ՔՊ-ն պատրաստվում է վարչության ընտրություններին. թեժ է լինելու
«Քաղաքացիական պայմանագիր» կուսակցությունը պատրաստվում է նոր վարչության ընտրությունների, որոնք կայանալու են սեպտեմբերի 20-ին։ Էկոնոմիկայի նախարար և կուսակցության վարչության փոխնախագահ Գևորգ Պապոյանը լրագրողների հետ զրույցում հայտարարել է, որ վարչության կազմն էական փոփոխություններ է կրելու։
Մամուլում արդեն տևական ժամանակ տեղեկություններ են շրջանառվում, որ Նիկոլ Փաշինյանը ցանկանում է ընդլայնել «Քաղաքացիական պայմանագիր» կուսակցության վարչության կազմը, հեռացնել անցանկալիներին և այդ վարչության կազմում ներգրավել միայն իրեն անվերապահ ենթարկվող անձանց։ Ընդ որում, թե՛ վարչության ներկայիս անդամները և թե՛ այլ բարձրաստիճան պաշտոնյաներ արդեն այժմ լուրջ ջանքեր են գործադրում իրենց տեղը վարչությունում ապահովելու համար։
Նախնական տեղեկություններով առաջադրումների փուլը լինելու է հունիսի սկզբին, իսկ դրանից հետո կուսակցության մեջ արդեն քարոզարշավ է իրականացվելու։ Մեր տեղեկություններով, Փաշինյանը ցանկանում է վարչությունն ընդլայնել և այնտեղ ընդգրկել տարբեր պաշտոնյա կանանց, որոնք այսօր կատարում են նրա բոլոր կեղտոտ հրահանգները։ Վարչության անդամ դառնալու բուռն ցանկություն ունեն առողջապահության նախարար Անահիտ Ավանեսյանը, արդարադատության նախարար Սրբուհի Գալյանը, ՆԳՆ նախարար Արփինե Սարգսյանն ու ԿԳՄՍ նախարար Ժաննա Անդրեասյանը, որոնք փորձում են իրենց մերձավոր շրջապատին համոզել, ամեն գնով, որ իրենց ընտրեն ՔՊ վարչության անդամ։
Վարչության նախորդ ընտրություններում խայտառակ այնպիսի դրսևորումներ եղան, որ մինչ օրս «Քաղպայմանագիրը» չի կարողանում ազատվել դրանց հետևանքներից։ Այժմ ՔՊ-ն ամեն ինչ անելու է, որպեսզի ընտրությունների ընթացքն առնվազն լրատվամիջոցների մոտ կասկած չհարուցի, միևնույն ժամանակ Փաշինյանը գործող վարչության կազմից շատերի դեմքն այլևս չի ցանկանում տեսնել, որոշներին էլ ընդհանրապես մտադիր է հեռացնել պաշտոններից, բայց դրա համար հարկավոր է, որպեսզի նրանք զրկված լինեն վարչության անդամ լինելու հնարավորությունից, ուստի և առաջիկա ամիսները «Քաղպայմանագրում» չափազանց թեժ են լինելու, իսկ արդեն սեպտեմբերին կայանալիք համաժողովից ու վարչության ընտրություններից հետո ՔՊ-ն պատրաստվելու է խորհրդարանական ընտրություններին և ձևավորելու է նախընտրական ցուցակը։
Գայանե Բարսեղյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Ռուբլին թանկացել է․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը