«ՀՀ ԶՈւ-ն բոլորինն է, բոլորը պարտավոր են ծառայել», «Նախագիծն ընդունելի է բոլորի համար». գումարով ԶՈՒ-ից ազատվելու նախագծի քննարկումը չեղարկվեց
ԱԺ Պաշտպանության հարցերի մշտական հանձնաժողովի արտահերթ նիստը, որտեղ պետք է քննարկվեր այսպես ասած՝ գումարով զինծառայողներին բանակից ազատելու օրինագիծը, չեղարկվեց: Նիստը վարող հանձնաժողովի փոխնախագահ ՔՊ-ական պատգամավոր Արմեն Խաչատրյանը նշեց, որ լրացուցիչ կհայտնեն նիստի օրվա ու ժամի մասին:
«Հայաստան» խմբակցության պատգամավոր Գեղամ Մանուկյանն իր խոսքում նշեց, որ մի քիչ անհասկանալի է, որ նիստը սկսվելուց երկու րոպե առաջ է չեղարկվում, հատկապես, որ պաշտպանության նախարարն ԱԺ-ում է գտնվում:
«Մեզ համար խիստ անհասկանալի է, նաև հասկանալի է, որովհետև իշխանության համար պարզ էր, որ այսօրվա քվեարկության արդյունքում հանձնաժողովում ձայները բաշխվելու են այնպես, որ հանձնաժողովը տալու էր բացասական եզրակացություն: Նաև հասկանալի էր, որ հանրային մեծ ընդվզում կա և տարբեր հասարակական, քաղաքական գործիչներ, հանրային գործիչներ, ընդհուպ մինչև ՄԻՊ-ը, տվել են իրենց բացասական եզրակացությունը:
Ամեն դեպքում մենք հետամուտ ենք լինելու այս հարցը ընդմիշտ ՀՀ օրակարգից դուրս բերելու համար, ՀՀ զինված ուժերը բոլորինն են, բոլորը պարտավոր են ծառայել ՀՀ ԶՈՒ-ում:
Պետական մարմինները, եթե ասում են՝ կոռուպցիա կա, պարտավոր են արմատախիլ անել այն, բայց բոլորը հայրենիքի նկատմամբ ունեն նույն պարտականությունները՝ անկախ սոցիալական, ռասսայական և այլ տարբեր կատեգորիաներից»,- ընդգծեց պատգամավորը։
Նախագծի հեղինակ, ՔՊ-ական պատգամավոր Հայկ Սարգսյանն էլ նշեց, որ հանրային լայն շրջանակները ոչ միայն ընդունում են այս օրենքի նախագիծը, այլ կա մեծ սպասում և Սփյուռքում բնակվող մեր հայրենակիցների կողմից, և ՀՀ տարածքում բնակվող մեր հայրենակիցներից շատերը սպասում են օրենքի նախագծի ընդունմանը, ինչն իր հետ բերելու է ներգաղթ, հետախուզման մեջ գտնվող հայրենակիցների հետվերադարձ, բերելու է արտագաղթի կանխում:
«Ցավում եմ, որ որոշում է կայացվել նիստը հետաձգելու մասով, քանի որ օրենքի նախագծի մեկ օր շուտ ընդունումը, կանխելու է Հայաստանի Հանրապետությունից արտագաղթը և քաղաքացիությունից հրաժարվելու արատավոր երևույթը, որը մենք այսօր Հայաստանի Հանրապետությունում ունենք, և այն խեղված վիճակը, որն առկա է զորակոչի համակարգում, շտկելու բացառիկ հնարավորություն ունենք, որը պետք է օր առաջ իրականացնենք։
Ես պետք է ասեմ, որ հետամուտ պետք է լինենք, պարոն Խաչատրյան, որպեսզի մինչև առաջիկա զորակոչի օրը, այսինքն, մինչև հուլիս, հուլիսի մեկը, կամ հուլիսի սկիզբ, օրենքն ընդունվի երկու ընթերցումներով և մտնի օրինական ուժի մեջ, իր հետ բերելով բոլոր այն դրական հանգամանքները, որոնք ես նշել եմ»,- ասաց Սարգսյանը:
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»
Փաշինյանին և իր իշխանությանը միայն ընտրություններով հնարավոր չէ հաղթել. Արամ Պետրոսյան
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...