Ֆիլիպինների հյուսիսում ուղղաթիռ է կործանվել․ զոհվել է կին օդաչուն
Ֆիլիպինների հյուսիսային նահանգում ուղղաթիռ է կործանվել, ինչի հետևանքով զոհվել է կին օդաչուն, որը վերադառնում էր ուղևորին մոտակա քաղաք տեղափոխելուց հետո, հայտնում է Associated Press-ը՝ վկայակոչելով Ֆիլիպինների իշխանություններին:
Շաբաթ օրը Ֆիլիպինների մայրաքաղաք Մանիլայից տեղական ավիափոխադրողի չորստեղանոց ուղղաթիռը մեկնել է հյուսիսային լեռնային առողջարանային Բագիո քաղաք, որտեղ իջեցրել է ուղևորին, հայտնել են Ֆիլիպինների քաղաքացիական ավիացիայի վարչությունից։ Բագիոյից օդ բարձրանալուց հետո ուղղաթիռը վայրէջք է կատարել հարևան Պանգասինան նահանգի Բինալոնան քաղաքում՝ Մանիլա վերադառնալու համար վառելիքով լիցքավորելու համար:
Քաղաքացիական ավիացիայի վարչության տվյալներով, Բինալոնանի օդանավակայանի աշխատակիցները հայտնել են, որ «ինքնաթիռը դժվարությամբ է գործարկել շարժիչը», նախքան հաջողվել է օդ բարձրանալ մինչև մութն ընկնելը: Ավելի ուշ ուղղաթիռը կործանվել է Պանգասինանից հարավարևելք գտնվող Նուևա Էսիխա նահանգի Գիմբա քաղաքի ճահճոտ տեղանքում:
Ոստիկանությունից հայտնել են, որ օդաչուի մարմինը դուրս է բերվել ուղղաթիռի բեկորներից, որը մասամբ սուզվել է ճահճի մեջ: Ավիացիոն իշխանությունները հետաքննում են կործանման պատճառները։
Իդրամով արդեն կարելի է վճարել Glovo-ում. սպասված համագործակցությունն իրականություն է
Մենք նոր արմատներ ենք գցելու այն հողում, որից փորձելու են մեզ արմատախիլ անել․ Գոհար Մելոյան
Նրանք հնարավորություն չունեն պայքարելու մեր տարածքների համար․ Սամվել Կարապետյան
74 էջանոց «գլուխգործոց» կամ մարդամեկի կյանքի գլխավոր մատնագիրը. Հրայր Կամենդատյան
Ինքնիշխանությունը միայն բառ չէ, միայն զգացմունք չէ․ Մհեր Ավետիսյան
Ջերմաստիճանը կնվազի՞. ի՞նչ եղանակ է սպասվում՝ սեպտեմբերի 24-ից 28-ը
Փաշինյանն անհավասարակշիռ դիվանագիտություն վարող գործիչ է, որը պատերազմ է բերում. Սամվել Կարապետյան
Քանի դեռ Փաշինյանը ծրագրում է հանձնել Տիգրանաշենը, մենք կհոգանք զարգացման մասին. Աբրահամյան
Որոշ ընդդիմադիրներ սև գործ արեցին, օգնեցին Փաշինյանին մնալ, նրանց հետ համախմբում չի լինելու
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը