Ատելության խոսքի հետ կապված խնդիրը ՀՀ-ում ամենահրատապներից է, դրան բախվում եմ նաև ես. ՄԻՊ
«Այո՛, ատելության խոսքին բախվում եմ նաև ես, ատելության խոսքին բոլորս և յուրաքանչյուր խումբ բախվում է: Որպես ՄԻՊ ես թիրախավորվում եմ սեռի հիմքով, թիրախավորվում եմ որպես կին: Նույնիսկ ատելության խոսքի տեսակներ են եղել, որոնք տարածվել են պարունակելով էթնիկ հիմքով ատելության խոսք, բայց ուղղված են եղել նաև ինձ, մեր հաստատությանը: Շատ դեպքերում ատելության խոսք հնչեցնողները չեն էլ պատկերացնում, որ իրենց հնչեցրածը ատելության խոսք է և այն որպես այդպիսին իրավաչափ չէ»,- լրագրողների հետ զրույցում ասաց ՄԻՊ Անահիտ Մանասյանը:
«Ատելության խոսքի հետ կապված խնդիրը Հայաստանում միանշանակ ամենահրատապներից է: Սա շատ բացասական երևույթ, որ ինքնին բազմաթիվ այլ խնդիրների և հանցագործությունների հիմք է հանդիսանում, մինչդեռ այսօր ՀՀ-ում այն բավականին մեծ տարածում ունի», - ընդգծեց Մանասյանը:
Ըստ նրա, ՄԻՊ-ը պարբերաբար տարատեսակ խմբերի հետ իրականացնում է ատելության խոսքի կանխարգելմանն ուղղված բազմապիսի ծրագրեր, այդ թվում լրագրողների համար, հայտնեց, որ կարևորում են լրագրողների մասնագիտական անխոչընդոտ աշխատանքը և նաև պետական մարմիններ-լրագրողների պատշաճ փոխգործակցությունը.«Լրագրողները շատ կարևոր դերակատարում ունեն, ինչպես նշված բացասական երևույթների կանխարգելման համատեքստում, այնպես էլ կարող են դերակատարում ունենալ այդ խոսքի տարածման առումով»:
Մեկ այլ լրագրողի հարցին, արդյոք արվում է մոնիթորինգ օրինակ ԱԺ-ում պատգամավորների և լրագրողների միջև միջադեպերի առնչությամբ և արդյոք դրանք պարունակում են ատելության խոսք, նա նշեց.«Ատելության խոսքի վերաբերյալ պատկերացումները մեր հասարակական միջավայրում այնքան էլ պատշաճ չեն, որովհետև ցանկացած խոսք, որ ինչ-որ առումով կարող է բացասական թվալ, դիտարկվում է որպես ատելության խոսք, մինչդեռ ատելության խոսքն ինքնին շատ այլ երևույթ է իրենից ենթադրում: Դիտարկում ենք, ոչ միայն ատելության խոսքի հետ կապված գործընթացները, այլ մշտադիտարկում ենք ցանկացած երևույթ, որը կարող է շեղում հանդիսանալ լրագրողների մասնագիտական անխոչընդոտ աշխատանքից: Դեպքեր ենք ունենում լրագրողների գործունեության առերևույթ խոչընդոտման հետ կապված, շատ կարևոր է, թե պաշտոնատար անձանց էթիկայի նորմերի պահպանումը, թե լրագրողների կողմից էթիկայի պահպանումը»:
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Կապանում ունենալու ենք վիեննական վալս. Սեւակ Ավանեսյան
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»