«Քաղպայմանագրում» խորը զտումներ են սպասվում
Գյումրիում և Փարաքարում տեղի ունեցած ընտրություններից անմիջապես հետո Նիկոլ Փաշինյանը շտապեց շնորհավորել հաղթած ընդդիմադիրներին` իր պարտությունը ներկայացնելով որպես ժողովրդավարության հաղթանակ։ Մինչդեռ Փաշինյանի նյարդային արձագանքից և ՔՊ-ում տարածված տեղեկություններից ակնհայտ է դառնում, որ իշխող ուժը լուրջ խնդիրներ ունի և կանգնած է ընդհուպ իշխանազրկման շեմին։ «Քաղաքացիական պայմանագրում» չեն բացառում, որ լրջագույն զտումներ տեղի ունենան, ավելին, քան Հովիկ Աղազարյանի դեպքում էր։
Առաջին ծիծեռնակն ԱԺ պատգամավոր Վիլեն Գաբրիելյանն էր, որը Գյումրիում աչքի էր ընկել մի քանի դրվագներով միջադեպերի մեջ հայտնվելով, լրագրողներին հայհոյելով։ Գաբրիելյանն այսօր հայտարարել է, որ վայր է դնում պատգամավորական մանդատը, բայց շարունակելու է մնալ «Քաղաքացիական պայմանագիր» կուսակցության անդամ և ինքնաառաջադրվելու է ՔՊ վարչության առաջիկա ընտրություններում որպես վարչության անդամի թեկնածու, քանի որ կուսակցությունն ունի լրջագույն առողջացման և կերպարանափոխման կարիք։
Մեր տեղեկություններով, իշխանությունն ինքն է ստիպել Գաբրելյանին վայր դնել մանդատը, և խնդիրն ամենևին էլ նրա վարքը չէ, այլ Գյումրիում արած հայտարարությունները, թե 2026-ին ՔՊ-ն այլևս իշխանության չի լինի։
Լուրջ խնդիրների են բախվելու Փարաքարի ընտրությունների կազմակերպիչները՝ սոցապ նախարար Նարեկ Մկրտչյանը, Արմավիրի մարզպետ Արգիշտի Մեխակյանը, ինչպես նաև ՏԿԵ նախարար Դավիթ Խուդաթյանը, որոնք արդեն իսկ մի քանի դրվագով հայտնվել են Փաշինյանի լուրջ քննադատության տակ և չի բացառվում, որ առաջիկայում նրանց ևս, կամ նրանցից մի քանիսին կեսգիշերային sms-ներ բաժին հասնեն։
Նիկոլ Փաշինյանը սեփական վարկանիշը փրկելու համար պատրաստ է գնալ կուսակցության խորը զտումների, և այժմ ՔՊ-ում շունչները պահած սպասում են իրենց պարագլխի որոշումներին։
Էվելինա Առաքելյան
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Կապանում ունենալու ենք վիեննական վալս. Սեւակ Ավանեսյան
Կապան ֆեստի վիեննական պարահանդեսին մնաց երկու օր․ ամփոփում
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
74.5% անկում. Հայկական գյուղմթերքի արտահանման ճգնաժամի համակարգային պատճառները․ Տիգրան Դումիկյան
Փաշինյանին և իր իշխանությանը միայն ընտրություններով հնարավոր չէ հաղթել. Արամ Պետրոսյան
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...