«Եվրոբռնություն». Զավենիչի կուսակցությունն արդարացնում է կուսակցի խայտառակ վարքը
Անկախ Հայաստանն իր պատմության ընթացքում բազմաթիվ ցնցող և աննախադեպ դեպքեր է տեսել, բայց Նոր Նորքի թաղապետարանում երեկ տեղի ունեցած միջադեպը, երբ մի ամբողջ ոհմակ հարձակվել և դաժանաբար ծեծի էր ենթարկում Երևանի խնդիրները բարձրաձայնող ակտիվիստին, այն էլ ուղիղ եթերում, թերևս առաջին անգամն էր։
Իրավապահներն, իհարկե, արձագանքել և ձերբակալել էին հենց ակտիվիստին, որը համարձակվել էր բացահայտել ՔՊ-ի և նրա արբանյակ «Հանրապետություն» կուսակցության ներկայացուցիչների ապօրինությունները։ Չմարսելով այդ փաստը՝ հենց հանրային քննարկման ժամանակ Նոր Նորքի վարչական շրջանի ղեկավար Տիգրան Տեր-Մարգարյանը, թաղապետարանի աշխատակիցներն ու «Հանրապետություն» կուսակցության անդամները 10-15 հոգով հարձակվել էին Արթուր Չախոյանի վրա։
6 անձ, այդ թվում Չախոյանը ձերբակալվել էին, իսկ գլխավոր մեղավոր թաղապետն այդպես էլ ոչ միայն չէր ձերբակալվել, այլև հենց լրագրողների հետ զրույցում լկտիաբար հայտարարում էր, թե լավ է արել։ Տարօրինակն այստեղ այն է, որ թե՛ Երևանի ավագանու ՔՊ խմբակցությունը, թե՛ «Հանրապետություն» կուսակցությունը, ոչ միայն չդատապարտեցին պետական պաշտոնյայի կողմից շարքային քաղաքացուն ուղիղ եթերում ծեծելու հանգամանքը, այլ ավելին, փորձեցին աշխարհաքաղաքական առանցք հաղորդել խայտառակ այս միջադեպին։ Մասնավորապես, «Հանրապետություն» կուսակցությունը հայտարարություն էր տարածել, թե վարչական շրջանում տեղի ունեցածը ակնհայտ պլանավորված և կազմակերպված սադրանք է, որի թիրախում, ուշադրություն, ՀՀ անկախությունը և ինքնիշխանությունն են։
«Անկախություն, ինքնիշխանություն, եվրոպական արժեքներ» բառերը վաղուց դարձել են Արամ Սարգսյանի և նրա թիմի համար չարաշահումներն արդարացնելու, իրենց խայտառակ վարքը պաշտպանելու միջոց։ Ավելին, փորձում են համոզել, թե նախկինները փորձում են կոնսենսուս ձևավորել՝ Եվրամիության անդամակցության գործընթացը նախաձեռնած, Ուկրաինայի դեմ պատերազմը դատապարտող, Միութենական պետությանը դեմ և Հայաստանի ինքնիշխանությունը բացարձակ արժեք համարող քաղաքական ուժին պարբերական սադրանքների մեջ ներքաշելով։
Մյուս արևմտամետները, որոնք այսպես կոչված «Եվրադաշինքում» «Հանրապետության» դաշնակիցներն են, ի դեպ, առանձնապես որևէ կերպ չդատապարտեցին Տեր-Մարգարյանի վարքը։ Ինչպես և դատապարտման որևէ խոսք չհնչեց՝ Հայաստանում գործող արևմտյան երկրների դեսպանատներից, իրավապաշտպան կառույցներից։
Լիլիա Դանիելյան
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Կապանում ունենալու ենք վիեննական վալս. Սեւակ Ավանեսյան
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»