Տարածաշրջանային լարվածության ֆոնին Նեթանյահուն կայցելի Ադրբեջան. Israel Hayom
Տարածաշրջանային լարվածության ֆոնին Իսրայելի վարչապետ Բենիամին Նեթանյահուն կայցելի Ադրբեջան. այցի հստակ ամսաթիվը հայտնի չէ, սակայն դա տեղի է ունենալու առաջիկայում հայտնել է Israel Hayom թերթը:
Նեթանյահուն Բաքվում հանդիպելու է Ադրբեջանի նախագահ Իլհամ Ալիևի հետ, որի հետ ունի երկարամյա սերտ հարաբերություններ՝ ամրապնդված սերտ համագործակցությամբ, նշում է թերթը՝ հավելելով, որ Ադրբեջանն Իսրայելի համար բարեկամ պետություն է, որտեղ 2 շաբաթ առաջ տեխնիկական բանակցություններ էին կայացել Իսրայելի և Թուրքիայի միջև՝ կանխելու Սիրիայի տարածքում երկու երկրների ռազմական բախման հավանականությունը:
Դրանից հետո Ալիևը առանձին հանդիպել է Թուրքիայի նախագահ Ռեջեփ Թայիփ Էրդողանի և Սիրիայի նոր կառավարիչ Ահմադ ալ Շարաայի (ալ-Ջուլանիի) հետ. ուստի, Նեթանյահուի այցը թվում է որպես այդ դիվանագիտական ջանքերի բնական շարունակություն:
Սպասվում է, որ բացի թուրք-սիրիական խնդրից, Նեթանյահուն և Ալիևը կքննարկեն երկկողմ և տարածաշրջանային հարաբերությունների ամբողջ սպեկտրը։ Իսրայելը և Ադրբեջանը պահպանում են ռազմավարական կապեր, ներառյալ նավթի և դրա ածանցյալների մատակարարումը Իսրայելին. այս մատակարարումն անխափան շարունակվում էր Թուրքիայով նույնիսկ պատերազմի ժամանակ: Ադրբեջանը սահման ունի Իրանի հետ, և երկու հարևանների հարաբերությունները շարունակում են մնալ խիստ լարված:
Իսրայելը Ադրբեջանին վաճառում է առաջադեմ սպառազինության համակարգեր։ Օրերս Ադրբեջան էր այցելել էներգետիկայի նախարար Էլի Քոհենը և ստորագրել համագործակցության համաձայնագրեր։ Նեթանյահուի վերջին այցը երկիր տեղի է ունեցել 2016թ.:
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Կապանում ունենալու ենք վիեննական վալս. Սեւակ Ավանեսյան
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»