Սյունիքում անօդաչու թռչող սարքեր են նկատվել․ բնակիչների համոզմամբ՝ հետախուզական է
Սյունիքի երկնքում անօդաչու թռչող սարքերի անցուդարձը առավոտից չի դադարում։ Տեղացիների հավաստմամբ՝ արդեն 2-րդ անգամ են նկատում։ Սահմանամերձ Խոզնավարի բնակիչը MediaHub-ին ասաց, որ ԱԹՍ համակարգի շարժն առաջին անգամ նկատել են ապրիլի 3-ին և 4-ին։
«Բացի գիշերային ինտենսիվ կրակոցներից, հիմա արդեն մեզ ահաբեկում են անօդաչու թռչող սարքերով։ Առավոտ ժամը 6-ից լսում ենք ձայները, որ պտտվում են մեր գլխավերևում, ձենը գալիս ա, ցածր ա թռչում։ 44-օրյա պատերազմի մասնակից տղերքը ասացին՝ ամենայն հավանականությամբ հետախուզական նպատակներով են բարձրացրել»,- ասաց մեր զրուցակիցը։
Նրա խոսքով՝ ապրիլի 30-ի լույս մայիսի 1-ի գիշերը ադրբեջանական դիրքերից կրակել են և՛ Խոզնավարի, և՛ Խնածախի, և՛ Արավուսի ու Տեղ համայնքների ուղղությամբ։
«Իմ տեղեկություններով նաև Խնածախի դիրքի վրա են կրակել։ Տուժածներ չկան, որովհետև մեր զորքը սադրանքի չի գնում, չի պատասխանում»։
MediaHub-ը կապ հաստատեց նաև Խնածախ համայնքի բնակիչների հետ։ Մեր զրուցակիցներից մեկն ասաց, որ երեկ ֆուտբոլ դիտելու պատճառով ուշ է քնել, հաշվել է՝ քանի անգամ են կրակել, որ ուղղություններով։
«Դե, իրենց առաջին կրակոցը մենք ընդունում ենք գիշերվա ժամը 10:20-ին։ Դրանից հետո կրակել են 12:00-ի կողմերը, մի ժամ «հանգստացել» են, հետո կրակել ժամը 1-ին, հետո՝ 2-ին։ Դրանից հետո քնել եմ։ Որ գյուղի ուղղությամբ են կրակում, դա չի քննարկվում։ Սկզբից դուրս եկա «բալկոն», որ ուղղությունը տեսնեմ, բայց դառը փորձն արդեն ունենք, բաց տարածքում այդ ժամերին չենք կանգնում»,- նշեց նա։
Սյունիքի սահմանամերձ բնակավայրերում մարդիկ ինքնուրույն են հոգում իրենց հոգսը։ Ամեն մարդ կարգի է բերել իր տան նկուղային կամ առաջին հարկը, որպես ապաստարան։
«Բա ի՞նչ անենք, եթե հանկարծ մի բան լինի․ պաշտպանվելու տեղ պիտի ունենանք։ Մենք ենք մեր գլխի ճարը տեսնում, հույսներս կտրել ենք պետությունից։ Առավոտից «բեսպիլոտնիկը» գնում-գալիս ա, գնում-գալիս ա, մենք ի՞նչ իմանանք՝ ի՞նչ նպատակ ունի Ադրբեջանը»,- իր մտահոգությունն ու վրդովմունքը հայտնեց Խնածախի բնակիչը։
Հունան Թադևոսյան
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Կապանում ունենալու ենք վիեննական վալս. Սեւակ Ավանեսյան
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»