Երեկ մենք Ալավերդիում բացեցինք մեր թվով չորրորդ տարածքային գրասենյակը․ Ավետիք Չալաբյան

«Հայաքվե» նախաձեռնող խմբի համակարգող, հասարակական-քաղաքական գործիչ Ավետիք Չալաբյանը ֆեյսբուքյան իր էջում գրում է․

Ալավերդին գտնվում է Լոռվա հրաշագեղ անկյունում, շրջապատված է հայոց մշակույթի անգերազանցելի կոթողներով, հայտնի է իր հարյուրամյակների մետաղաձուլական պատմությամբ, սակայն այսօր, պղնձաձուլական կոմբինատի փակումից հետո, հայտնվել է անկման և անորոշության շրջանում, բազմաթիվ բնակիչներ լքել են քաղաքը, դրան գումարվեց անցած տարվա ավերիչ ջրհեղեղը:

Ալավերդիում գրասենյակ բացելով, մենք հանձնառություն ենք ստանձնում օգնել այս հրաշալի համայնքին՝ նոր շունչ ձեռք բերելու և նոր ավյուն, նորովի զարգացնելու այն արժեքավոր ժառանգությունը, որով յուրաքանչյու համայնք կարող է հպարտանալ, և վերստին դառնալու Հայաստանի ամուր և հյուրընկալ հյուսիսային դարպասը:

Շնորհավորում եմ Ալավերդու մեր բոլոր ընկերներին այս կարևոր մեկնարկի կապակցությամբ, և հաջողություն ցանկանում մեր բոլոր նախաձեռնություններում: