Ուիթքոֆը հայտարարել է` Իրանը չի կարող ուրան հարստացնել. Արաղչին հակադարձել է՝ Իրանում ուրանի հարստացումը կշարունակվի անկախ նրանից՝ ԱՄՆ-ի հետ գործարք ձեռք բերվի, թե ոչ
Միացյալ Նահանգների հիմնարար դիրքորոշումն այն է, որ Իրանը չի կարող հարստացնել ուրան, ABC News-ին ասել է Մերձավոր Արևելքի հարցերով նախագահ Դոնալդ Թրամփի հատուկ բանագնաց Սթիվ Ուիթքոֆը։
«Մենք ունենք մեկ շատ հստակ կարմիր գիծ, դա ուրանի հարստացումն է: Մենք չենք կարող թույլ տալ, որ Իրանն ունենա հարստացման կարողությունների նույնիսկ 1 տոկոսը: Ամեն ինչ սկսվում է մեր սկզբունքային դիրքորոշումից, այն է՝ գործարքից, որը չի ներառում հարստացման հնարավորությունը», - ասել է ԱՄՆ ղեկավարի թիմի ներկայացուցիչը։
Նման միտք ավելի վաղ հայտնել էր ԱՄՆ պետքարտուղար Մարկո Ռուբիոն CBS News-ին տված հարցազրույցում։ Նա ասել է, որ ԱՄՆ-ն ցանկանում է ստիպել Իրանին հրաժարվել միջուկային հավակնություններից։ Նրա խոսքով՝ Վաշինգտոնը ցանկանում է երաշխավորել, որ Թեհրանը երբեք միջուկային զենք ձեռք չբերի։
«Եթե դուք կարող եք հարստացնել ուրանը ցանկացած մակարդակով, ապա ըստ էության կարող եք այն հարստացնել մինչև սպառազինության մակարդակը շատ արագ», - ասել էր դիվանագետը:
Նա վստահեցրել էր, որ ԱՄՆ-ն ցանկանում է, որ Իրանը լինի հարուստ, խաղաղ և բարգավաճ երկիր՝ առանց միջուկային զենքի։
Իրանի արտգործնախարար Աբբաս Արաղչին հակադարձել է, որ Իրանն ուրանը հարստացնելու է՝ անկախ այն բանից, թե արդյոք ԱՄՆ-ի հետ համաձայնություն ձեռք կբերվի։
«ԱՄՆ-ն շահագրգռված է երաշխիքներով, որ Իրանը միջուկային զենք չի ստանա: Նման համաձայնությունը հասանելի է, և մենք պատրաստ ենք լուրջ երկխոսության՝ հասնելու այնպիսի լուծման, որը հավերժ կապահովի այդ արդյունքը: Բայց Իրանում ուրանի հարստացումը կշարունակվի՝ անկախ նրանից, համաձայնություն ձեռք բերվի, թե ոչ»,- գրել է Արաղչին սոցցանցում:
Մայիսի 11-ին Օմանում կայացել է ԱՄՆ-ի և Իրանի միջև անուղղակի բանակցությունների չորրորդ փուլը։ Իրանական և ամերիկյան պատվիրակությունները գլխավորում էին Արաղչին և ԱՄՆ նախագահի հատուկ բանագնաց Սթիվ Ուիթքոֆը։ Իրանի դիվանագիտական առաքելության ղեկավարը հայտարարել է մի շարք զիջումների գնալու պատրաստակամության մասին, և որ կողմերը համաձայնել են շարունակել բանակցությունները։
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Ոչ միայն քաղաքական է, այլև աշխարհաքաղաքական. «Փաստ»
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...
Ծանր վիճակ՝ վտանգավոր միտումներով. «Փաստ»
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
Հայաստանում կան շատ պայծառ մարդիկ, որոնց հետ միասին պետք է վեր հանենք մեր երկիրը. Աննա Կոստանյան