Արևմուտքը նեղացել է Փաշինյանից
Երևանում ընթացող «Երևանյան երկխոսություն» միջազգային համաժողովը ևս մեկ անգամ ցույց տվեց, որ Արևմուտքը չափազանց զայրացած է Փաշինյանի իշխանության վրա։ Նման եզրակացության կարելի է գալ՝ տեսնելով մասնակիցների ցանկը։ Մասնավորապես, Հայաստանի իշխանությունները նախատեսում էին շատ ավելի բարձրաստիճան պատվիրակություններ ընդունել և ցույց տալ, որ բավականին մեծ վարկանիշ ունեն Արևմուտքի մոտ, մինչդեռ Ֆրանսիայի արտգործնախարարին չհաշված, ամենաբարձրաստիճան պաշտոնյաները, որ մասնակցելու են «Երևանյան երկխոսություն» համաժողովին, Սլովակիայի վարչապետ Ռոբերտ Ֆիցոն և Հունգարիայի արտգործնախարար Պետեր Սիյարտոն են։
Այս երկու երկրներն էլ ներկայումս Եվրամիությունում «իզգոյի» կարգավիճակ ունեն, քանի որ պարբերաբար խնդիրներ են ունենում պաշտոնական Բրյուսելի հետ՝ չցանկանալով վատթարացնել իրենց հարաբերությունները Ռուսաստանի հետ։ Ֆիցոն, օրինակ, այն առաջնորդների թվում էր, որ մայիսի 9-ին Մոսկվայում մասնակցել էր Հաղթանակի շքերթին։
Փաստացի, Արևմուտքը այսպիսի վերաբերմունքով Փաշինյանին զգուշացում է անում, որ իր ռուսամետ քաղաքականությունը կարող է լուրջ հետևանքներ ունենալ հենց իր համար, այն է՝ արևմտյան հովանավորները ձեռք քաշեն Փաշինյանից։ Բնականաբար, գործող իշխանությունը և իր քարոզչամեքենան Եվրամիության նման վերաբերմունքի մասին չեն խոսի, կփորձեն առկա միջոցներով տպավորություն ստեղծել, թե Արևմուտքը դեռևս աջակցում է Հայաստանի իշխանություններին։
Աջակցության ամենակարևոր է դրսևորումներից մեկն էլ արդեն եկող տարվա գարնանը Հայաստանում նախատեսված Եվրոպական քաղաքական համայնքի 8-րդ գագաթնաժողովն է։ 2022 թ․-ից հետո ավանդաբար այդ համաժողովին մասնակցում են Եվրամիության և դաշնակից երկրների առաջնորդները։ Եվ այժմ կարելի է արձանագրել, որ Հայաստանի իշխանություններին «ֆորա» են տվել, բայց եթե Փաշինյանի իշխանությունը ռեալ քայլեր չձեռնարկի հակառուսականության դաշտում, ապա չի բացառվում, որ նույնիսկ այդ միջազգային համաժողովը ձախողվի կամ էլ բավարար թվով պետությունների առաջնորդներ չբարեհաճեն գալ Հայաստան՝ փոխարենը արտգործնախարարների կամ այլ ավելի ցածր պաշտոնյաների ուղարկելով։
Նանե Մակարյան
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»
Փաշինյանին և իր իշխանությանը միայն ընտրություններով հնարավոր չէ հաղթել. Արամ Պետրոսյան
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...