ՌԴ ԱԳՆ-ն մեկնաբանել է ԱՄՆ-ի՝ Հայաստան ռազմակшն տեխնիկա տեղափոխելու մտադրության մասին տեղեկությունը
Մոսկվան Երևանից տեղեկատվություն է խնդրել ԱՄՆ-ի՝ Հայաստան ռազմական տեխնիկա տեղափոխելու մտադրության մասին, ասել է ՌԴ ԱԳՆ պաշտոնական ներկայացուցիչ Մարիա Զախարովան։ Այս մասին գրում է ՌԻԱ «Նովոստի»-ն:
«Մենք տեսել ենք այդ հրապարակումները և անմիջապես հարցրել մեր հայ գործընկերներին: Նախնական առումով մեզ հայտնել են, որ նման պաշտոնական հարցումներ Վաշինգտոնից չեն ստացվել», - ասել է նա ճեպազրույցում:
Եթե տեղեկությունը հաստատվի, ապա դա կդառնա Հարավային Կովկասում կայունության և անվտանգության ապակայունացնող գործոն և հավաքական Արևմուտքի առճակատման սխեմաները տարածաշրջան տեղափոխելու փորձ, նշել է նա։
«Մենք, անշուշտ, կհետևենք այս թեմային»,- ընդգծել է Զախարովան։
Ավելի վաղ RT-ը գրել էր, որ Միացյալ Նահանգները մտադիր է Գերմանիայում գտնվող իր բազաներից մեկից տեխնիկա և տրանսպորտային միջոցներ տեղափոխել Հայաստան։ RT-ի ուսումնասիրած փաստաթղթերի համաձայն՝ փոխադրումները նախատեսվում է իրականացնել Վրաստանի տարածքով։ Չի բացառվում, որ այս գործողությունը կարող է կապված լինել Պենտագոնի և հայկական բանակի հնարավոր համատեղ զորավարժությունների հետ։
Ըստ ԱՄՆ պետական գնումների պորտալի՝ Միացյալ Նահանգների բանակի լոգիստիկ հրամանատարությունը նախատեսում է Գերմանիայի Դուլմենի ռազմաբազայից տեխնիկա տեղափոխել ՀՀ ՊՆ խաղաղապահ բրիգադի «Զառ» ուսումնական կենտրոն։
Տեղափոխումը նախատեսված է հուլիսի 16-ին։ Սպասվում է, որ այն կտևի մինչև օգոստոսի 7-ը։ Տեխնիկայի վերադարձը Գերմանիա, ինչպես նշված է տրանսպորտային ծառայությունների մատուցման տենդերում, նախատեսված է 2025 թվականի օգոստոսի 21-ից սեպտեմբերի 20-ն ընկած ժամանակահատվածում։ Սակայն տենդերն ունի պայման՝ տեխնիկան չի կարող տեղափոխվել Ռուսաստանի, Թուրքիայի կամ Ադրբեջանի տարածքով՝ «դիվանագիտական թույլտվությունների հետ կապված դժվարությունների պատճառով»։
Ընդհանուր առմամբ, նախատեսվում է տեղափոխել 151 միավոր տեխնիկա, այդ թվում՝ տրանսպորտային միջոցներ, գեներատորներ և մասնագիտացված կոնտեյներներ։
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Երբ ջնջվում է... ոգին. «Փաստ»
Քաղաքական «մարտեր առանց կանոնների». «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան