Սպիտակ տան նախկին բժիշկը կանխատեսել է, որ քաղցկեղով հիվանդ Բայդենը, հավանաբար, կապրի 12-18 ամիս

ԱՄՆ նախկին նախագահ Ջո Բայդենը, որի մոտ քաղցկեղի ագրեսիվ տեսակի ախտորոշման մասին օրերս է հայտնի դարձել, կարող է ապրել 12-18 ամիս. նման կանխատեսում է արել Սպիտակ տան նախկին բժիշկ և հանրապետական ​​կոնգրեսական Ռոննի Ջեքսոնը։

Washington Free Beacon-ին տված հարցազրույցում Ջեքսոնը նշել է, որ Բայդենին, գուցե, ապրելու քիչ ժամանակ է մնացել:

«Դա իմ մասնագիտական ոլորտը չէ, բայց այն բանից հետո ախտորոշման մասին հայտարարվել է, ես խոսել եմ մի շարք ուրոլոգների հետ, և կոնսենսուսն այն է, որ նրան կարող է ապրելու համար մնացած լինել 12-18 ամիս: Հուսով եմ, որ ավելի շատ ժամանակ կլինի, և ես հավատում եմ, որ նրանք կկարողանան արդյունավետ կերպով բուժել այս հիվանդությունը, և գիտեք, որ նա դեռ շատ ու շատ տարիներ կապրի։ Բայց հիվանդությունն արդեն զարգացած է»,- ասել է նա։

Հիշեցնենք, որ ԱՄՆ նախկին նախագահ Ջո Բայդենի մոտ շագանակագեղձի քաղցկեղ է ախտորոշվել։

«Չնայած սա հիվանդության ավելի ագրեսիվ ձև է, քաղցկեղը, կարծես, հորմոնալ առումով զգայուն է, ինչը թույլ է տալիս արդյունավետ կառավարում։ Նախագահը և նրա ընտանիքը բժիշկների հետ քննարկում են բուժման տարբերակները»,-ասել է Սպիտակ տան նախկին մամուլի քարտուղարը։

82-ամյա Բայդենի հիվանդությունն ախտորոշվել է մայիսի 16-ին՝ միզուղիների հետ կապված խնդիրների պատճառով անցկացված հետազոտության ընթացքում։

ԱՄՆ նախկին նախագահի առողջական վիճակը և աշխատունակությունը պարբերաբար կասկածի տակ էին դրվում նրա նախագահության ընթացքում։