Կրթողների անկրթությունը. Աննա Հակոբյանը՝ նոր սկանդալի կենտրոնում
Վարչապետի պաշտոնը զբաղեցնող անձն ու նրա կողակիցը հերթական սկանդալի մեջ են հայտնվել՝ «Կրթվելը նորաձև է» ծրագրի շրջանակներում բացահայտելով իրենց անգրագիտության մակարդակը։ Օրեր առաջ «Իմ քայլը» բարեգործական հիմնադրամի հանդիպումներում Աննա Հակոբյանի բանախոսության ժամանակ էկրանին ցուցադրվել էր Հրանտ Մաթևոսյանի նկարն, ու իբրև թե, գրողի խոսքը․ «Բա այսքան պարտություն կրես ու պարտվել չսովորե՞ս»։ Ուշագրավ է, որ այս տողերը ոչ միայն Հրանտ Մաթևոսյանինը չէին, այլ նաև խեղաթյուրված էին․ Վանո Սիրադեղյանի խոսքն է, որը հիմնված է Հրանտ Մաթևոսյանի «Մեծամորը» էսսեից վերցված մի հատվածի վրա։
Մեծանուն գրողի որդին կոշտ մի գրառմամբ բացահայտել էր փաշինյանների անգրագիտությունը, իսկ Աննա Հակոբյանը, ներողություն խնդրելու փոխարեն, շարունակել էր չքմեղանալ։ «Արդեն 4 տարուց ավելի հայկական բոլոր հնարավոր հարթակներով շրջանառվում էր մի տեքստ, որի տակ որպես հեղինակ գրվում էր Հրանտ Մաթևոսյանի անունը։ Այս չորսուկես տարվա ընթացքում ոչ ոք չէր կասկածում դրա ճշգրտությանը, և առավել ևս ոչ մի բանասեր կամ գրականագետ, կամ գրողի ընտանիքի որևէ անդամ չէր հայտարարում, որ այդ տողերի հեղինակը ոչ թե Հրանտ Մաթևոսյանն է, այլ՝ Վանո Սիրադեղյանը։ Չէր հայտարարում, որովհետև մեր միջավայրում նորմալ էր նայել և չտեսնելը, կարդալ և չնկատելը, լսել, բայց չլսելը։ Կամ, եթե հայտարարվել էր, ապա չի տարածվել, որովհետև մեր միջավայրում նման «աննշան դետալները» էական չեն համարվել»,- գրել էր նա։
Ի դեպ, հենց 2021 թ. Դավիթ Մաթևոսյանը պարզաբանում էր գրել, որ տարածվող տեքստը Վանո Սիրադեղյանինն է, այլ ոչ Հրանտ Մաթևոսյանինը, ուստի Աննա Հակոբյանի գրառումն էլ, մեղմ ասած, կեղծիք է։
Եվ այստեղ տեղին է խմբագրել Հրանտ Մաթևոսյանի այդ ձևակերպումն այսպես. «Բա գաս հասնես 21-րդ դար, ու անգրագետին քեզ ղեկավար կարգես»։
Ֆաինա Խաչատրյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Ռուբլին թանկացել է․ փոխարժեքն՝ այսօր
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը