Գյումրիում թնջուկը լուծվեց, բայց խնդիրները՝ մնացին
Գյումրիում ՏԻՄ ընտրություններից հետո ստեղծված իրավիճակը երեկ հանգուցալուծվել է, բայց կարելի է ասել` թերևս մասամբ։ «Մեր քաղաքը» դաշինքից Գյումրիի համայնքապետի թեկնածու Մարտուն Գրիգորյանը, ի վերջո, հայտարարություն տարածեց` աջակցություն հայտնելով ամենաշատ ընդդիմադիր ձայները հավաքած թեկնածուին` Հայ կոմկուսի թեկնածու Վարդան Ղուկասյանին։ Ընտրությունների արդյունքները հայտնելուց անմիջապես հետո 2 այլ ուժեր` «Մայր Հայաստան» դաշինքն ու «Իմ հզոր համայնք» կուսակցությունը հայտարարել էին, որ առանց պաշտոնի ակնկալիքի միանում են Վարդան Ղուկասյանին։ Մարտուն Գրիգորյան էլ ընդամենը հայտնել էր, թե ՔՊ-ն Գյումրիում քաղաքապետ չի ունենալու։
Մի քանի օր շարունակ Գրիգորյանը բավականին լուրջ մարդկային և քաղաքական ճնշման տակ էր գտնվում։ Հաշվի առնելով նրա և Վարդան Ղուկասյանի ընտանիքների միջև տասնամյակներով ձգվող հակամարտությունը, որի ընթացքում նաև կրակոցներ և զոհեր են եղել, շատերը, այդ թվում նաև գործող իշխանությունները, հույս ունեին, որ Գրիգորյանը, ի վերջո, չի միանա Վարդան Ղուկասյանին և իրենց կհաջողվի Սարիկ Մինասյանին դարձնել Գյումրիի քաղաքապետ։ Գրիգորյանը ֆեյսբուքյան իր էջում նշել է, որ պատրաստվում է ընդդիմությանն անհրաժեշտ քվեները տալ, որպեսզի Վարդան Ղուկասյանն ընտրվի քաղաքապետ։ Նա ներողություն է խնդրել իր ընտրողներից, ազգականներից, ընկերներից ու սատարողներից, հայտնել, թե սա իր կյանքի ամենաբարդ ու ամենածանր որոշումն է եղել։
Ընդ որում, Մարտուն Գրիգորյանը հատուկ նշում է, թե այսուհետ հետագա ամբողջ պատասխանատվությունը` քաղաքի ճակատագիրը ՔՊ-ին չտալու մասով, մնում է մյուս 3 ուժերի վրա` փաստացի տարանջատվելով ընդդիմությունից։
Այդուհանդերձ, Գրիգորյանի այս հայտարարությունը փոքր-ինչ խնդրահարույց է, քանի որ, միանալով Վարդան Ղուկասյանին, որի ստեղծած արատավոր բարքերի դեմ ժամանակին անձամբ պայքարել է, Մարտուն Գրիգորյանն ինքն էլ ստանձնում է Գյումրիում առաջիկայում հնարավոր զարգացումների պատասխանատվությունը։
Գործող իշխանությունները երեկվանից խուճապի մեջ էին և վիրավորանքների ու հայհոյանքների տարափ էին տեղում Մարտուն Գրիգորյանի և մյուս թեկնածուների վրա։ Չի բացառվում, որ առաջիկայում իշխանությունը նաև փորձի Վանաձորի ճանապարհով տանել Գյումրիի իրավիճակը, երբ ընտրված քաղաքապետ Մամիկոն Ասլանյանին պարզապես ձերբակալեցին և գրեթե 3 տարի պահեցին անազատության մեջ։ Ամեն դեպքում Գյումրին, եթե հետընտրական զարգացումները չտեղափոխի Երևան, ապա լուրջ խնդիրների առջև կարող է բախվել։
Մանան Իփակյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Ռուբլին թանկացել է․ փոխարժեքն՝ այսօր
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը