ՍԱՏՄ ղեկավարը ոչ միայն «sms» ստացավ, այլև նրան մեղադրանք է առաջադրվել. «Փաստ»
«Փաստ» օրաթերթը գրում է.
Դեռևս մարտի 27-ին մենք տեղեկացրել էինք, որ ՍԱՏՄ ղեկավար Արմեն Դանիել յանը, որն այդ պաշտոնին է նշանակվել անցած տարվա նոյեմբերի 11ին, ինչպես նաև նրա հետ «եկած» թիմը, հատկապես ղեկավար կազմը, այսպես կոչված, «ճամպրուկային» տրամադրության մեջ են և սպասում են, որ ամեն պահի կարող են «sms» ստանալ:
Նշել էինք այն դժգոհությունները, որոնք կան Դանիել յանից ու իր թիմից, միևնույն ժամանակ, տեղերից ստանալով ահազանգեր, որ, չնայած ՍԱՏՄ-ի կարիքների համար բենզինի անհրաժեշտ քանակ ձեռք է բերվել, մարզերում ՍԱՏՄ տեսուչները բենզին չեն ստանում և իրենց հաշվին են լիցքավորում մեքենաներն ու մեկնում ծառայության: ՍԱՏՄ-ից, ի պատասխան, պարզապես նշել էին. «Սննդամթերքի անվտանգության տեսչական մարմնի 2025 թվականի կարիքների համար ձեռք է բերվել 25000 լիտր բենզին և 1500 լիտր դիզելային վառելիք։ Առաջիկայում նախատեսվում է 2025 թվականի համար ձեռք բերել ևս 36000 լիտր բենզին։ Հաշվի առնելով վերոգրյալը՝ հայտնում եմ, որ Տեսչական մարմնի գործունեությունն իրականացնելու նպատակով ծառայողական մեքենաների շահագործման համար ներկայումս առկա է բավարար քանակությամբ վառելիք»:
Օրերս պարզվեց, որ ՍԱՏՄ ղեկավար Արմեն Դանիել յանն, ի վերջո, իր հասանելիք «sms»-ը ստացել է, այսինքն՝ ազատվել է աշխատանքից: Ավելին, երեկ էլ պարզվեց, որ նա ձերբակալվել է «ծառայողական լիազորություններն օգտագործելով՝ առանձնապես խոշոր չափերի գույք հափշտակելու մեղադրանքով»։ Նրա նկատմամբ կալանքը որպես խափանման միջոց կիրառելու միջնորդություն է ներկայացվել դատարան:
Մանրամասները՝ «Փաստ» օրաթերթի այսօրվա համարում
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Կապանում ունենալու ենք վիեննական վալս. Սեւակ Ավանեսյան
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»
Փաշինյանին և իր իշխանությանը միայն ընտրություններով հնարավոր չէ հաղթել. Արամ Պետրոսյան