբերությունն այն է, որ վերջինիս դեպքում բացակայում է այրման պրոցեսը: Ի՞նչ է սա նշանակում. երբ Դուք սիգարետ եք ծխում, դուք ներքաշում եք ավելի քան 6000 տարբեր քիմիական միացություններ: Դրանցից նվազագույնը 1%-ը (ածխածնի երկօքսիդը, ամոնիակը, քաղցկեղածին խեժերը և այլն) կարող են առաջացնել լուրջ հիվանդություններ:

Քանի որ IQOS-ում թութունը չի այրվում, այլ ուղղակի տաքացվում է մինչև ճշգրտորեն վերահսկվող ջերմաստիճան, արտազատվող վնասակար նյութերի ընդհանուր ծավալը նվազում է 90-95%-ով՝ համեմատած սիգարետի հետ: Ավելին, եթե չկա այրում, չկա նաև ծուխ և մոխիր, և դրա շնորհիվ IQOS-ը կարելի է անվանել սիգարետի պակաս վնասակար և հիգիենիկ ալյընտրանքներից մեկը:

IQOS-ի և ծխելու վնասները նվազեցնելու նրա հնարավորության թեմայով արդեն իրենց կարծիքն են հայտնել մի քանի տասնյակ անկախ գիտահետազոտական հաստատություններ և առողջապահության ոլորտում գործող կազմակերպություններ:

Օրինակ՝ FDA-ն՝ (ԱՄՆ Սննդի և Դեղամիջոցների Վերահսկողություն)՝ ԱՄՆ-ում սննդամթերքի և դեղամիջոցների որակի վերահսկողության գլխավոր մարմինը 2018թ. սկզբում հանդես եկավ հետևյալ եզրակացությամբ. «IQOS-ն իսկապես զգալիորեն ավելի քիչ վնասակար նյութեր է արտազատում՝ համեմատած սիգարետի հետ»:

IQOS, վեյպեր, էլեկտրոնային սիգարետ. Ո՞րն է ավելի վնասակար

IQOS-ը երբեմն շփոթում են էլոկտրոնային սիգարետի կամ վեյպերի հետ. իհարկե, արտաքնապես կա ինչ-որ հեռավոր նմանություն, սակայն սարքերի աշխատանքը սկզբունքորեն տարբերվում է:

IQOS-ը տաքացնում է բնական թութունը, որը մշակված է գլիցերինով (սա պետք է գոլորշիացումն ապահովելու համար):

Էլեկտրոնային սիգարետներն ու վեյպերը տաքացնում են բուրավետ, նիկոտին պարունակող հեղուկը: Այս տեխնոլոգիան բացառում է այրումը: Նիկոտինի գլոբալ ֆորումի ժամանակ ներկայացված ուսումնասիրությունների համաձայն էլ. սիգարետները նվազեցնում են անջատվող վնասակար նյութերի քանակը 90-95%-ով, եթե համեմատենք սիգարետի հետ:

Այդ դեպքում ինչու՞ են քննադատում էլեկտրոնային սիգարետը: Շատ հաճախ դա տեղի է ունենում արտադրողների ոչ միանշանակ հեղինակության հետևանքով: Մոդելների մեծ մասը ներկրվում է Չինաստանից և չունի որակի վկայականներ, երաշխավորություններ կամ պաշտոնական վերանորոգման հնարավորություն: Շատ հաճախ մեր սոցիալական ցանցերի էջերում հանդիպում ենք էլեկտրոնային սիգարետների օգտագործման ընթացքում պայթյունների հետևանքով մարդկանց վնասվածքների վերաբերյալ տեղեկատվության: Դա, առաջին հերթին, տեղի է ունենում արտադրանքի վատ որակի պատճառով, ինչի արդյունքում սարքի ներսում գոլորշու ջերմաստիճանն ու ճնշումը կարող են դուրս գալ վերահսկողությունից և հասնել վտանգավոր աստիճանի:

Դժգոհության մեկ այլ տարածված պատճառ է լցվող հեղուկի որակն ու բաղադրությունը: Միակ ելքն է ընտրել վեյպեր վստահելի արտադրողներից:

IQOS-ի դեպքում չկա պայթյունի վտանգ. հեղուկի փոխարեն այստեղ բնական թութուն է, ջերմաստիճանն էլ ճշգրտորեն կարգավորվում է «խելացի» տեխնիկայի կողմից: Իսկ թութունի որակի մասին անհանգստանալ ընդհանրապես պետք չէ. թութունի ընտրության հարցում Ֆիլիպ Մորրիսը ամենափորձառուներից է:


Ճշմարտությունը նիկոտինի վերաբերյալ
Նիկոտինը հաճախ անվանում են սիգարետի ամենավնասակար բաղադրիչը: Այս տեսակետը սխալ է: Ծխողի և շրջապատող անձանց առողջությանն ամենամեծ վնասը հասցվում է այրման պրոդուկտների կողմից: Նիկոտինն, իհարկե, ոչ մի դեպքում չի կարելի համարել օգտակար կամ անվնաս՝ այն կախվածություն է առաջացնում, իսկ չափազանց մեծ չափաբաժինների դեպքում ուժեղ թույն է հանդիսանում:

IQOS-ի համար նախատեսված HEETS գլանակները և հասարակ սիգարետը պարունակում են գրեթե միևնույն քանակությամբ նիկոտին: Ընդհանուր առմամբ, օգտագործվող նիկոտինի քանակը կախված է գլանակների/սիգարետի ամրությունից և ներքաշման ուժգնությունից, ինչպես նաև օգագործված գլանակների/սիգարետի քանանկից:

Միաժամանակ, էլեկտրոնային սիգարետում բացակայում են կլանված նիկոտինի օբյեկտիվ մետրիկաները. օգտագործման սեանսի շարունակականությունը գրեթե անսահմանափակ է, հետևաբար ավելի դժվար է չափել նիկոտինի չափաբաժինը:

Էլեկտրոնային սիգարետի գոլորշու մոլեկուներն իրենց բնությամբ ավելի խոշոր են, քան սիգարետի ծխի կամ IQOS-ի աէրոզուլի մոլեկուները, այդ պատճառով էլ վեյպերից և էլ. սիգարետներից օրգանիզմ հասնող նիկոտինը ավելի դանդաղ է ներծծվում: Սա է պատճառը, որ օգտագործողները հաճախ ամբողջ օրը վայր չեն դնում էլեկտրոնային սիգարետը, և միաժամանակ նշում են, որ իրենց մոտ «չբավարարվածության» զգացողություն է. այսպես հեշտ է թունավորվելը:

Ինչու է հիթսթիքին ֆիլտր անհրաժեշտ

Շատ խելամիտ հարց է առաջանում. այդ դեպքւմ ինչու՞ IQOS-ի գլանակները ունեն ֆիլտր, եթե աէրոզոլում չկան այրման պրոդուկտներ, խեժ, ֆիլտրման ենթակա մանր մասնիկներ: Ֆիլտրն այս դեպքում երկու ֆունկցիա է կատարում. առաջին՝ հնարավորություն տալ աէրոզոլին սառչել՝հասնելով ներքաշման համար հարմար ջերմաստիճանի: Երկրորդ գործընթացը սիգարետ ծխելուն նմանակելն է և թութունի և շուրթերի միջև հիգիենիկ խոչընդոտ ստեղծելը:

Ֆիլտրը բացելու դեպքում պարզ կդառնա, որ դրա կառուցվածքը ամբողջովին տարբերվում է սիգարետից: Չկան այրման պրոդուկտների կլանման համար անհրաժեշտ ծակոտկենները. IQOS հիթսթիքների ֆիլտրը պատրաստված է պոլիլակտիդից (PLA) – բնության մեջ լուծվող և բիոհամատեղելի պոլիմերից: Այն արտադրվում է շաքարեղեգից, եգիպտացորենից կամ փայտից ստացվող ցելյուլոզի:

Եթե միևնույն ֆիլտրը բացենք IQOS-ի օգտագործումից հետո, ակնհայտ կդառնա, որ այն ավելի մուգ և կարծր է դարձել: Հարկ է նշել, որ դա աղտոտման արդյունք չէ, դա պոլիմերի բնական ռեակցիան է տաքացմանը, որին այն ենթարկվում է աէրոզոլից ավելորդ խոնավությունն ու տաքությունը կլանելու ընթացքում:

 

Եզրակացություն
Սեփական առողջությանը սպառնացող ռիսկերը նվազագույնին հասցնելու համար անհրաժեշտ է ամբողջովին հրաժարվել թութունի կամ դրա ցանկացած այլընտրանքի օգտագործումից ընդհանրապես:

Եվ չնայած ծխողների մի հսկայական մաս գիտակցաբար շարունակում է ծխել և չի ցանկանում հրաժարվել այս սովորությունից, մենք խորհուրդ ենք տալիս ծխելու այլընտանքներ փորձել, որոնք կնվազեցնեն սեփական ու շրջապատի առողջությանը հասցվող վնասը:

Եթե ձեզ դուր է գալիս խիտ գոլորշին և բազմազան համային տարբերակներ, ապա Ձեզ համար լավագույն տարբերակն էլեկտրոնային սիգարետներն ու վեյպերն են:

դիտվել է 3 անգամ
Լրահոս
Ամենաընթերցված