Էկվադորում աքլորակռվի հրապարակում զանգվածային հրաձգության հետևանքով 12 մարդ է զոհվել
Էկվադորի ոստիկանությունը հայտնել է, որ չորս մարդ է ձերբակալել՝ աքլորակռվի հրապարակի վրա զինված անձանց հարձակման առնչությամբ, որի հետևանքով 12 մարդ է զոհվել, հայտնում է BBC News-ը։
Ոստիկանների ուրբաթ օրվա ռեյդի ընթացքում զենք և ոստիկանական ու բանակային համազգեստներ են առգրավվել հյուսիսարևմտյան Մանիբու նահանգում՝ Լա Վալենսիա գյուղական համայնքում հարձակումից մեկ օր անց:
Սոցցանցերում հրապարակված հարձակման կադրերում երևում է, թե ինչպես են զինված մարդիկ մտնում ռինգ և կրակ բացում մարդկանց վրա:
Տեղական ԶԼՄ-ների տվյալներով, կեղծ զինվորական համազգեստով հարձակվողները հանցավոր խմբավորման անդամներ են եղել, որոնց մրցակիցները մասնակցել են աքլորների մարտակռիվներին:
Նահանգի իշխանությունները քրեական հետաքննություն են սկսել։ Ենթադրվում է, որ լատինաամերիկյան երկրում գործում է շուրջ 20 հանցավոր խմբավորում, որոնք պայքարում են թմրանյութերի ապօրինի շրջանառության հիմնական ուղիների վերահսկողության համար:
Էկվադորի նախագահ Դանիել Նոբոան հայտարարել է, որ աշխարհում կոկաինի մոտ 70%-ը ներկայումս ԱՄՆ և Եվրոպա է հասնում Էկվադորի նավահանգիստներով։ Թմրանյութը մաքսանենգ ճանապարհով տեղափոխվում է Էկվադոր հարևան Կոլումբիայից և Պերուից, որոնք կոկաին արտադրող աշխարհի խոշորագույն երկու երկրներն են:
Ընթացիկ տարվա հունվարին 781 սպանություն է գրանցվել՝ այն դարձնելով վերջին տարիների ամենամահաբեր ամիսը։ Դրանցից շատերը կապված են եղել թմրամիջոցների ապօրինի առևտրի հետ:
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Կապանում ունենալու ենք վիեննական վալս. Սեւակ Ավանեսյան
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»