Արևմուտքի և Ալիևի նվերը Փաշինյանին
Նիկոլ Փաշինյանը երեկ հայտնել է, որ Եվրոպական քաղաքական համայնքի 8-րդ գագաթնաժողովը տեղի կունենա Հայաստանում 2026 թվականի գարնանը։ «Պատիվ է եվրոպական քաղաքական համայնքի առաջնորդներին ընդունել մեր երկրում և շնորհակալություն եմ հայտնում բոլոր առաջնորդներին այդ որոշմանն աջակցելու համար»,- գրել է նա։
Խորհրդարանական ընտրություններից առաջ նման խոշոր միջոցառում Հայաստանում կազմակերպելը, երբ արևմտյան մեծ ու փոքր պետությունների բազմաթիվ ղեկավարներ ժամանելու են Հայաստան, ըստ էության, Արևմուտքի նվերն է Նիկոլ Փաշինյանին, ով, որևէ լուրջ ձեռքբերում չունենալով, այս կերպ փորձելու է փոխհատուցել իր ձախողումները։
Ուշագրավ է, որ, ըստ Փաշինյանի, Հայաստանն ու Ադրբեջանը փոխադարձաբար աջակցել են միմյանց թեկնածությունները՝ գագաթնաժողովը հյուրընկալելու համար։ Ըստ որոշման՝ Երևանում գագաթնաժողովը կանցկացվի 2026 թ․-ին, Բաքվում՝ 2028 թ․-ին։ Եվ հենց հաջորդ գագաթնաժողովը Երևանում հրավիրելու նախաձեռնությանը Ադրբեջանի աջակցությունը վկայում է, որ Փաշինյանին իշխանությունը պահելու և վերարտադրության հարցում աջակցում է պաշտոնական Բաքուն։ Ադրբեջանն այս կերպ նպաստում է Նիկոլ Փաշինյանի դիրքերի ամրապնդմանը։
Որքան էլ գործող իշխանությունները փորձեն իրենց ներկայացնել, թե իբր խնդիրներ ունեն Բաքվի հետ, փաստն այն է, որ Ադրբեջանի նախագահին ձեռք է տալիս Նիկոլ Փաշինյանի նման խամաճիկ ունենալը Հայաստանի իշխանության ղեկին, ուստի և վերջին շրջանում Ադրբեջանի գործողությունները միտված են Փաշինյանի իշխանության պահպանմանը։ Եվ այդ ուղղությամբ Ադրբեջանը բավականին զգալի ջանքեր է գործադրում, Փաշինյանն էլ իր հերթին պարտքի տակ չի մնում՝ հատիկ առ հատիկ կատարելով Բաքվի բոլոր քմահաճույքները։
Լիանա Վանյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Երբ ջնջվում է... ոգին. «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան