Միայն վարչախմբին իշխանությունից հեռացնելով է հնարավոր կանխել այս կապիտուլյացիան. «ՀայաՔվե»
Մարտի 13-ին Բաքվի բռնապետական վարչախումբը և դրա հայաստանյան կամակատարները հայտարարեցին, որ վերջնականացված է «Խաղաղության պայմանագիր» կոչված կապիտուլյացիոն փաստաթուղթը՝ ադրբեջանական բոլոր պահանջներով հանդերձ։
Այսպիսով ադրբեջանական կողմի թելադրանքով Հայաստանի գործող օկուպացիոն վարչախումբը պատրաստակամություն է հայտնել ստորագրել մի թղթի տակ, որով ամրագրել է Հայաստանի վերջնական կապիտուլյացիան, ոտնահարել է Արցախի ժողովրդի ինքնորոշման իրավունքը, ամբողջությամբ հրաժարվել է նրա 150 հազար քաղաքացիների՝ իր տուն վերադառնալու և արժանապատիվ ապրելու բնատուր իրավունքից։
Գործող վարչախումբը փաստացի պարտավորվել է ադրբեջանական կողմին միջանցք տրամադրել ՀՀ տարածքով, հրաժարվել միջազգային ատյաններում Ադրբեջանի դեմ Հայաստանի ներկայացրած արդարացի հայցերից, կատարել ՀՀ սահմանադրության փոփոխությամբ Անկախության հռչակագրից հրաժարվելու Բաքվի լկտի պահանջը։
Սա ստորացում է, դավաճանություն հայ ժողովրդի նկատմամբ, անարգանք հանուն հայրենիքի կյանքը զոհած նահատակների հիշատակի հանդեպ:
«ՀայաՔվե» ազգային քաղաքացիական միավորումը բացարձակ հրամայական է համարում իշխանափոխությունը․ միայն ու միայն գործող կապիտուլացիոն վարչախմբին իշխանությունից հեռացնելով հնարավոր կլինի կանխել Հայաստանի վերջնական կապիտուլյացիան։
Արցախի ժողովրդի անվտանգ ու արժանապատիվ վերադարձը, նրա ինքնորոշման իրավունքի իրացումը, Բաքվի բանտերից հայ պատանդների անհապաղ ազատ արձակումը, Հայաստանի Հանրապետության օկուպացված տարածքների ազատագրումը, Հայաստանի հզորացումը և Հայոց ցեղասպանության միջազգային ճանաչումն ու դատապարտումը անսակարկելի են մեզ համար, և մենք հետևողական ջանքեր ենք գործադրելու՝ այդ ճանապարհին բոլոր խոչընդոտները վերացնելու, և մեր ազգային նպատակները իրականություն դարձնելու:
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Ոչ միայն քաղաքական է, այլև աշխարհաքաղաքական. «Փաստ»
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
Ծանր վիճակ՝ վտանգավոր միտումներով. «Փաստ»
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Նորածնին պոլիկլինիկայում կարելի է գրանցել առցանց․ ԱՆ-ն մանրամասներ է ներկայացրել