Դիակ չի եղել մուտքի մոտ, դիակով մեքենան հյուրանոցին մոտեցել է 8:15-ին․ ականատես Գարիկ Ղազարյանը՝ «Հին Հռոմ» ռեստորանի դեպքի մասին (տեսանյութ)

Ղազախստանում` Կարագանդա քաղաքում, դեկտեմբերի 31-ի, լույս հունվարի 1-ի գիշերը «Հին Հռոմ» ռեստորանում վիճաբանություն է տեղի ունեցել։ Մեկ մարդ մահացել է, երեքը վնասվածքներ են ստացել։ Ղազախստանի ԶԼՄ–ները հայտնել են, որ սպանության կասկածյալներից երեքը հայեր են։ Armdaily.am-ը կապ հաստատեց ռեստորանի հարակից տարածքում բնակվող Գարիկ Ղազարյանի հետ, ով հետևել էր իրադարձություններին։ Ղազարյանը նշեց, որ ռեստորանը պատկանում է իր հայ ընկերոջը, տղաները բարեկամական կապեր ունեն միմյանց և ռեստորանի տիրոջ հետ։ Գարիկ Ղազարյանը մեզ տեսանյութ տրամադրեց՝ նշելով․ «Այս տեսանյութը արվել է «Հին Հռոմ» ռեստորանի առջև: Ո՞վ և ի՞նչու է ուզում կռվեցնել ղազախներին և հայերին: Վեճը տեղի է ունեցել առավոտյան 4-ից 5-ը ընկած ժամանակահատվածում: Դրանից հետո գլխավոր մուտքից տասնյակ մեքենաներ են դուրս եկել, հարյուրավոր մարդկանցից ոչ մեկը չի տեսել դիակը: Դարպասները փակել են 4:40-ից 4:50-ին, իսկ ժամը 5ին եկել է ոստիկանությունը: Նրանք կանգնել են գլխավոր մուտքի մոտ, քանի որ չէին կարող ներս մտնել և գլխավոր մուտքի մոտ ոչ ոք դիակ չէր տեսել: Դիակով մեքենան հյուրանոցին մոտեցել է 8:15-ին: Դիակը հայտնաբերել են մոտավորապես ժամը 9:ին: Դիակի վրա հայնտաբերել են ազդրային զարկերակի վնասվածք,որի դեպքում պիտի լիներ արյան լճակ,սակայն դիակի հայտնաբերման վայրում արյուն չկար: Ես վստահ եմ,որ ղազախական իշխանությունը չեն ցանկանում որպեսզի կրքերը բորբոքվեն և թշնամանք առաջանա: Սակայն,երևի թե որոշների համար սա ձեռնտու է»: Նա նշեց, որ սպանության մեջ կասկածվող տղաներն իրոք մասնակցել են կռվին, սակայն հեռացել են։ Տղաներին Ղազարյանը բնութագրեց որպես սովորական ուսանողների, ովքեր որևէ ոչ պատշաճ արարքով աչքի չեն ընկել։ Ղազախստանի ԶԼՄ–ների հրապարակումների համաձայն` փողոցում տեղի ունեցած ծեծկռտուքի ժամանակ Կարագանդայի 23-ամյա բնակիչը մահացել է դանակի ստացած հարվածներից: Ոստիկանության աշխատակիցների անցկացված օպերատիվ-հետախուզական միջոցառումների արդյունքում հայտնաբերվել և ձերբակալվել են Մալխասյան Թորգոմը, Մալխասյան Սոխակը և Նադիրբեկով Քաիրը։ Գուրուրյան Նարեկի նկատմամբ հետախուզում է հայտարարվել։

դիտվել է 2 անգամ
loading...
Լրահոս
Գ. Ծառուկյանի աջակցությամբ՝ «Մուլտի Արմյանե» թիմը կմասնակցի «Լիգա սմեխա» հումորային փառատոնին Ռոբերտ Քոչարյանի խափանման միջոցի վերաբերյալ նյութերը դեռևս չեն ուղարկվել Վերաքննիչ դատարան. պաշտպանական խումբՀովիկ Աբրահամյան. «Մատնանշված տարածքում հողակտոր չունեմ» Չարորակ հիվանդությունների վիրահատման ամբողջ գումարը կվճարի պետությունըԿա Փաշինյան-Ալիև հանդիպման վերաբերյալ տեղեկատվության սղություն, որոշակի չակերտներ պետք է բացվենՎանեցյանը ժամանել է Բագրատաշենի մաքսատուն. ցուցարարները բացել են ճանապարհը2018-ի վերջին պետական պարտքը կազմել է 6,923 մլրդ դոլար. աճը՝ 148 մլն դոլար. մանրամասներԳագիկ Ծառուկյանը մշտապես հայտարարել է՝ այն մարդիկ, որոնք կապ ունեն մարտի 1-ի դեպքերի հետ, պետք է խստագույնս պատժվեն. Իվետա Տոնոյան Կարեն Մաթևոսյանը՝ Երևանի առողջապահության վարչության պե՞տ Միհրան Հարությունյանի խոստովանությունը Ռուբեն Թաթուլյանին
Ամենաընթերցված