Փաշինյանը սկսե՞ց նախընտրական քարոզչությունը
«Քաղաքացիական պայմանագիր» կուսակցությունում արդեն գրեթե բոլորն են վստահ, որ Նիկոլ Փաշինյանը գնում է արտահերթ խորհրդարանական ընտրությունների։ Երեկ խորհրդարանում Փաշինյանը ներկայացրել է 2024 թվականի բյուջեի կատարողականը։ Տևական ժամանակ անց Փաշինյանը կրկին մտել է տարերքի մեջ և խոսել թալանի ու թալանչիների մասին, փորձել տպավորություն ստեղծել, թե գործող իշխանությունն ամենևին էլ վախեցած չէ և որևէ խնդիր չունի թալանածը հետ բերելու հարցում։ «Արդյոք կորցրե՞լ ենք մենք մեր դուխը, թալանչիների իրավունքների համա՞ր ենք հոգ տանում, թե՞ վախենում ենք նրանցից։ Ոչ, ամենևին։ Մենք հոգ ենք տանում մեր պետության ու մեր ժողովրդի մասին, որովհետև ամենաթողություն, վենդետա հիշեցնող որևէ գործողություն այնպիսի վնաս կհասցնի մեր պետության միջազգային հեղինակությանն ու կերպարին, տնտեսությանն ու ներդրումային միջավայրին, որ նույնիսկ տասնյակ միլիարդավոր դոլարներով հնարավոր չի լինի այս ամենը վերականգնել»,- հայտարարել է Փաշինյանը։
Բանը հասել է նրան, որ ընդհուպ ձեռքերի անկանոն շարժումներով, փորձելով պատկերավոր նկարագրել՝ Փաշինյանը հայտնվել է չափազանց անհեթեթ վիճակում։ Նյարդային այս ցնցումները վկայում են, որ ինքն էլ գիտակցում է առաջիկա ֆորս-մաժորի հնարավորությունները, և իր համար բացասական զարգացումները կանխելու նպատակով ցանկանում է ընդդիմությանը զրկել ընտրություններին պաշտպանվելու հնարավորությունից, իսկ թալանի ու թալանչիների մասին կրկին խոսք բացելը, հատկապես այն պայմաններում, երբ Փաշինյանը «բարեհաջող» կերպով ձախողել է ոչ միայն իր իսկ խոստումները, այլև ողջ պետական կառավարումը, վկայում է, որ նա խնդիր ունի իր կողմնակիցներին համոզելու ժամկետանց թեզերի մեջ։
Ըստ ՔՊ-ում շրջանառվող տեղեկությունների, արդեն այս տարվա վերջ Նիկոլ Փաշինյանը մտադիր է իրականացնել իր ցանկալի օպերացիան, այն է` խորհրդարանական արտահերթ ընտրությունները և Սահմանադրության հանրաքվեն միաժամանակ անցկացնել` այդ կերպ գոնե փորձելով ապահովել ձայների անհրաժեշտ քվորումը հանրաքվեի համար, ուստի ՔՊ-ում արդեն իսկ մտմտում են, թե ինչ են անելու, եթե զարգացումները գնան ոչ իրենց ցանկալի հունով։
Սեդա Մարգարյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Ռուբլին թանկացել է․ փոխարժեքն՝ այսօր
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը