Կատարի վարչապետը մեկնաբանել է Թրամփին 400 մլն դոլար արժողությամբ շքեղ ինքնաթիռ «նվիրելու» շուրջ աղմուկը
Կատարը չի պատրաստվում Boeing 747-8 ինքնաթիռ նվիրել ԱՄՆ նախագահ Դոնալդ Թրամփին, սակայն քննարկում է ինքնաթիռի փոխանցումը պաշտոնական միջկառավարական մակարդակով, CNN-ին տված հարցազրույցում ասել է Կատարի վարչապետ Մուհամեդ բեն Աբդուլռահման բեն Ջասիմ ալ Թանին։
«Սա շատ պարզ միջկառավարական համաձայնագիր է: Կատարի պաշտպանության նախարարությունը և ԱՄՆ պաշտպանության նախարարությունը քննարկում են մեր 747-8 ինքնաթիռներից մեկը որպես Air Force One օգտագործելու նպատակով փոխանցման հնարավորությունը: Այս հարցը իրավական փորձաքննության փուլում է»,- նշել է Ալ Թանին:
Միևնույն ժամանակ Ալ Թանին նշել է, որ ինքնաթիռի փոխանցման առաջարկը հետ կվերցվի, եթե «այն անօրինական համարվի»։
ABC News-ը մայիսի 12-ին, վկայակոչելով աղբյուրներ, հայտնել է, որ ինքնաթիռը Թրամփին է հանձնել Կատարի էմիրի ընտանիքը։ Մայիսի սկզբին The Wall Street Journal-ը հայտնել էր, որ Թրամփը դիտարկում է նախագահական ինքնաթիռների այլընտրանքային տարբերակներ, քանի դեռ Boeing-ը հետաձգում է նախագահական ինքնաթիռի մատակարարումը։
Կատարի կողմից ինքնաթիռի ԱՄՆ-ին հնարավոր փոխանցումը քննադատվել է ինչպես դեմոկրատների, այնպես էլ հանրապետականների կողմից, նշում է CNN-ը։
Մայիսի 11-ին Թրամփը այդ քայլը որակել էր որպես «անվճար նվեր» ԱՄՆ պաշտպանության նախարարությանը, իսկ մայիսի 13-ի մեկ այլ գրառման մեջ նա ասել էր, որ յուրաքանչյուրը, ով չի ընդունում Boeing 747-ը, «հիմար» կլինի: Նա մի քանի անգամ անդրադարձել է այս հարցին՝ նշելով, որ «հիմար մարդ» կլինի, եթե հրաժարվի նման նվերից։
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Կապանում ունենալու ենք վիեննական վալս. Սեւակ Ավանեսյան
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»
Փաշինյանին և իր իշխանությանը միայն ընտրություններով հնարավոր չէ հաղթել. Արամ Պետրոսյան