«ՏԱՎՈՒՇ» հայրենակցական միության 10-րդ համագումարում ընտրված նոր ղեկավար կազմն ու հաստատված կանոնադրութունը պետական գրանցում ստացան

Կայացավ նոր կազմով Խորհրդի առաջին նիստը՝ նորընտիր նախագահ Ռոմանոս Պետրոսյանի գլխավորությամբ:

Մասնակցում էին նաև Ավագների խորհրդի ղեկավարն ու Վերստուգողը:

«ՏԱՎՈՒՇ» հայրենակցական միության փոխնախագահներ նշանակվեցին Գևորգ Սաղոյանն ու Հայկ Օրդյանը:

Քննարկվեց կազմակերպության առաջիկա գործունեության ռազմավարությունը:

Օրակարգային հարցերից էին Ավագների խորհրդի համալրման կարգը եւ  աշխատակարգի մշակումը, ինչպես նաև միջնաժամկետ ու երկարաժամկետ ծրագրերի քննարկումը։

Որոշվեց հունիսի 6-ին և 7-ին անցկացնել Խորհրդի արտագնա նիստ Տավուշի մարզի Բերդի տարածաշրջանում և այցելել մի քանի բնակավայր՝ տեղում ծանոթանալու և գույքագրելու այն խնդիրները, որոնց ուղղությամբ Միությունը կարող է աշխատանքներ տանել՝ համաձայն Կանոնադրության և գործունեության բնույթի։

Այցի ընթացքում նախատեսվում են նաև հանդիպումներ տարածքային կառավարման և տեղական ինքնակառավարման մարմինների ներկայացուցիչների հետ։

Խորհրդի նիստը կայացավ «Տավուշ» հայրենակցական միության նոր կահավորված գրասենյակում, որը գտնվում է Կ. Ուլնեցի 31/3 հասցեում:

(+374) 91 19 50 15

(+374) 33 33 70 90