Փաշինյանն արևմտամետ ընդդիմություն է ստեղծում իր համար
Ռուսաստանի արտգործնախարար Սերգեյ Լավրովի հայաստանյան այցի, դրա դեմ հաստիքային արևմտամետների տարօրինակ բողոքի գործողությունների, ինչպես նաև Հայաստանի իշխանությունների արձագանքի վերաբերյալ կարելի է բազմաթիվ եզրակացություններ անել։ Թեպետ «Հանուն հանրապետության» կուսակցությունն իր գործընկերների հետ հայտարարել էր Ռուսաստանի արտգործնախարարի դեմ բողոքի լայնածավալ ակցիա անելու մասին, բայց նախօրեին 2-3 հոգով պլակատ էին բռնել, երեկ էլ ակցիայի մասնակիցների թիվը չէր անցնում երկու տասնյակը։
Ոստիկանությունը չափազանց մեղմ վերաբերմունք էր ցուցաբերում բողոքի ակցիայի մասնակիցներին, մեղմիկ հրելով, անցկացնելով մայթը, երբեմն-երբեմն քաշքշուկի տպավորություն ստեղծելով, բայց իրականում որևէ կերպ չխոչընդոտելով ակցիային։ Ընդհակառակը, հաշվի առնելով, որ ոստիկաններն իրենց թվով մի քանի անգամ ավելի շատ էին, քան արևմտամետները՝ Արման Բաբաջանյանի գլխավորությամբ, կարելի է ասել, որ ոստիկանությունը պարզապես ապահովեց ակցիայի բազմամարդությունն ու հնչեղությունը։ Ի դեպ, նման մի գրառում ֆեյսբուքյան արել էր հենց ինքը՝ «Հանուն հանրապետության» կուսակցության նախագահը, շնորհակալություն հայտնելով ՆԳ նախարարին ու ոստիկանապետին։
Այս ակցիաներում տարօրինակ էր, որ չէր մասնակցում «Եվրաքվե» դաշինքի ուժերից մեկը՝ «Հանրապետություն» կուսակցությունը՝ Արամ Սարգսյանի գլխավորությամբ։ Ոչ միայն Սարգսյանը, այլ նաև նրա կուսակիցներից որևէ մեկը բողոքի ակցիայի ընթացքում աչքի չընկան։ Սա ակնհայտորեն խոսում է արևմտամետ դաշինքում առկա հակասությունների վերաբերյալ ՔՊ մեր աղբյուրների փոխանցմամբ, այսպիսի բողոքի ակցիաներով, բարձրացրած աղմուկով, Փաշինյանը խորհրդարանական ընտրություններից առաջ արևմտամետ քաղաքական ուժերին փորձում է զարգանալու և որոշակի ընտրազանգված հավաքելու հնարավորություն տալ՝ շահագործելով հակառուսական թեման։ Եվ այդ առումով Փաշինյանի համար շատ ավելի հարմարավետ է աշխատել Արման Բաբաջանյանի, քան Արամ Սարգսյանի հետ, վերջինիս նկատմամբ առանձնապես վստահություն չունեն։ Իսկ Բաբաջանյանն իշխանության մերձավորներից մեկն է համարվում, ուստի և Փաշինյանը խաղադրույքը դրել է հենց «Հանուն հանրապետության» կուսակցության վրա։
Լիլիթ Իսպիրյան
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Կապանում ունենալու ենք վիեննական վալս. Սեւակ Ավանեսյան
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»
Փաշինյանին և իր իշխանությանը միայն ընտրություններով հնարավոր չէ հաղթել. Արամ Պետրոսյան