Սահմանազատման հետ կապված գրավոր առաջարկ ենք արել Ադրբեջանին․ Փաշինյան
Վարչապետ Նիկոլ Փաշինյանը լրագրողների հետ զրույցում ասաց, որ սահմանազատման հետ կապված գրավոր առաջարկ են արել Ադրբեջանին և սպասում են պատասխանի։
«Չեմ կարծում՝ փակուղային իրավիճակ է։ Մենք հետևողականորեն շարունակելու ենք սահմազատումը»,– նշեց նա՝ նշելով, որ առաջարկներն այն մասին են, թե ինչ տրամաբանությամբ և որ հատվածում շարունակել սահմանազատումը։
«Գիտեք, որ ընդհանուր համաձայնություն կա՝ հյուսիսից հարավ, հիմա խնդիրն այն է, թե հյուսիսից հարավի որ հատվածում իրականացնենք։ Մենք մեր պատկերացումներ ենք ներկայացրել և սպասում ենք Ադրբեջանի պատասխանին։ Հույս ունենք՝ կարձագանքեն»,– ասաց վարչապետը։
Ինչ վերաբերում է ճանապարհների ապաշրջափակմանը՝ Փաշինյանը նշեց, որ տարածաշրջանային հաղորդակցության ուղիների ապաշրջափակման սկզբունքների հարցում հայկական կողմից որևէ մեղմացում չկա։
«Մեղմացման մասին խոսք լինել չի կարող, որովհետև մենք մեր դիրքորոշումները «Խաղաղության խաչմերուկ» նախագծում ներկայացրել ենք, այդ թվում՝ այդ նպատակով, որ ամենատարբեր մեկնաբանություններ չլինեն։ Մենք այդ նախագծի շրջանակներում սկսել ենք աշխատանքները և շարունակելու ենք»,- ասաց նա։
Հենց «Խաղաղության խաչմերուկի» շրջանակում հայկական կողմը նշել է, որ պատրաստ է ընթացակարգերի պարզեցումների, սակայն 4 հիմնական սկզբունքների պահպանմամբ՝ տարածքային ամբողջականություն, ինքնիշխանություն, իրավազորություն և փոխադարձություն։
Նրա խոսքով՝ Հայաստանի կողմից ուղարկված գրավոր առաջարկին Ադրբեջանը գրավոր պատասխան դեռ չի տվել։
Հուսով եմ` տիկինը կհերքի Քաջարանի կոմբինատի բեռնափոխադրման մոնոպոլիստը լինելու ասեկոսեն․ Դանիելյան
Փաշինյանի ձեռամբ ադրբեջանցի հատուկ ջոկատայինները գալու են ու «խաղաղ» տեղավորվեն ՀՀ-ում. ադրբեջանագետ
Վարդան Ղուկասյանին մեղսագրվող կաշառքի գործը կգնա դատարան. նրան 10 տարվա ազատազրկում է սպառնում
ՌԴ-ն հրթիռներով և անօդաչու թռչող սարքերով զանգվածային հարվածներ են հասցրել Ուկրաինային․ տուժածներ կա
ԱԺ-ում կքննարկվի Հեռուստատեսության և ռադիոյի հանձնաժողովի անդամ Հակոբ Հակոբյանի լիազորությունները դա...
Ուզել են Արշակ Սրբազանի գրպանը բան գցեն, հիշել են՝ սքեմը գրպան չունի. Հայկ Մամիջանյան
Ռուբլին թանկացել է․ փոխարժեքն՝ այսօր
Պարզապես որոշել են քրեական վարույթ չնախաձեռնել ու... վերջ. «Փաստ»
Ինչո՞ւ «նետերն» ուղղվեցին հենց «կռիվը բաժանողի» վրա. «Փաստ»
Դվինի Արտակին Կոնդի եկեղեցին խանգարում է. «Հրապարակ»