Մենք վճռականորեն աջակցում ենք Հայաստանի և ԵՄ-ի միջև ավելի սերտ հարաբերություններին. Ֆիցո
Ցանկանում եմ շնորհավորել Հայաստանին և վարչապետին Երևանյան երկխոսության երկրորդ համաժողովի կազմակերպման կապակցությամբ: Սա կարևոր հարթակ է տարածաշրջանային և գլոբալ խնդիրների քննարկման համար: Այդ մասին «Երևանյան երկխոսություն» երկրորդ միջազգային ֆորումի ժամանակ ասաց Սլովակիայի վարչապետ Ռոբերտ Ֆիցոն, փոխանցում է Լուրերը:
Նա խոսեց Սլովակիայի կառավարության արտաքին քաղաքական առաջնահերթությունների, գլոբալ գործընկերության մեջ Սլովակիայի դերակատարման, և, իհարկե, խաղաղությունը և Հայաստանի հետ Սլովակիայի հարաբերությունները խթանելու իրենց ջանքերի մասին:
«Սլովակիայում արդյունաբերությունը մեր տնտեսության ողնաշարն է։ Որոշ գնահատականներով՝ Սլովակիայում 20 000 աշխատատեղ կարող է վտանգվել ԱՄՆ-ի հետ առևտրային պատերազմի սրման դեպքում։ Այդ պատճառով մենք պետք է ակտիվացնենք առևտրային հարաբերությունները ազատ առևտրով հետաքրքրված երկրների հետ և դիվերսիֆիկացնենք մեր արտահանման ուղղությունները»,- ասաց նա։
«Թույլ տվեք մի քանի խոսք ասել Սլովակիայի և ձեր գեղեցիկ երկրի հարաբերությունների մասին։ Մեր երկրները բարեկամական երկկողմ հարաբերություններ ունեն։ Մենք ունենք ամուր քրիստոնեական ժառանգություն։ Հայաստանը Սլովակիայի հիմնական առևտրային գործընկերն է այս տարածաշրջանում, և մեր առևտուրը աճում է։ Ցանկանում եմ լրացուցիչ խթան հաղորդել մեր առևտրի ընդլայնմանը, մասնավորապես՝ ատոմային էներգիայի, ավտոմոբիլային, պաշտպանության և զբոսաշրջության ոլորտներում։ Ես հավատում եմ, որ այսօր, պար՛ոն վարչապետ, մենք շատ ժամանակ կունենանք քննարկելու այս բոլոր ասպեկտները և համագործակցության հեռանկարները։ Մենք վճռականորեն աջակցում ենք Հայաստանի և ԵՄ-ի միջև ավելի սերտ հարաբերություններին։ Սլովակիան պատրաստ է կիսել իր փորձը՝ շուկայական և սոցիալական բարեփոխումներից մինչև ԵՄ-ի և Հայաստանի միջև համապարփակ և ընդլայնված գործընկերության համաձայնագրի և վիզաների ազատականացման երկխոսության ներուժի լիարժեք իրացում։
Մենք կշարունակենք աջակցել Հայաստանում ԵՄ դիտորդական առաքելության ներկայությանը, քանի որ դրա արժեքավորությունը բազմիցս ապացուցվել է։ Սլովակիան միացել է Կոսովոյում ՆԱՏՕ-ի KFOR խաղաղապահ առաքելությանը, և սա մեր երկու երկրի միջև սերտ համագործակցության ևս մեկ հնարավորություն է։ Բարձր ենք գնահատում Հայաստանի ներդրումը Արևմտյան Բալկանների կայունության գործում։
Եզրափակելով՝ ցանկանում եմ շնորհակալություն հայտնել վարչապետին՝ Ադրբեջանի հետ վերջնական խաղաղության համաձայնության հասնելու ջանքերում ձեր առաջնորդության համար։ Կրկին շնորհակալություն այն օգտակար տեղեկատվության համար, որը ներկայացրեցիք մեզ։ Այս տարվա սկզբին արված հայտարարությունը [պայմանագրի վերջնականացման մասին] վճռական քայլ է տարածաշրջանում երկարատև խաղաղության և անվտանգության ուղղությամբ։ Կարևոր է պահպանել այս ընթացքը և ապահովել գործընթացի սահուն ավարտը։ Խաղաղ կարգավորումը հզոր ուղերձ կլինի Եվրոպային, որ հակամարտությունը կարող է լուծվել դիվանագիտական ջանքերով»,- ասաց Ֆիցոն։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Ռուբլին թանկացել է․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը