Գազայի 2,1 մլն բնակիչներին սով է սպառնում. ՄԱԿ-ի համակարգողը դիմել է Իսրայելին
ՄԱԿ-ի հրատապ օգնության համակարգող Թոմ Ֆլետչերը քննադատել է Իսրայելի գործողությունները Գազայի հատվածում՝ ասելով, որ Իսրայելը դիտավորյալ և անամոթաբար անմարդկային պայմաններ է պարտադրում օկուպացված պաղեստինյան տարածքում գտնվող խաղաղ բնակչությանը: Այս մասին գրում է dw.com-ը:
Ֆլետչերն ասել է, որ մարդասիրական օգնության մուտքի արգելափակումը Գազայի հատված, անկլավի բոլոր 2,1 միլիոն բնակիչներին լայնածավալ սովի վտանգի տակ է դնում: «Ավելի քան տասը շաբաթ Գազա ոչինչ չի հասել՝ ո՛չ սնունդ, ո՛չ դեղորայք, ո՛չ ջուր, ո՛չ վրաններ», - ասել է ՄԱԿ-ի հրատապ օգնության համակարգողը:
Նա Իսրայելի իշխանություններին կոչ է արել «դադարեցնել սպանել և վիրավորել խաղաղ բնակիչներին», վերջ տալ «այս դաժան շրջափակմանը» և թույլ տալ հումանիտար ոլորտի աշխատողներին փրկել պաղեստինցիների կյանքեր։ Միևնույն ժամանակ, դիմելով ՀԱՄԱՍ-ին և պաղեստինյան այլ զինված խմբավորումներին, Ֆլետչերը կոչ է արել «անհապաղ և անվերապահ ազատ արձակել բոլոր պատանդներին, իսկ խաղաղ բնակիչներին ռազմական գործողությունների ժամանակ վտանգի տակ չդնել»:
Մինչդեռ Իսրայելի վարչապետ Բենիամին Նեթանյահուն հայտարարել է առաջիկա օրերին Գազայի հատվածում Իսրայելի պաշտպանության բանակի սպասվող խոշոր հարձակման մասին: Նրա խոսքով՝ հարձակման նպատակը պետք է լինի պաղեստինյան ՀԱՄԱՍ խմբավորման նկատմամբ լիակատար հաղթանակը և իսլամիստ զինյալների ձեռքում մնացած վերջին պատանդների ազատումը։
Ավելի վաղ վիրավոր պահեստայինների հետ հանդիպման ժամանակ Նեթանյահուն խոստացել էր, որ Իսրայելն առաջիկա օրերին «ամբողջ ուժով» հարձակում կսկսի Գազայի հատվածում, որպեսզի «ավարտի ռազմական արշավը»։ Նա ասել է, որ Իսրայելը չի համաձայնի դադարեցնել պատերազմը, նույնիսկ եթե ՀԱՄԱՍ-ը առաջարկի ազատ արձակել ավելի շատ պատանդների:
«Ժամանակավոր զինադադար հնարավոր է, բայց մարտերի երկարաժամկետ ավարտ՝ ոչ»,- Իսրայելի վարչապետի խոսքերն է մեջբերում dpa լրատվական գործակալությունը։
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Կապանում ունենալու ենք վիեննական վալս. Սեւակ Ավանեսյան
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»
Փաշինյանին և իր իշխանությանը միայն ընտրություններով հնարավոր չէ հաղթել. Արամ Պետրոսյան